1 Saˬmeuˬlaˆ 6:20 - Akha

²⁰ Kʼoeˇ naˇ, Behˬsheˬmehˇ meuˬ-ahˇ jawˇ-eu tsawˇ haˬ deuˬ ehˇ-eu, “Muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi aˬ suˇ gʼaˬ jawˇ tehˬ peuˬ nmˇ. Aˬ yawꞈ-ahˇ aˬ dui-euˬ dawˬ peh maˬ bi jawˇ ni aˬ geu paw bi iˇ nmˇ.”

1 Saˬmeuˬlaˆ 6:20 Σταυροειδείς Αναφορές

2 Saˬmeuˬlaˆ 6:7

Sahˬpaˬ Miˬyehˇ pyeuꞈ-eu Miˬyehˇ tiˬ poˆ tehꞈ-ehˇ nui ma pehˇ laˇ-awˇ, Awˇzah-ahˇ bi shiˇ-euˬ meh. Aˬ jeˬ miˇ neh ehˇ naˇ, maˬ toeˬ ciˆ kʼmˬ-eu jeˬ-ahˇ aˬ yawꞈ toeˬ ciˆ-euˬ meh. Awˇzah-aˬ, Dawˬ ma saˇ jaˇ Bahˬ keuˆ dawˬ peh shiˇ taˬ-awˇ ga-eu meh.

2 Saˬmeuˬlaˆ 6:9

Kʼoeˇ naˇ, Sahˬpaˬ Miˬyehˇ-ahˇ Daˬbiˇ guˆ-awˇ, “Nymˬ-mˇ poˆ jawˇ-aˬ, aˬ joˆ-ehˇ jahˇ-awˇ Dawˬ ma saˇ jaˇ Bahˬ keuˆ heu hmˬ ngaˇ baꞈ gʼeh paˬ nga” lehˇ ehˇ-eu meh.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Uˬ duˬ 11:44

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ muiˬ-eu shawˇ-eu tsawˇ haˬ pyeuꞈ ni, yawˬ ha-euˬ gʼawˇ mawˇ-ahˇ laˆ saˆ geuꞈ-awˬ. Aˬ jeˬ miˇ neh ehˇ naˇ, ngaˇ yaw muiˬ yaw shawˇ ma.

Uˬ duˬ 11:45

Ngaˇ-aˬ, naw maꞈ-euˬ Miˬyehˇ pyeuꞈ laˇ ni, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Sahˬpaˬ Miˬyehˇ pyeuꞈ-eu ma. Naw maꞈ muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, yaw muiˬ yaw shawˇ ma.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Luˇkaꞈ 8:37

Miˇ kʼahˬ kʼoeˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ guˆ dui dui-awˇ, Yeˬsuˇ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ neh doˆ-iˇ nehˬ laꞈ lehˇ shaˇ-eu meh. Kʼoeˇ ngeh, Yeˬsuˇ lawˬ dziˬ-awˇ doˆ-iˇ-euˬ meh.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”

1 Saˬmeuˬlaˆ 5:7

Kʼoeˇ loꞈ-ehˇ pyeuꞈ laˇ luꞈ gaˇ ya mawˇ ngeh, “Iˇsaˬleˬlaˆ-euˬ Miˬyehˇ aˬ dui maꞈ hawˇ-eu aˬ dui maꞈ-euˬ Daˬgoˬ miˬ yehˇ-ahˇ kʼehˬ luꞈ-eu nga. Dawˬ ma saˇ jaˇ Bahˬ keuˆ-ahˇ heu gaˇ maˬ paˇ bi jaˆ nya ngaˇ” lehˇ aˬ yawꞈ maꞈ ehˇ-eu meh.