1 Saˬmeuˬlaˆ 7:12 - Akha

¹² Kʼoeˇ naˇ, Saˬmeuˬlaˆ kʼaˬ lo tiˬ siˬ yuˇ-awˇ, Miˇzaˬpaˬ meuˬ hawˇ-eu Yeˬshaˬnahˬ meuˬ yaw kaˬ-ahˇ ka tuˇ-awˇ, “Sahˬpaˬ Miˬyehˇ iˬ nah keuˆ ni aˬ dui-ahˇ caw ba luꞈ meh” lehˇ ehˇ-awˇ, kʼaˬ lo kʼoeˇ siˬ-ahˇ Eˇbaˬneˬzaˬ lehˇ myahˇ nehˬ-euˬ meh.

1 Saˬmeuˬlaˆ 7:12 Σταυροειδείς Αναφορές

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

Aˇ dahˬ 35:14

Jawˇ duˬ kʼoeˇ tsahˇ-ahˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ noeˬ keuˆ-eu gʼaˇ duˬ, kʼaˬ lo tiˬ siˬ Yaˬkoˆ kʼahˬ tuˇ-awˇ, aˬ gaꞈ dzaˇ uiˇ hawˇ-eu saˬ loˬ tsiˇ shehˆ daˆ-awˇ, Miˬyehˇ-ahˇ damˬ nehˬ-euˬ meh.

Jaceuq 71:17

Nyiˇ ngeh neh nawˇ ngaˬ-ahˇ mehˬ nehˬ tsoˆ nehˬ laꞈ-awˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ, iˬ nah keuˆ ni ngaˇ ja luꞈ ma.

Jaceuq 71:6

Ngaˬ-euˬ tiˬ ziˇ nawˬ-ahˇ tehꞈ-ehˇ laꞈ jeuˬ shaˇ-euˬ ma. Dehꞈ le ngeh tiˬ nah neh ngaˬ-ahˇ nawˇ haw piˇ nehˬ laꞈ-euˬ meh. Nawˬ-ahˇ ngaˇ aˬ myah luꞈ ja ceuˬ ma.

Doˆ-iˇ 17:15

Moˇseˬ lawˇ duˬ tiˬ tsahˇ tsoˆ-awˇ, lawˇ duˬ kʼoeˇ hmˬ-ahˇ, ‘Sahˬpaˬ Miˬyehˇ-aˬ, ngaˬ-euˬ Paˇloˬpaˇlehˇ pyeuꞈ-eu meh’ lehˇ myahˇ nehˬ-euˬ meh.

Iˇsaˬyaˇ 19:19

Aˇ nah aˇ yamˬ kʼoeˇ keuˆ le ngeh, Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ-ahˇ lawˇ-eu gʼaˇ duˬ lawˇ duˬ tiˬ tsahˇ jaˆ-awˇ, Sahˬpaˬ Miˬyehˇ-ahˇ noeˬ keuˆ-eu gʼaˇ duˬ, Iˇjiˇtuˆ miˇ kaˬ-ahˇ kʼaˬ lo kʼawˇ zeuˇ zeuˇ ma ka tuˇ taˬ tehꞈ-a.

Gʼaˬkʼehˇ 26:22

Ehˇ kʼawꞈ, iˬ nah keuˆ ni Miˬyehˇ ngaˬ-ahˇ caw ba nehˬ laꞈ-eu miˇ neh, heu gaˇ yawꞈ-awˇ, huiˬ zaˬ nyiˇ zaˬ heu myaˆ ni gʼeh-eu mehˬ shi saˇ kiˇ ya kamˬ luꞈ-eu ma. Nymˬ-mˇ ngaˇ ehˇ luꞈ-eu gaˇ kawˆ heu-aˬ, Miˬyehˇ gʼaˇ duˬ ngehˬ dah-eu deuˬ hawˇ-eu Moˇseˬ neh aˬ kaˇ heu loꞈ-ehˇ pyeuꞈ laˇ tehꞈ-a lehˇ ehˇ taˬ yaꞈ-euˬ gaˇ kawˆ aˬ yawꞈ tiˬ hmˬ ma.

