1 Saˬmeuˬlaˆ 7:6 - Akha

⁶ Kʼoeˇ ngeh, aˬ yawꞈ maꞈ dawˬ tawˆ luꞈ Miˇzaˬpaˬ meuˬ-ahˇ uiˬ laˇ jiˇ-euˬ meh. Aˬ yawꞈ maꞈ iˇ cuꞈ kʼawꞈ-awˇ shehˆ-eu laꞈ kʼoeˇ, Sahˬpaˬ Miˬyehˇ-ahˇ lawˇ nehˬ-awˇ, maˬ dzaˬ maˬ dawˇ ni nah lah lah-euˬ meh. “Nga maꞈ Sahˬpaˬ Miˬyehˇ mehˬ shi iˬ baˇ mˇ-euˬ ma” lehˇ aˬ yawꞈ maꞈ ehˇ-eu meh. Saˬmeuˬlaˆ-aˬ, Miˇzaˬpaˬ meuˬ-ahˇ jawˇ-awˇ, Iˇsaˬleˬlaˆ tsawˇ haˬ yaw kaˬ ja dzaˬ gaˇ yaˇ kʼaˬ daˇ nehˬ-euˬ meh.

1 Saˬmeuˬlaˆ 7:6 Σταυροειδείς Αναφορές

Aˇ dahˬ 31:49

“Aˇ nyaꞈ gʼawˬ-iˇ ngeh, aˇ nyaꞈ yaw kaˬ-ahˇ Miˬyehˇ jawˇ luꞈ-uˇ” lehˇ Laˬbaˬ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Miˇzaˬpaˬ lehˇ kʼawꞈ kuˇ-eu meh.

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

1 Sahˬpaˬ 8:47

nawˬ-euˬ tsawˇ haˬ kʼoeˇ deuˬ-euˬ guiˬ lahˬ shaˇ dawˬ-ahˇ nawˇ naˇ haˬ nehˬ-awˬ. Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ iˬ baˇ noeˬ poˆ-awˇ, aˬ yawꞈ maꞈ maˬ tsaˬ maˬ dawˇ-eu laꞈ kʼoeˇ dehꞈ-euˬ miˇ neh, yawˬ ha iˬ baˇ huiˬ dui dui-eu gaˇ kawˆ ja doˆ-awˇ nawˬ-ahˇ guiˬ lahˬ shaˇ naˇ, Sahˬpaˬ Miˬyehˇ-oˇ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ.

1 Laˬsaˬbaˬ 11:18

Tsawˇ myahˇ doˆ dui dui-eu yehˇ kʼoeˇ smˇ gʼaˬ Piˇliˇtiˆ tsawˇ haˬ deuˬ-euˬ taˆ nyiꞈ tsehˆ-ehˇ tahˬ doˆ gʼeh-awˇ, lah duˬ-ahˇ iˇ cuꞈ kʼawꞈ-awˇ, Daˬbiˇ jawˇ gaˇ yuˇ laꞈ nehˬ-euˬ meh. Ehˇ kʼawꞈ, iˇ cuꞈ kʼoeˇ aˬ yawꞈ maˬ dawˇ-ehˇ, shehˆ kʼaˇ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

2 Laˬsaˬbaˬ 20:3

Yeˬhawˇshaˬpaˇ guˆ dui dui-awˇ, Sahˬpaˬ Miˬyehˇ neh bi ngehˬ gʼeh-eu gʼaˇ duˬ guiˬ lahˬ shaˇ-euˬ meh. Yuˇdaˆ miˇ kʼahˬ kʼahˬ lah ni maˬ dzaˬ-eu zahˇ jahˇ-eu gʼaˇ duˬ, aˬ yawꞈ dawˬ biꞈ gʼeh-euˬ meh.

