1 Saˬmeuˬlaˆ 6:5 - Akha

⁵ Kʼoeˇ loꞈ-ehˇ jahˇ naˇ, naw maꞈ-ahˇ maˬ ehˇ, naw maꞈ-euˬ miˬ yehˇ deuˬ-ahˇ maˬ ehˇ, naw maꞈ-euˬ miˇ kʼahˬ-ahˇ maˬ ehˇ, aˬ yawꞈ maˬ paˇ kʼehˬ nehˬ laꞈ ni byehˇ-eu duˇ.

1 Saˬmeuˬlaˆ 6:5 Σταυροειδείς Αναφορές

1 Laˬsaˬbaˬ 16:28

Miˇ tsaˬ tsawˇ haˬ zaˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ yawˬ. Yawꞈ-euˬ yaw shehꞈ kʼahˬ sehˇ baoˬ-ahˇ, dawˬ tawˆ luꞈ tuˇ-awˇ ja ceuˬ yawˬ.

1 Laˬsaˬbaˬ 16:29

Yaw shehꞈ kʼahˬ sehˇ huiˬ dui dui-eu, yawꞈ-euˬ tsawˇ myahˇ-ahˇ ja ceuˬ yawˬ. Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ yuˇ laꞈ yawˬ. Muiˬ-eu shawˇ-eu Sahˬpaˬ Miˬyehˇ zaꞈ le gaˇ awˆ byaˆ-awˇ laˇ yawꞈ.

Jaceuq 18:44

Ngaˬ-euˬgaˇkawˆgaˬ-eu nehˬ-ehˇ, ngaˬ-euˬehˇdawˬnaˇhaˬgeuꞈ-awˇ, aˬcawˬtsawˇjeuˬboeˇmiˬsiˬkʼaˬ, ngaˬ-euˬmehˬshi awˆbyaˆ-eu meh.

Jaceuq 32:4

Uˬciꞈnah gʼahˇmaˬtsehˆleˇni, nawˬ-euˬaˬlaꞈngaˬ-ahˇkah-awˇ, jawˇla nahˇtsaˇlawꞈ-eu loꞈ-ehˇ, gʼaˬdawˬtawˆluꞈ lawꞈguiˇ-euˬnya.

Jaceuq 39:10

Nawˇngaˬ-ahˇtaˬpaˇkʼehˬnehˬlaꞈ. Nawˬ-euˬaˬlaꞈzuiˆ-eu miˇneh, shiˇtaw tehˬni deuˬlaˇ-eu nya.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 8:17

Aˬloˬ aˬ yawꞈ-euˬ gawˬ yoeˬ yuˇ doˆ-awˇ miˇ tsaˬ-ahˇ juiꞈ ngeh, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu kʼaˬ lehˇ dawˬ tawˆ luꞈ caˇ gawˬ pyeuꞈ jiˇ-awˇ, tsawˇ haˬ zaˬ hawˇ-eu jeˬ zaˬ deuˬ-ahˇ jawˇ gʼoeˬ jiˇ-euˬ meh.

Doˆ-iˇ 8:24

Sahˬ paˬ kʼoeˇ gʼaˬ-euˬ nymˇ hawˇ-eu yaw huiˬ yaw mahˇ deuˬ-euˬ nymˇ deuˬ-ahˇ, myaˬ dui dui-eu puˬ saˆ baˬ maꞈ Sahˬpaˬ Miˬyehˇ pyehˬ gʼeh-euˬ meh.

Doˆ-iˇ 8:5

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ kʼahˬ lah ni byah jiˇ ngeh keuˆ ni kʼaˬ paˬ bi doˆ laˇ-eu gʼaˇ duˬ, lawˇ baˬ deuˬ, uiˇ kʼehˬ deuˬ , lah deuˬ kʼoeˇ taˆ, aˬ yawꞈ-euˬ gawˬ yoeˬ yuˇ-awˇ cawˬ ja-awˬ lehˇ, Aˬloˬ-ahˇ ehˇ nehˬ-awˬ.”

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Iˇsaˬyaˇ 42:12

Yawˬ kʼahˬ yawˬ miˇ yawˬ-ahˇ jawˇ-eu tsawˇ haˬ, Sahˬpaˬ Miˬyehˇ-ahˇ ciˬ huiˬ ciˬ mahˇ-awˬ.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇlaˆ 2:25

Nyehˇ bahˇ baˬ maꞈ doˆ le ngeh kʼoꞈ, kʼaˇ dzaˬ cawˆ-euˬ jeˬ dawˬ tawˆ luꞈ, naw maꞈ-ahˇ ngaˇ tsoeˬ kʼoꞈ nehˬ ma. Nyehˇ bahˇ guiˇ maꞈ naw maꞈ jawˇ gaˇ pyehˬ leꞈ-euˬ yaw sahˇ gʼaˬ ngaˇ ma.

Yawˇnaˆ 3:9

Miˬyehˇ nui ma paˇ laˇ-awˇ, nui ma pehˇ-eu taˬ leˇ-eu laꞈ kʼoeˇ, aˬ dui shiˇ gaˇ maˬ ya keuˆ-eu baw tehꞈ-a.”