2 Gawˇliˬtu 1:10

Kʼoeˇ naˆ naˆ-ehˇ gʼeh-eu shiˇ gaˇ keuˆ leˇ taˬ-euˬ aˇ tiˆ-ahˇ, nga maꞈ-ahˇ ka kʼoꞈ nehˬ laꞈ-euˬ meh. Mehˬ hu paw kʼawꞈ, aˬ yawꞈ nga maꞈ-ahˇ ka kʼoꞈ nehˬ laꞈ tehꞈ-a. Naw maꞈ guiˬ lahˬ shaˇ nehˬ laꞈ-euˬ baˬ da neh, aˬ yawꞈ nga maꞈ-ahˇ paˇ ka kʼoꞈ nehˬ laꞈ tehꞈ-a lehˇ nga maꞈ jah duˬ taˬ-euˬ ma. Tsawˇ haˬ gʼawˬ mya ni guiˬ lahˬ shaˇ-euˬ dawˬ Miˬyehˇ-ahˇ gaˬ leˇ-awˇ, nga maꞈ-ahˇ Miˬyehˇ guiˬ lahˬ biꞈ laꞈ tehꞈ-a. Tsawˇ haˬ gʼawˬ mya ni nga maꞈ-euˬ gʼaˇ duˬ Miˬyehˇ-euˬ guiˬ lahˬ-ahˇ ja ceuˬ tehꞈ-a.

Yawˇshuˆ 4:9

Dawˬ ma saˇ jaˇ Bahˬ keuˆ baꞈ-eu piˇ ma deuˬ yawꞈ-euˬ Yawˇdaˬ lawˇ baˬ gʼahˇ ceh kʼoeˇ tsahˇ-ahˇ kʼawꞈ, kʼaˬ lo tseˇ nyiꞈ siˬ Yawˇshuˆ baꞈ bymˇ-euˬ meh. Kʼaˬ lo kʼoeˇ deuˬ iˬ nah keuˆ ni kʼoeˇ gaˇ jaˆ-eu meh.

1 Saˬmeuˬlaˆ 14:35

Kʼoeˇ naˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ Sawˇluˆ gawˬ-euˬ meh. Lawˇ duˬ kʼoeˇ tsahˇ-aˬ, aˬ yawꞈ neh Sahˬpaˬ Miˬyehˇ gʼaˇ duˬ gawˬ beh beh-euˬ lawˇ duˬ pyeuꞈ-eu meh.

1 Saˬmeuˬlaˆ 4:1

Aˇ nah aˇ yamˬ kʼoeˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Kʼoeˇ miˇ neh, Iˇsaˬleˬlaˆ tsawˇ haˬ deuˬ kʼawꞈ, aˬ yawꞈ maꞈ-ahˇ guiˇ deuˆ-iˇ-eu lehˇ doˆ-iˇ-euˬ meh. Iˇsaˬleˬlaˆ tsawˇ haˬ deuˬ Eˇbaˬneˬzaˬ lehˇ kuˇ-eu jawˇ duˬ-ahˇ taˆ tsoˆ-awˇ jawˇ-awˇ, Piˇliˇtiˆ tsawˇ haˬ deuˬ Aˬpyehˇ meuˬ-ahˇ taˆ tsoˆ-awˇ jawˇ-euˬ meh.

1 Saˬmeuˬlaˆ 5:1

Dawˬ ma saˇ jaˇ Bahˬ keuˆ-ahˇ Piˇliˇtiˆ tsawˇ haˬ deuˬ deuˆ za gʼaˬ ngeh, Eˇbaˬneˬzaˬ lehˇ kuˇ-eu jawˇ duˬ-ahˇ neh, aˬ yawꞈ maꞈ jawˇ-eu Aˬshaˬdoˇ meuˬ-ahˇ baꞈ gʼeh-euˬ meh.

1 Saˬmeuˬlaˆ 7:11

Iˇsaˬleˬlaˆ tsawˇ haˬ deuˬ Miˇzaˬpaˬ meuˬ-ahˇ neh baˬ maꞈ puˇ jeˬ-ehˇ doˆ le-awˇ, Piˇliˇtiˆ tsawˇ haˬ deuˬ-ahˇ gaˇ pehˇ kahˇ li sehꞈ sehꞈ-ehˇ teh-awˇ, Behˬgaˬ meuˬ-euˬ dzahˇ dahˬ-ahˇ keuˆ ni teh keuˆ-euˬ meh.