1 Saˬmeuˬlaˆ 8:5 - Akha

⁵ Aˬ yawꞈ maꞈ Saˬmeuˬlaˆ-ahˇ ehˇ nehˬ-eu, “Nawˇ tsawˇ mawˬ mawˬ laˇ gʼaˬ-euˬ kʼawꞈ, nawˬ li deuˬ nawˬ-ahˇ dzaw geuꞈ-awˇ yaw dehꞈ maˬ dehꞈ-a. Kʼoeˇ miˇ neh, aˬ cawˬ tsawˇ jeuˬ sahˬ paˬ baw-eu loꞈ-ehˇ, nga maꞈ kʼawꞈ sahˬ paˬ baw laˇ ni, nga maꞈ-ahˇ bi uˆ lahˇ-eu sahˬ paˬ tiˬ gʼaˬ tseˇ doˆ nehˬ laꞈ-awˬ.”

1 Saˬmeuˬlaˆ 8:5 Σταυροειδείς Αναφορές

Bawˇtsahˬ 23:9

Lo guˇ uˬ gʼmˬ-ahˇ jawˇ-awˇ, aˬ yawꞈ maꞈ-ahˇ ngaˇ mawˇ-euˬ ma. Gawˬ duˇ uˬ du daˆ-awˇ, aˬ yawꞈ maꞈ-ahˇ ngaˇ haw-euˬ ma. Aˬ yawꞈ maꞈ aˬ cawˬ-ahˇ maˬ keuˬ leˇ ni, yawˬ haˇ yawˬ ha jawˇ-eu tsawˇ jeuˬ meh. Aˬ cawˬ tsawˇ jeuˬ naˆ maˬ tseˇ yawˬ ha guiˬ lahˬ za-euˬ, aˬ yawꞈ maꞈ siˬ nya luꞈ meh.

Gʼaˬkʼehˇ 13:21

Kʼoeˇ naˇ, aˬ yawꞈ maꞈ sahˬ paˬ shaˇ ngeh, Miˬyehˇ neh a yawꞈ maꞈ-ahˇ Beˬyaˬmiˬ tsawˇ jeuˬ Giˇshaˆ-euˬ aˬ li Sawˇluˆ biꞈ nehˬ-awˇ, aˬ yawꞈ maꞈ kʼoeˇ taˆ sahˬ paˬ geuꞈ-awˇ oeˬ tseˇ kʼoꞈ bi uˆ lahˇ-euˬ meh.

Yaˇ kʼaˬ daˇ 8:22

Kʼoeˇ naˇ, Iˇsaˬleˬlaˆ tsawˇ haˬ deuˬ Giˇdoˬ-ahˇ ehˇ nehˬ-eu, “Nawˇ hawˇ-eu nawˬ-euˬ zaˬ nawˬ-euˬ uˆ deuˬ nga maꞈ kʼoeˇ taˆ uˆ lahˇ-awˬ. Miˇdiˬyaˬ tsawˇ haˬ deuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ-euˬ meh.”

1 Saˬmeuˬlaˆ 10:19

Ngaˇ-aˬ, shaˬ-eu zahˬ-eu jeˬ hawˇ-eu guˆ-eu gaˆ-eu jeˬ laꞈ kʼoeˇ neh, naw maꞈ-ahˇ ka kʼoꞈ nehˬ-euˬ gʼaˬ pyeuꞈ-eu naw maꞈ-euˬ Miˬyehˇ ma. Ehˇ kʼawꞈ, naw maꞈ iˬ nah ngaˬ-ahˇ byehˇ dzeh-awˇ, sahˬ paˬ tiˬ gʼaˬ biꞈ nehˬ laꞈ lehˇ shaˇ-eu nga lehˇ ehˇ-eu meh. Teu miˇneh, yawˬ ha aˇ jeuˬ aˇ ca yawˬ ha jawˇ duˬ yuˇ-awˇ, Sahˬpaˬ Miˬyehˇ-euˬ mehˬ shi uiˬ laˇ-awˬ.”

1 Saˬmeuˬlaˆ 12:13

“Haw yawˬ. Naw maꞈ neh tseˇ doˆ-euˬ sahˬ paˬ iˬ nah heu gaˇ jawˇ luꞈ meh. Naw maꞈ neh shaˇ-euˬ loꞈ-ehˇ, Sahˬpaˬ Miˬyehˇ naw maꞈ-ahˇ sahˬ paˬ heu gʼaˬ biꞈ laꞈ-euˬ meh.

1 Saˬmeuˬlaˆ 12:17

Nymˬ-mˇ jawˇ la yamˬ meh lehˇ naw maꞈ siˬ nya meh. Ehˇ kʼawꞈ, ngaˇ guiˬ lahˬ shaˇ ngeh jawˇ, Sahˬpaˬ Miˬyehˇ mˬ jeˬ bi jeˬ le-awˇ, uˬ yehˇ bi yehˇ le tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ sahˬ paˬ shaˇ-eu heu-aˬ, Sahˬpaˬ Miˬyehˇ mehˬ shi huiˬ-eu iˬ baˇ pyeuꞈ law hawˇ nga lehˇ, naw maꞈ ya siˬ duˬ tehꞈ-a.”

1 Saˬmeuˬlaˆ 12:2

Aˬ kaˇ naˇ, naw maꞈ-ahˇ aˬ yawꞈ uˆ lahˇ tehꞈ-a. Ngaˇ tsawˇ mawˬ mawˬ le-awˇ, uˬ duˬ pyuˇ laˇ-euˬ miˇ-a. Ngaˬ li deuˬ kʼawꞈ naw maꞈ nehˬ-ehˇ jawˇ luꞈ meh. Zaˬ guˬ pyeuꞈ ngeh neh nymˬ-mˇ keuˆ ni naw maꞈ-ahˇ ngaˇ sheuˬ gʼeh-euˬ ma.

1 Saˬmeuˬlaˆ 9:20

Dzeuˇ yaꞈ-euˬ smˬ nah laꞈ kʼoeˇ byoˆ-iˇ-euˬ mahˬ tahˬ laˆ kʼoeˇ deuˬ gaˇ kawˆ taˬ paˇ noeˬ shaˬ. Mawˇ kʼoꞈ gʼaˬ-euˬ meh. Iˇsaˬleˬlaˆ tsawˇ haˬ deuˬ nymˬ-mˇ loˬ dui dui luꞈ-eu tsawˇ haˬ aˬ geu gʼaˬ-a lehˇ nawˇ siˬ nya ma loˇ. Aˬ yawꞈ maꞈ nawˬ-ahˇ loˬ-eu meh. Nawˇ hawˇ-eu nawˬ da-euˬ nymˇ jiˇ-ahˇ loˬ-eu meh.”