1 Saˬmeuˬlaˆ 6:17 - Akha

¹⁷ Piˇliˇtiˆ tsawˇ haˬ deuˬ-aˬ, Aˬshaˬdoˇ meuˬ, Gaˬzaˬ meuˬ, Aˬshaˇgaˬloˇ meuˬ, Gaˬdaˇ meuˬ hawˇ-eu, Eˇkaˬloˬ meuˬ heu ngaˬ meuˬ, tiˬ meuˬ-euˬ mawˇ kawˇ tiˬ kawˇ doˇ-ehˇ, aˬ yawꞈ maꞈ-euˬ iˬ baˇ aˇ poeˬ shuiˇ maˇ cuˬ maˇ lu mawˇ kawˇ ngaˬ hmˬ Sahˬpaˬ Miˬyehˇ-ahˇ biꞈ gʼeh-euˬ meh.

1 Saˬmeuˬlaˆ 6:17 Σταυροειδείς Αναφορές

2 Saˬmeuˬlaˆ 1:20

Gaˬ daˇ meuˬ-ahˇ taˬ ja gaˬ-iˇ. Aˬshaˇgaˬloˇ meuˬ-euˬ laꞈ kʼoeˇ, gaˇ ma doe ni taˬ dzawˇ gaˬ-iˇ. Kʼoeˇ loꞈ-ehˇ ja gaˬ dzawˇ gaˬ naˇ, Piˇliˇtiˆ lawˇ ciꞈ zaˬ deuˬ-euˬ, aˬ buˇ deuˬ laˬ kʼaˬ cehˇ tehꞈ-a.

2 Saˬmeuˬlaˆ 21:22

Tsawˇ haˬ kʼoeˇ oeˬ gʼaˬ-aˬ, Gaˬdaˇ meuˬ-ahˇ jawˇ-eu huiˬ dui goˇ dui dui-eu tsawˇ haˬ deuˬ-euˬ zaˬ deuˬ uˆ deuˬ pyeuꞈ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ neh aˬ ha oeˬ gʼaˬ-ahˇ sehꞈ-euˬ meh.

2 Sahˬpaˬ 1:2

Sahˬpaˬ Aˬhaˬziˇ-aˬ, Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ nymˇ kʼoeˇ taˆ tiˆ guiˇ ga-ahˇ neh ga ka-awˇ, yaw kʼaˆ-ehˇ gaˬ naˇ-euˬ meh. Kʼoeˇ miˇ neh, Eˇkaˬloˬ meuˬ-ahˇ Piˇliˇtiˆ miˬ yehˇ Baˬlaˇzeˬbuˇ jawˇ gaˇ aˬ yawꞈ tsawˇ haˬ kʼehˇ gʼeh-awˇ, aˬ yawꞈ naˇ-eu taˬ leˇ nya paˬ-ehˇ gʼeh ngaˇ loˇ lehˇ bi naˇ haˬ-iˇ-euˬ meh.

2 Laˬsaˬbaˬ 26:6

Piˇliˇtiˆ tsawˇ haˬ deuˬ-ahˇ aˬ yawꞈ guiˇ deuˆ-awˇ, Gaˬdaˇ meuˬ, Jmˬnyaˬ meuˬ hawˇ-eu Aˬshaˬdoˇ meuˬ heu deuˬ-euˬ meuˬ meuˬ lahˇ deuˬ-ahˇ aˬ yawꞈ laˆ byaˆ jiˇ-awˇ, Aˬshaˬdoˇ meuˬ dawˬ peh hawˇ-eu Piˇliˇtiˆ miˇ kʼahˬ doe ni ziꞈ dah ni gʼeh-eu meuˬ deuˬ aˬ yawꞈ tsoˆ-euˬ meh.