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Bawˇtsahˬ 33:4

Kʼoeˇ ngeh, Iˇjiˇtuˆ tsawˇ haˬ deuˬ-aˬ, Sahˬpaˬ Miˬyehˇ neh sehꞈ-euˬ aˬ yawꞈ maꞈ-euˬ aˬ li aˬ yuiꞈ deuˬ-ahˇ baꞈ pahˬ luꞈ-eu meh. Sahˬpaˬ Miˬyehˇ kʼoeˇ loꞈ-ehˇ jahˇ-awˇ, Iˇjiˇtuˆ miˬyehˇ deuˬ naˆ maˬ tseˇ aˬ yawꞈ baoˬ huiˬ dzehˬ-eu gaˇ kawˆ bi siˬ bi mawˇ-euˬ meh.

Yoˇhaˬ 9:24

Dehꞈ le ngeh neh myaˆ behꞈ behꞈ-euˬ tsawˇ haˬ kʼoeˇ gʼaˬ-ahˇ aˬ yawꞈ maꞈ tiˬ poˆ paˇ kuˇ-awˇ ehˇ nehˬ-eu, “Nawˇ dawˇ coe ni ehˇ ma lehˇ Miˬyehˇ mehˬ shi kamˬ-awˬ. Nawˬ-ahˇ myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ iˬ baˇ zaˬ meh lehˇ nga maꞈ siˬ nya ma.”

Yawˇshuˆ 7:19

Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.

Panmaeq 14:7

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Miˬyehˇ-ahˇ taˬ huiˬ taˬ mahˇ-awˇ, aˬ yawꞈ huiˬ dui mahˇ dui dui gaˇ ja ceuˬ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ yawꞈ yaˇ kʼaˬ daˇ-eu aˇ yamˬ keuˆ le-euˬ meh. Mˬ, miˇ, iˬ ma laˆ shaˆ hawˇ-eu, iˇ cuꞈ lawˇ gawˆ deuˬ-ahˇ beh-euˬ gʼaˬ-ahˇ uˬ duˬ tahˬ-awˬ.”

Panmaeq 16:9

Aˬ yawꞈ maꞈ-aˬ, lahˇ dui dui-eu miˬ dzaˬ kʼoeˇ neh bi lahˇ-awˇ, kʼehˬ-eu kʼaˆ-eu kʼoeˇ deuˬ kʼoeˇ taˆ baoˬ jaˆ-eu gʼaˬ pyeuꞈ-eu Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Ehˇ kʼawꞈ, aˬ yawꞈ maꞈ iˬ baˇ maˬ noeˬ poˆ-ehˇ, aˬ yawꞈ huiˬ dui mahˇ dui dui gaˇ maˬ ja ceuˬ-a.

1 Saˬmeuˬlaˆ 5:11

Kʼoeˇ miˇ neh, Piˇliˇtiˆ sahˬ paˬ dawˬ tawˆ luꞈ-ahˇ aˬ yawꞈ maꞈ tiˬ poˆ paˇ kuˇ uiˬ-awˇ, “Aˬ dui hawˇ-eu aˬ dui-euˬ miˬ sawˇ zaˬ deuˬ-ahˇ maˬ paˇ bi sehꞈ-eu gʼaˇ duˬ, Iˇsaˬleˬlaˆ tsawˇ jeuˬ-euˬ Dawˬ ma saˇ jaˇ Bahˬ keuˆ kʼoeˇ keuˆ-ahˇ, aˬ yawꞈ jaˆ duˬ-ahˇ bi baꞈ kʼoꞈ ha leˇ-awˬ” lehˇ ehˇ nehˬ-euˬ meh. Miˬyehˇ aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-euˬ miˇ neh, meuˬ meuˬ lah ni kʼoeˇ taˆ guˆ-eu gaˆ-eu jeˬ keuˆ le luꞈ-eu meh.

1 Saˬmeuˬlaˆ 5:9

Meuˬ kʼoeˇ meuˬ-ahˇ Dawˬ ma saˇ jaˇ Bahˬ keuˆ baꞈ keuˆ gʼeh ngeh jawˇ, kʼoeˇ gaˇ kʼawꞈ Sahˬpaˬ Miˬyehˇ paˇ kʼehˬ nehˬ-awˇ, yaw kʼaˆ-ehˇ bi shaˬ bi zahˬ-euˬ meh. Meuˬ kʼoeˇ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, zaˬ guˬ tsawˇ kʼaˆ maˬ ehˇ, gʼawˇ mawˇ mawˇ lah-ehˇ maˇ cuˬ maˇ lu lu byah jiˇ-euˬ meh.

1 Saˬmeuˬlaˆ 6:8

Kʼoeˇ naˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ laˆ lawˬ kʼoeˇ taˆ baꞈ daˆ-awˬ. Naw maꞈ-euˬ iˬ baˇ aˇ poeˬ aˬ yawꞈ-ahˇ biꞈ-eu lehˇ gʼeh-eu shuiˇ mawˇ kawˇ kʼoeˇ deuˬ kʼawꞈ, bahˬ keuˆ tiˬ keuˆ laꞈ kʼoeˇ dawˆ ahˇ-awˇ, laˆ lawˬ kʼoeˇ taˆ Dawˬ ma saˇ jaˇ Bahˬ keuˆ gaˇ dzeˇ baꞈ daˆ taˬ-awˬ. Kʼoeˇ naˇ, laˆ lawˬ kʼoeˇ laˇ-ahˇ teh luˆ-awˇ, aˬ yawˇ yawꞈ bi iˇ gʼeh-awˬ.