1 Saˬmeuˬlaˆ 7:2 - Akha

² Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, Giˇliˇyaˆyeˬlmˬ meuˬ laꞈ kʼoeˇ, nyiˬ tseˇ kʼoꞈ ehˇ gʼaˬ ni jaˆ-euˬ meh. Aˇ yamˬ kʼoeˇ yamˬ laꞈ kʼoeˇ, Iˇsaˬleˬlaˆ tsawˇ haˬ dawˬ tawˆ luꞈ Sahˬpaˬ Miˬyehˇ bi caw ba le-eu gʼaˇ duˬ guˇ guˇ-ehˇ shaˇ-euˬ meh.

1 Saˬmeuˬlaˆ 7:2 Σταυροειδείς Αναφορές

1 Laˬsaˬbaˬ 13:3

Kʼoeˇ naˇ, Sawˇluˆ sahˬ paˬ geuꞈ ngeh kʼahˇ maˬ kʼoꞈ ni bi jaˆ-euˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ kʼoꞈ laꞈ-iˇ kaˇ-euˇ.”

1 Laˬsaˬbaˬ 13:5

Giˇliˇyaˆyeˬlmˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Yeˬluˇsaˬlehˬ meuˬ-ahˇ baꞈ kʼoꞈ keuˆ laꞈ-eu gʼaˇ duˬ, laꞈ oˆ paw Iˇjiˇtuˆ miˇ kʼahˬ-ahˇ neh, laꞈ taˆ paw Haˬmaˆ gʼaˬ lahˇ-ahˇ keuˆ ni jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ, Daˬbiˇ neh kuˇ uiˬ-euˬ meh.

Yeˬlaˬmiˇ 26:20

(Yeˬlaˬmiˇ loꞈ-ehˇ, meuˬ heu meuˬ hawˇ-eu miˇ kʼahˬ heu kʼahˬ gaˇ kawˆ ngehˬ-eu tsawˇ haˬ tiˬ gʼaˬ jawˇ-eu meh. Kʼoeˇ-aˬ, Giˇliˇyaˆyeˬlmˬ meuˬ-ahˇ jawˇ-eu Sheˬmaˇyaˬ-euˬ aˬ li Uˇliˇyaˆ meh.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Maꞈtehˬ 5:4

“Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Yawˇshuˆ 9:17

Kʼoeˇ naˇ, Iˇsaˬleˬlaˆ tsawˇ haˬ deuˬ gaˇ ma paˇ doˆ-iˇ-awˇ, smˬ nah gaˇ ma le ngeh, tsawˇ haˬ kʼoeˇ deuˬ jawˇ-eu meuˬ deuˬ pyeuꞈ-eu Giˇbyoˬ meuˬ, Sheˬpiˇlaˬ meuˬ, Biˇyoˆ meuˬ hawˇ-eu, Giˇliˇyaˆyeˬlmˬ meuˬ heu deuˬ-ahˇ le keuˆ-euˬ meh.

Yaˇ kʼaˬ daˇ 2:4

Mˬ taˆ gʼaˬ kʼehˇ kʼoeˇ gʼaˬ kʼoeˇ loꞈ-ehˇ ehˇ gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ ngoeˇ-eu meh.

1 Saˬmeuˬlaˆ 7:1

Kʼoeˇ ngeh, Giˇliˇyaˆyeˬlmˬ meuˬ-ahˇ jawˇ-eu tsawˇ haˬ deuˬ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ laˬ le-awˇ, gawˬ duˇ kʼoeˇ taˆ tsoˆ taˬ-euˬ Aˬbiˇnaˬdehˇ-euˬ nymˇ-ahˇ baꞈ taˬ-euˬ meh. Kʼoeˇ naˇ, aˬ yawꞈ-euˬ aˬ li Eˇlaˬzaˬ gʼaˬ-ahˇ Sahˬpaˬ Miˬyehˇ-ahˇ a nehˬ-awˇ, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˬ bi geuꞈ-euˬ meh.

1 Saˬmeuˬlaˆ 7:3

Iˇsaˬleˬlaˆ tsawˇ haˬ deuˬ-ahˇ Saˬmeuˬlaˆ laˇ ehˇ nehˬ-eu, “Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ jawˇ gaˇ gʼoꞈ laˇ ma lehˇ ngeuˇ naˇ, aˬ cawˬ tsawˇ jeuˬ-euˬ miˬ yehˇ dawˬ tawˆ luꞈ hawˇ-eu Aˬshaˇtaˬyoˇ miˬ yehˇ ma-euˬ tahˬ pahˬ aˬ ma mawˇ kawˇ-ahˇ naw maꞈ ya byehˇ dzeh yaꞈ meh. Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ aˬ diˇ aˬ maˇ a nehˬ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Piˇliˇtiˆ tsawˇ haˬ-euˬ aˬ laꞈ laꞈ kʼoeˇ, naw maꞈ-ahˇ aˬ yawꞈ ka kʼoꞈ nehˬ laꞈ tehꞈ-a.”