Yeˬlaˬmiˇ 25:20

aˬ yawꞈ maꞈ nehˬ-ehˇ kʼaˇ jawˇ-euˬ aˬ cawˬ tsawˇ jeuˬ deuˬ, Uˇzaˆ miˇ kʼahˬ laꞈ kʼoeˇ kʼaˇ jawˇ-eu sahˬ paˬ deuˬ, Piˇliˇtiˆ miˇ kʼahˬ laꞈ kʼoeˇ jaˆ-eu Aˬshaˇgaˬloˇ meuˬ, Gaˬzaˬ meuˬ, Eˇkaˬloˬ meuˬ heu deuˬ-euˬ sahˬ paˬ deuˬ hawˇ-eu, Aˬshaˬdoˇ meuˬ-ahˇ kʼaˇ dzeˇ-eu tsawˇ haˬ deuˬ,

Uˬ duˬ 5:7

Tsawˇ haˬ tiˬ gʼaˬ na, yawˬ ha-euˬ iˬ baˇ aˇ poeˬ lawˇ kʼoꞈ nehˬ-eu gʼaˇ duˬ, yawˇ hawˇ-eu ciꞈ myehꞈ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ, kʼaˬ guˬ nyiˬ mawˇ yuˇ laꞈ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ-ahˇ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ meh.

Aˬmoˆ 1:6

Sahˬpaˬ Miˬyehˇ ehˇ-eu, “Gaˬzaˬ meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni aˬ yawꞈ maꞈ nyehꞈ gʼeh-awˇ, aˬ cawˬ zaˬ kʼaˆ bi geuꞈ-eu gʼaˇ duˬ Eˬdoˬ miˇ kʼahˬ-ahˇ ahˬ dzaˬ-iˇ-euˬ meh.

Aˬmoˆ 6:2

Kaˬlaˬneˬ meuˬ-ahˇ iˇ-awˇ haw-iˇ-awˬ. Kʼoeˇ naˇ, huiˬ-eu Haˬmaˆ meuˬ-ahˇ iˇ-awˇ, Gaˬdaˇ meuˬ-ahˇ iˇ ka gʼeh-awˬ. Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ naˆ maˬ tseˇ miˇ kʼahˬ kʼoeˇ kʼahˬ muiˬ dzehˬ nga loˇ lehˇ haw-iˇ-awˬ. Aˬ yawꞈ maꞈ-euˬ miˇ kʼahˬ naw maꞈ-euˬ miˇ kʼahˬ naˆ maˬ tseˇ jeˇ ta loˇ.

Dawˬmehˬ 28:27

Iˇjiˇtuˆ tsawˇ haˬ deuˬ-ahˇ jahˇ nehˬ-euˬ loꞈ-ehˇ, naw maꞈ-ahˇ Sahˬpaˬ Miˬyehˇ shaˬ ciˬ bi ciˬ laˇ tehꞈ-a. Naw maꞈ-euˬ gʼawˇ mawˇ mawˇ lah-ehˇ maˇ naˇ naˇ byah jiˇ ni Sahˬpaˬ Miˬyehˇ jahˇ tehꞈ-a. Maˇ byahˇ byahˇ-eu miˇ neh gawˇ gawˇ-ehˇ shaˬ kʼawꞈ, taˬ leˇ-eu maˬ baw ni ya jawˇ tehꞈ-a.

Yaˇ kʼaˬ daˇ 1:18

Yuˇdaˆ tsawˇ haˬ deuˬ-ahˇ Sahˬpaˬ Miˬyehˇ caw ba nehˬ-awˇ, gawˬ jawˬ gawˬ duˇ miˇ kʼahˬ-ahˇ aˬ yawꞈ maꞈ za-euˬ meh. Ehˇ kʼawꞈ, Gaˬzaˬ meuˬ, Aˬshaˇgaˬloˇ meuˬ, Eˇkaˬloˬ meuˬ heu deuˬ hawˇ-eu meuˬ heu deuˬ-euˬ gahˬ kaˬ-ahˇ aˬ yawꞈ maꞈ guiˇ maˬ deuˆ-a. Iˬ ma laˆ shaˆ lawˇ deh caw caw-ehˇ jawˇ-eu tsawˇ haˬ heu deuˬ shmˇ mahˬ laˆ lawˬ deuˬ jaˆ-eu miˇ neh, Yuˇdaˆ tsawˇ haˬ deuˬ aˬ yawꞈ maꞈ-ahˇ maˬ teh doˆ nya-a.