Neˬhaˬmiˇ 9:27

Kʼoeˇ miˇ neh, aˬ yawꞈ maꞈ-ahˇ muiˇ-eu deuˬ neh, aˬ yawꞈ maꞈ-ahˇ nawˇ bi deuˆ gʼaˬ-awˇ, bi uˆ lahˇ-euˬ meh. Aˬ yawꞈ maꞈ shaˬ-eu zahˬ-eu laꞈ kʼoeˇ, caw ba le-awˬ lehˇ nawˬ-ahˇ kuˇ ngeh, nawˇ mˬ kʼoeˇ taˆ jawˇ-awˇ naˇ haˬ nehˬ-euˬ meh. Aˬ yawꞈ maꞈ-ahˇ nawˇ gʼawˬ shaˬ gaˬ dui dui-eu laꞈ kʼoeˇ, muiˇ-eu deuˬ-euˬ laꞈ-ahˇ neh bi ka kʼoꞈ-eu gʼaˇ duˬ, aˬ yuiꞈ aˬ tsu deuˬ nawˇ pyehˬ gʼeh-euˬ meh.

Yawˇbaˆ 16:20

Ngaˬ-euˬ cawˬ deuˬ ngaˬ-ahˇ aˬ jaꞈ jaꞈ haw-awˇ, Miˬyehˇ mehˬ shi ngaˇ myaˆ biˇ yoeˇ le miˇ-a.

Yawˇbaˆ 3:24

Dzaˬ-eu dah zaˇ ngoeˇ-eu oꞈ-awˇ, ngoeˇ taˬ-euˬ maˬ baw miˇ-a.

Yawˇbaˆ 33:27

Kʼoeˇ ngeh, tsawˇ haˬ aˇ maꞈ mehˬ shi aˬ yawꞈ heu loꞈ-ehˇ ehˇ tehꞈ-a. ‘Ngaˇ yaw tsaˬ yaw dawˇ jeˬ maˬ mˇ ni iˬ baˇ mˇ-euˬ ma. Ehˇ kʼawꞈ, Miˬyehˇ ngaˬ-ahˇ bi buˬ-iˇ laꞈ-euˬ meh.

Yawˇbaˆ 40:4

“Sahˬpaˬ Miˬyehˇ-oˇ, ngaˇ siˬ-eu nya-eu tsawˇ haˬ maˬ ngeuˇ. Ngaˇ nawˬ-ahˇ aˬ jeˬ paˇ ehˇ kʼoꞈ nya nmˇ. Ngaˇ tiˬ jeˬ-iˬ leh jeh-awˇ maˬ paˇ ehˇ ma.

Yawˇbaˆ 42:6

Kʼoeˇ miˇ neh ngaˬ neh kʼaˇ ngehˬ kʼaˇ tmˇ dzeuˇ-euˬ jeˬ-ahˇ ngaˇ shaꞈ dawˇ-eu laꞈ kʼoeˇ, kʼaˬ puiˬ kʼaˬ lehˇ tsahˬ-ahˇ jawˇ-awˇ iˬ baˇ noeˬ poˆ-eu ma.”

Jaceuq 106:6

Nga maꞈ-euˬ aˬ poeˬ aˬ bawˇ deuˬ loꞈ-ehˇ nga maꞈ iˬ baˇ mˇ-awˇ, yaw haiˬ jeˬ laꞈ kʼoeˇ dehꞈ-euˬ ma.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Jaceuq 42:3

muiˇ-eu deuˬngaˇjawˇgaˇoe-awˇ, “Nawˬ-euˬMiˬyehˇaˬgaˇjawˇta”, maˬtsehˆleˇni naˇhaˬlaˇngeh, uˬciꞈnah gʼahˇmaˬtsehˆleˇni, myaˆbiˇngaˬ-euˬdzaˇgeuꞈ-euˬma.

Jaceuq 6:6

Noeˬshaˬ-awˇ gʼaˬbaˬdui dui nya. Yawˬmiˇnaluꞈ ngoeˇ-eu oꞈ-awˇ, yuꞈzaˇ myaˆbiˇ iˇjeuˬjeuˬnya.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Yeˬlaˬmiˇ 31:19

Nawˬ-ahˇ byehˇ dzeh-awˇ gʼoˆ doˆ-iˇ-euˬ kʼawꞈ, nymˬ-mˇ nga maꞈ noeˬ poˆ-euˬ ma. Nawˇ nga maꞈ-ahˇ kʼehˬ nehˬ laꞈ ngeh, nui ma zahˇ tsui ni shaˬ-euˬ ma. Zaˬ guˬ pyeuꞈ ngeh mˇ lehˬ-euˬ iˬ baˇ baˬ da neh, daˬ ga-awˇ shaꞈ dawˇ dui dui nya.

