1 Saˬmeuˬlaˆ 8:6 - Akha

⁶ Aˬ yawꞈ maꞈ sahˬ paˬ tiˬ gʼaˬ shaˇ gaˇ Saˬmeuˬlaˆ nui ma maˬ tsaˬ-a. Kʼoeˇ miˇ neh, Sahˬpaˬ Miˬyehˇ-ahˇ aˬ yawꞈ guiˬ lahˬ shaˇ-euˬ meh.

1 Saˬmeuˬlaˆ 8:6 Σταυροειδείς Αναφορές

Jaceuq 109:4

Ngaˇ aˬ yawꞈ maꞈ-ahˇ gaˬ-awˇ guiˬ lahˬ shaˇ nehˬ luꞈ kʼawꞈ, aˬ yawꞈ maꞈ ngaˬ-ahˇ muiˇ-eu meh.

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

Doˆ-iˇ 32:32

Gʼawˬ shaˬ gaˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Ehˇ kʼawꞈ, aˬ yawꞈ maꞈ-ahˇ nawˇ iˬ baˇ maˬ pyehˬ nehˬ coeˇ naˇ, nawˬ-euˬ tsawˇ haˬ deuˬ-euˬ tsawˇ myahˇ boꞈ ahˇ taˬ-euˬ sahˬ boꞈ laꞈ kʼoeˇ ahˇ-eu ngaˬ-euˬ tsawˇ myahˇ shiˆ byoˆ-awˬ.”

Hawˇseˬ 13:10

Sahˬpaˬ hawˇ-eu aˬ yuiꞈ aˬ tsu, bi laꞈ lehˇ naw maꞈ shaˇ-eu meh. Ehˇ kʼawꞈ, naw maꞈ-euˬ tsawˇ jeuˬ-ahˇ, yawꞈ maꞈ ka kʼoꞈ nehˬ nya nmˇ loˇ.

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Bawˇtsahˬ 16:22

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-awˇ, “Miˬyehˇ-oˇ, nawˇ-aˬ yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ yaw sahˇ pyeuꞈ-eu meh. Tsawˇ haˬ tiˬ gʼaˬ iˬ baˇ mˇ-euˬ baˬ da neh tsawˇ haˬ aˇ maꞈ aˇ muˇ dawˬ tawˆ luꞈ-ahˇ nawˇ nui ma pehˇ te loˇ.”

Bawˇtsahˬ 16:46

Aˬloˬ-ahˇ Moˇseˬ ehˇ nehˬ-eu, “Nawˬ-euˬ miˬ jiˆ pehˆ ahˇ-eu guiˬ gʼawˆ yuˇ-awˇ, lawˇ duˬ kʼoeˇ taˆ jaˆ-eu doꞈ luꞈ-eu miˬ jiˆ pehˆ ahˇ-awˇ, miˬ jiˆ kʼoeˇ taˆ yaw saw jeˬ dawˆ puiˆ-awˬ. Kʼoeˇ naˇ, tsawˇ haˬ kʼoeˇ deuˬ jawˇ gaˇ yaw kawˇ-ehˇ iˇ-awˇ, aˬ yawꞈ maꞈ bi shawˇ laˇ-eu zahˇ jahˇ-awˬ. Yaw kawˇ kawˇ-ehˇ jahˇ-awˬ. Sahˬpaˬ Miˬyehˇ nui ma pehˇ laˇ taˬ-euˬ miˇ neh luˬ-iˇ seˇ-iˇ-eu jeˬ keuˆ le taˬ-euˬ nga.”

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

1 Saˬmeuˬlaˆ 10:19

Ngaˇ-aˬ, shaˬ-eu zahˬ-eu jeˬ hawˇ-eu guˆ-eu gaˆ-eu jeˬ laꞈ kʼoeˇ neh, naw maꞈ-ahˇ ka kʼoꞈ nehˬ-euˬ gʼaˬ pyeuꞈ-eu naw maꞈ-euˬ Miˬyehˇ ma. Ehˇ kʼawꞈ, naw maꞈ iˬ nah ngaˬ-ahˇ byehˇ dzeh-awˇ, sahˬ paˬ tiˬ gʼaˬ biꞈ nehˬ laꞈ lehˇ shaˇ-eu nga lehˇ ehˇ-eu meh. Teu miˇneh, yawˬ ha aˇ jeuˬ aˇ ca yawˬ ha jawˇ duˬ yuˇ-awˇ, Sahˬpaˬ Miˬyehˇ-euˬ mehˬ shi uiˬ laˇ-awˬ.”

1 Saˬmeuˬlaˆ 12:12

Ehˇ kʼawꞈ, Aˬmoˬ sahˬ paˬ Naˬhaˆ naw maꞈ-ahˇ guiˇ deuˆ le-eu lehˇ lehˬ hmˬ luꞈ gaˇ naw maꞈ ya mawˇ ngeh, Sahˬpaˬ Miˬyehˇ-ahˇ naw maꞈ-euˬ sahˬ paˬ lehˇ maˬ paˇ sawˇ ni, Nga maꞈ-ahˇ bi uˆ lahˇ-eu sahˬ paˬ tiˬ gʼaˬ geuꞈ mawꞈ nya lehˇ, naw maꞈ ngaˬ-ahˇ ehˇ laˇ-euˬ meh.

1 Saˬmeuˬlaˆ 12:17

Nymˬ-mˇ jawˇ la yamˬ meh lehˇ naw maꞈ siˬ nya meh. Ehˇ kʼawꞈ, ngaˇ guiˬ lahˬ shaˇ ngeh jawˇ, Sahˬpaˬ Miˬyehˇ mˬ jeˬ bi jeˬ le-awˇ, uˬ yehˇ bi yehˇ le tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ sahˬ paˬ shaˇ-eu heu-aˬ, Sahˬpaˬ Miˬyehˇ mehˬ shi huiˬ-eu iˬ baˇ pyeuꞈ law hawˇ nga lehˇ, naw maꞈ ya siˬ duˬ tehꞈ-a.”

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.

1 Saˬmeuˬlaˆ 7:5

Kʼoeˇ naˇ, Saˬmeuˬlaˆ ehˇ-eu, “Iˇsaˬleˬlaˆ tsawˇ haˬ deuˬ dawˬ tawˆ luꞈ-ahˇ Miˇzaˬpaˬ meuˬ-ahˇ kuˇ uiˬ-awˬ. Naw maꞈ gʼaˇ duˬ Sahˬpaˬ Miˬyehˇ-ahˇ ngaˇ kʼoeˇ gaˇ guiˬ lahˬ shaˇ ma.”