1 Saˬmeuˬlaˆ 8:12 - Akha

¹² Tiˬ paˆ na deuˬ-ahˇ tiˬ heˇ gʼaˬ kʼoeˇ taˆ uˆ lahˇ-eu aˬ yuiꞈ bi geuꞈ-awˇ, tiˬ paˆ na deuˬ-ahˇ ngaˬ tseˇ gʼaˬ kʼoeˇ taˆ uˆ lahˇ-eu aˬ yuiꞈ bi geuꞈ tehꞈ-a. Aˬ yawꞈ-euˬ deh yaˇ tsehˬ-eu, cehˇ yehˬ-eu, guiˇ deuˆ-eu keu ka hawˇ-eu mahˬ laˆ lawˬ keu ka tehˆ-eu gaˇ heu deuˬ-ahˇ, naw maꞈ-euˬ aˬ li deuˬ aˬ yawꞈ gʼaˇ duˬ ya mˇ nehˬ tehꞈ-a.

1 Saˬmeuˬlaˆ 8:12 Σταυροειδείς Αναφορές

1 Sahˬpaˬ 4:7

Iˇsaˬleˬlaˆ miˇ kʼahˬ laꞈ kʼoeˇ, miˇ kʼahˬ kʼahˬ zaˬ biˇ taˬ-awˇ bi uˆ lahˇ-euˬ tsawˇ haˬ tseˇ nyiꞈ gʼaˬ Sawˇlaˬmoˬ tseˇ doˆ-euˬ meh. Tsawˇ haˬ kʼoeˇ deuˬ-aˬ, yawˬ ha uˆ lahˇ luꞈ-eu miˇ kʼahˬ laꞈ kʼoeˇ, sahˬ paˬ hawˇ-eu aˬ yawꞈ-euˬ miˬ sawˇ zaˬ deuˬ gʼaˇ duˬ dzaˬ dzaˬ dawˇ dawˇ taꞈ doˆ-awˇ, ya sha ha nehˬ leˇ-eu meh. Miˇ kʼahˬ kʼahˬ zaˬ tiˬ kʼahˬ uˬ duˬ-ahˇ, tiˬ kʼoꞈ laꞈ kʼoeˇ ba la tiˬ siˬ dzaˬ loꞈ dawˇ loꞈ ni ya taꞈ nehˬ-eu meh.

Bawˇtsahˬ 31:14

Guiˇ deuˆ leˇ-eu gʼoꞈ le-euˬ guiˇ maꞈ laꞈ kʼoeˇ, aˇ heˇ gʼaˬ-ahˇ uˆ lahˇ-eu yaw huiˬ deuˬ hawˇ-eu aˇ yaˇ gʼaˬ-ahˇ uˆ lahˇ-eu yaw huiˬ deuˬ-ahˇ Moˇseˬ nui ma pehˇ-eu meh.

1 Saˬmeuˬlaˆ 22:7

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Beˬyaˬmiˬ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Daˬbiˇ-aˬ, naw maꞈ dawˬ tawˆ luꞈ-ahˇ deh yaˇ hawˇ-eu aˬ gaꞈ yaˇ kmˇ biˇ nehˬ laꞈ-awˇ, naw maꞈ-ahˇ aˬ yawꞈ-euˬ guiˇ maꞈ kʼoeˇ taˆ uˆ lahˇ-eu yaw huiˬ deuˬ bi geuꞈ nehˬ laꞈ tehꞈ-a lehˇ noeˬ luꞈ te loˇ.

1 Saˬmeuˬlaˆ 8:13

Naw maꞈ-euˬ aˬ buˇ zaˬ miˬ deuˬ-aˬ, aˬ yawꞈ zmˬ-eu tsiˇ yaw saw jeˬ jahˇ-eu, aˬ yawꞈ dzaˬ-eu gʼaˇ duˬ hawˬ mˇ dzaˇ saꞈ gʼeh-eu hawˇ-eu, aˬ yawꞈ gʼaˇ duˬ kaˬ muˇ jahˇ-eu gaˇ deuˬ ya mˇ nehˬ tehꞈ-a.