Yeˬlaˬmiˇ 36:9

Yeˬhawˇyaˬkmˬ Yuˇdaˆ sahˬ paˬ geuꞈ-euˬ ngaˬ kʼoꞈ tiˬ kʼoꞈ ba la gʼoeˬ siˬ tiˬ siˬ-ahˇ, Sahˬpaˬ Miˬyehˇ nui ma bi saˇ-eu gʼaˇ duˬ miˇ kʼahˬ zaˬ deuˬ maˬ dzaˬ maˬ dawˇ ni lah-euˬ meh. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-euˬ tsawˇ haˬ deuˬ hawˇ-eu, Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, maˬ dzaˬ maˬ dawˇ ni lah-euˬ meh.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Ngoeˇ dawˬ 3:49

Mˬ taˆ jawˇ-eu Sahˬpaˬ Miˬyehˇ, haw ka leꞈ-awˇ maˬ mawˇ kʼoeˇ keuˆ, ngaˬ-euˬ myaˆ biˇ lawˇ gawˆ yoeˇ-eu, maˬ paˇ tsiˇ leˇ nya-eu miˇ-a.

Ngoeˇ dawˬ 5:16

Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.

Yeˬsaˬgeˬlaˇ 20:4

“Tsawˇ haˬ zaˬ-oˇ, nawˇ aˬ yawꞈ maꞈ-ahˇ yaˇ kʼaˬ daˇ-eu lehˇ noeˬ tsehˆ gʼaˬ maˬ loˇ. Noeˬ tsehˆ gʼaˬ-euˬ ngeuˇ naˇ, daˇ nehˬ-awˬ. Aˬ yawꞈ maꞈ-euˬ aˬ da deuˬ neh mˇ-euˬ jawꞈ dui dui-eu jeˬ aˬ yawꞈ maꞈ-ahˇ ja noeˬ nehˬ-awˬ.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Yawˇlaˆ 2:12

Nymˬ-mˇ SahˬpaˬMiˬyehˇ ehˇ-eu, “Naw maꞈ nui ma laꞈ kʼoeˇ keuˆ ni, naw maꞈ-euˬ iˬ baˇ noeˬ poˆ-awˇ, maˬ dzaˬ-eu zahˇ jahˇ-eu laꞈ kʼoeˇ, nui noeˬ shaˬ-awˇ ngoeˇ-eu laꞈkʼoeˇ, ngaˇ jawˇ gaˇ paˇ gʼoꞈ kʼoꞈ laˇ-awˬ.

Uˬ duˬ 16:29

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ aˬ myah luꞈ ya caw teh meh. Ba la shiꞈ siˬ tiˬ siˬ tseˇ nah tiˬ nah-ahˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ, maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw meh.

Uˬ duˬ 26:40

“Ehˇ kʼawꞈ, naw maꞈ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ iˬ baˇ maˬ ehˇ, ngaˬ-euˬ ehˇ dawˬ maˬ naˇ haˬ ni ngaˬ-ahˇ puiˬ-euˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ iˬ baˇ maˬ ehˇ, maˬ zaꞈ ni ehˇ doˆ tehꞈ-a.

Luˇkaꞈ 15:18

Ngaˇ tsawˬ tuˇ-awˇ ngaˬ da jawˇ gaˇ gʼoꞈ leˇ-awˇ, “Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma.

Yawˇshuˆ 18:26

Miˇzaˬpaˬ meuˬ, Sheˬpiˇlaˬ meuˬ, Mawˇzahˇ meuˬ,

Yaˇ kʼaˬ daˇ 10:10

Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ guˇ-awˇ ehˇ-eu, “Nga maꞈ-euˬ Miˬyehˇ pyeuꞈ-eu nawˬ-ahˇ nga maꞈ byehˇ dzeh-awˇ, Baˬlaˇ miˬ yehˇ deuˬ-ahˇ uˬ duˬ tahˬ-eu laꞈ kʼoeˇ, nawˬ-eu mehˬ shi nga maꞈ iˬ baˇ mˇ-euˬ ma.”

