1 Saˬmeuˬlaˆ 9:12 - Akha

¹² Zaˬ miˬ aˬ buˇ zaˬ guˬ kʼoeˇ deuˬ ehˇ-eu, “Jawˇ meh. Naw nyaꞈ laˇ-eu mehˬ hu keuˆ ni jawˇ luꞈ-a siˬ. Yaw kawˇ-ehˇ le-awˬ. Iˬ nah meuˬ-ahˇ jawˇ-eu tsawˇ haˬ deuˬ gawˬ duˇ-ahˇ jaˆ-eu lawˇ duˬ-ahˇ le-awˇ, lawˇ-eu shehˇ-eu jeˬ mˇ-eu aˇ nah pyeuꞈ-eu miˇ neh, uˬ soe tseuˆ tseuˆ hawˇ-eu aˬ yawꞈ meuˬ-ahˇ laˇ keuˆ-euˬ tehꞈ-a siˬ.

1 Saˬmeuˬlaˆ 9:12 Σταυροειδείς Αναφορές

Aˇ dahˬ 31:54

Aˬ yawꞈ jeˬ zaˬ tiˬ mawˇ sehꞈ-awˇ, gawˬ jawˬ kʼoeˇ taˆ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ kuˇ-awˇ, aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ-euˬ meh. Aˬ yawꞈ maꞈ dzaˬ-awˇ dawˇ-awˇ, uˬ ciꞈ jawˇ bya-euˬ meh.

1 Laˬsaˬbaˬ 16:39

Piˇ ma Zaˬdoˆ hawˇ-eu aˬ yawꞈ-euˬ cawˬ piˇ ma deuˬ-aˬ, Giˇbyoˬ meuˬ-ahˇ jaˆ-eu uˬ duˬ tahˬ-eu jawˇ duˬ-ahˇ, Sahˬpaˬ Miˬyehˇ-ahˇ uˬ duˬ tahˬ gaˇ sheuˬ gʼeh-euˬ meh.

1 Saˬmeuˬlaˆ 10:5

Kʼoeˇ naˇ, Piˇliˇtiˆ tsawˇ haˬ deuˬ-euˬ taˆ tiˬ taˆ jaˆ-eu jawˇ duˬ pyeuꞈ-eu, Giˇbyaˬ meuˬ-ahˇ jaˆ-eu Miˬyehˇ-euˬ gawˬ jawˬ-ahˇ nawˇ ya le tehꞈ-a. Meuˬ-euˬ lahˇ kʼehˬ dawˬ peh nawˇ le keuˆ ngeh, tahˬ diˬ deuˇ-mˬ diˬ-awˇ, bawˬ law baw, cehˇ lehˇ ciˆ-eu laꞈ kʼoeˇ, gawˬ jawˬ-ahˇ neh yaꞈ ka le luꞈ-eu Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ-ahˇ nawˇ ya tahˬ puˬ tehꞈ-a. Tsawˇ haˬ kʼoeˇ deuˬ gaˇ nyeh nyeh nyeh-ehˇ guˇ luꞈ tehꞈ-a.

1 Saˬmeuˬlaˆ 16:2

Saˬmeuˬlaˆ ehˇ-eu, “Ngaˇ teu loꞈ-ehˇ aˬ joˆ-ehˇ mˇ nya nmˇ. Gaˇ kawˆ kʼoeˇ Sawˇluˆ ya gaˬ naˇ, ngaˬ-ahˇ sehꞈ laˇ tehꞈ-a.” Sahˬpaˬ Miˬyehˇ ehˇ-eu, “Nawˇ mawˇ neˇ mawˇ kʼaˇ zaˬ tiˬ mawˇ tsahˇ gʼeh-awˇ, Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ ma lehˇ ehˇ nehˬ-awˬ.

1 Saˬmeuˬlaˆ 2:35

Ngaˬ-ahˇ saˇ jaˇ ziꞈ-awˇ ngaˇ kʼaˇ bi mˇ mawꞈ-eu jeˬ mˇ-eu piˇ ma tiˬ gʼaˬ ngaˇ tseˇ doˆ ma. Kʼoeˇ gʼaˬ-euˬ zaˬ deuˬ uˆ deuˬ jeuˬ le o le-awˇ, ngaˬ neh tseˇ doˆ-euˬ sahˬ paˬ mehˬ shi aˬ yawꞈ aˬ myah luꞈ gaˇ ya mˇ tehꞈ-a.

1 Saˬmeuˬlaˆ 20:6

Dzaˬ taꞈ dawˇ taꞈ-eu hawˬ jeh-ahˇ ngaˇ hawˬ jawˬ maˬ jawˬ luꞈ nga lehˇ nawˬ da haw siˬ naˇ, ngaˬ-euˬ aˇ jeuˬ tiˬ jeuˬ jeuˬ lah ni tiˬ kʼoꞈ tiˬ poˆ ya lawˇ ya shehˇ-eu aˇ yamˬ tsaˬ laˇ-euˬ miˇ neh, nawˬ-ahˇ shaˇ-awˇ tehˬ law baw law-ehˇ Behˬlehˬhehˬ meuˬ-ahˇ gʼoꞈ-iˇ-euˬ meh lehˇ ehˇ nehˬ-awˬ.

1 Saˬmeuˬlaˆ 7:17

Kʼoeˇ naˇ, aˬ yawꞈ jawˇ-eu Laˬmahˇ meuˬ-ahˇ paˇ gʼoꞈ-iˇ-awˇ, kʼoeˇ gaˇ kʼawꞈ yaˇ kʼaˬ daˇ nehˬ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Laˬmahˇ meuˬ laꞈ kʼoeˇ lawˇ duˬ tiˬ tsahˇ aˬ yawꞈ gawˬ-euˬ meh.