Yaˇ kʼaˬ daˇ 10:15

Ehˇ kʼawꞈ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ ehˇ-eu, “Nga maꞈ iˬ baˇ mˇ gʼaˬ-euˬ ma. Nawˇ nga maꞈ-ahˇ kʼaˇ jahˇ mawꞈ-eu jeˬ jahˇ nehˬ laꞈ-awˬ. Ehˇ kʼawꞈ, nga maꞈ-ahˇ iˬ nah maˬ ka kʼoꞈ ni taˬ byehˇ nehˬ laꞈ.”

Yaˇ kʼaˬ daˇ 2:4

Mˬ taˆ gʼaˬ kʼehˇ kʼoeˇ gʼaˬ kʼoeˇ loꞈ-ehˇ ehˇ gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ ngoeˇ-eu meh.

Yaˇ kʼaˬ daˇ 20:26

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ Beˬdeˬlaˇ meuˬ-ahˇ le-awˇ tsawˇ ngoeˇ ngoeˇ leˇ-euˬ meh. Kʼoeˇ gaˇ, Sahˬpaˬ Miˬyehˇ-euˬ mehˬ shi aˬ yawꞈ maꞈ nuiˇ-awˇ, uˬ ciꞈ paw keuˆ ni maˬ dzaˬ maˬ dawˇ-ehˇ jawˇ-euˬ meh. Cawˬ cawˬ taꞈ-eu lawˇ-eu jeˬ hawˇ-eu, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ heu deuˬ dawˬ tawˆ luꞈ, Sahˬpaˬ Miˬyehˇ-euˬ mehˬ shi aˬ yawꞈ maꞈ lawˇ-euˬ meh.

Yaˇ kʼaˬ daˇ 3:10

Sahˬpaˬ Miˬyehˇ-euˬ yaw sahˇ aˬ yawꞈ kʼoeˇ taˆ zaꞈ le-awˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu bi pyeuꞈ laˇ-euˬ meh. Awˇdaˬneˬlaˇ guiˇ deuˆ-iˇ-awˇ, Sahˬpaˬ Miˬyehˇ neh aˬ yawꞈ-ahˇ, Maˬsoˬpoˬtaˬmiˇ sahˬ paˬ-ahˇ bi gʼaˬ leˇ-euˬ meh.

1 Saˬmeuˬlaˆ 1:15

Haˬnahˬ ehˇ-eu, “Aˬ bawˇ piˇ ma-oˇ, ngaˇ aˬ gaꞈ dzaˇ uiˇ yehꞈ-eu maˬ ngeuˇ. Nui ma cawˆ dui dui-eu miˇ neh, ngaˬ-euˬ nui ma laꞈ kʼoeˇ shaˬ zahˬ kʼaˇ mˇ luꞈ-eu jeˬ dawˬ tawˆ luꞈ, guiˬ lahˬ shaˇ-eu laꞈ kʼoeˇ Sahˬpaˬ Miˬyehˇ-ahˇ dzawˇ nehˬ luꞈ-eu ma.

1 Saˬmeuˬlaˆ 10:17

Miˇzaˬpaˬ meuˬ-ahˇ, Saˬmeuˬlaˆ neh Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ mehˬ shi kuˇ uiˬ-euˬ meh.

1 Saˬmeuˬlaˆ 12:10

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ guˇ-ehˇ, heu loꞈ-ehˇ shaˇ-eu meh. “Miˬyehˇ-oˇ, nga maꞈ iˬ baˇ mˇ gʼaˬ-euˬ ma. Aˬ jeˬ miˇ neh ehˇ naˇ, nga maꞈ nawˬ-ahˇ byehˇ dzeh-awˇ, Baˬlaˇ miˬyehˇ-euˬ tahˬ pahˬ aˬ ma mawˇ kawˇ hawˇ-eu, Aˬshaˇtaˬyoˇ miˬyehˇ ma-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ ma. Muiˇ-eu deuˬ-euˬ aˬ laꞈ laꞈ kʼoeˇ, nga maꞈ-ahˇ ka kʼoꞈ nehˬ laꞈ-awˬ.

1 Saˬmeuˬlaˆ 7:15

Saˬmeuˬlaˆ-aˬ, aˬ yawꞈ yaw dehꞈ kʼaˇ dehꞈ-euˬ tiˬ ziˇ Iˇsaˬleˬlaˆ miˇ kʼahˬ-ahˇ uˆ lahˇ-euˬ meh.