Yaˇ kʼaˬ daˇ 14:19

Ja pyuˬ ni, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ bi kʼaˆ laˇ-awˇ, Aˬshaˇgaˬloˇ meuˬ-ahˇ aˬ yawꞈ iˇ-awˇ, tsawˇ haˬ smˬ tseˇ gʼaˬ-ahˇ sehꞈ-awˇ, aˬ yawꞈ maꞈ-euˬ myawˬ deuˬ yuˇ geuꞈ-euˬ meh. Aˬ yawꞈ maꞈ-euˬ muiˬ-eu mehˬ tsoeˬ deuˬ lehˆ doˆ-awˇ, tsaˬ dzoˆ dawˬ tsuiꞈ tsaˬ tsehˆ-euˬ tsawˇ haˬ kʼoeˇ deuˬ-ahˇ biꞈ-euˬ meh.

Yaˇ kʼaˬ daˇ 16:1

Tiˬ nah-aˬ, Piˇliˇtiˆ tsawˇ haˬ-euˬ meuˬ pyeuꞈ-eu Gaˬzaˬ meuˬ-ahˇ Saˬsoˬ iˇ-awˇ, meh maˬ laˇ tiˬ gʼaˬ nehˬ-ehˇ yuꞈ taꞈ-euˬ meh.

Yaˇ kʼaˬ daˇ 16:21

Piˇliˇtiˆ tsawˇ haˬ deuˬ aˬ yawꞈ-ahˇ paꞈ-awˇ, aˬ yawꞈ-euˬ myaˆ nuiˆ kʼeuꞈ doˆ nehˬ-euˬ meh. Aˬ yawꞈ maꞈ aˬ yawꞈ-ahˇ Gaˬzaˬ meuˬ-ahˇ sheuˬ gʼeh-awˇ, guiˬ shuiˇ aˇ caˆ bi daˬ-awˇ, paꞈ kuˆ laꞈ kʼoeˇ lo lehˬ bi lehˬ-euˬ meh.

1 Saˬmeuˬlaˆ 5:1

Dawˬ ma saˇ jaˇ Bahˬ keuˆ-ahˇ Piˇliˇtiˆ tsawˇ haˬ deuˬ deuˆ za gʼaˬ ngeh, Eˇbaˬneˬzaˬ lehˇ kuˇ-eu jawˇ duˬ-ahˇ neh, aˬ yawꞈ maꞈ jawˇ-eu Aˬshaˬdoˇ meuˬ-ahˇ baꞈ gʼeh-euˬ meh.

1 Saˬmeuˬlaˆ 5:10

Kʼoeˇ miˇ neh, Dawˬ ma saˇ jaˇ Bahˬ keuˆ-ahˇ, Piˇliˇtiˆ tsawˇ haˬ deuˬ-euˬ meuˬ tiˬ meuˬ pyeuꞈ-eu Eˇkaˬloˬ meuˬ-ahˇ paˇ bi baꞈ gʼeh-euˬ meh. Ehˇ kʼawꞈ, kʼoeˇ gaˇ baꞈ keuˆ gʼeh ngeh, “Nga maꞈ bi shiˇ jiˇ-eu lehˇ Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ heu gaˇ baꞈ laꞈ-euˬ ngaˇ” lehˇ, Eˇkaˬloˬ meuˬ-ahˇ jawˇ-eu tsawˇ haˬ deuˬ guˇ-eu meh.

1 Saˬmeuˬlaˆ 5:8

Kʼoeˇ naˇ, aˬ yawꞈ maꞈ tsawˇ haˬ pyehˬ gʼeh-awˇ, Piˇliˇtiˆ sahˬ paˬ ngaˬ gʼaˬ luꞈ bi kuˇ uiˬ-awˇ, “Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ aˬ dui aˬ joˆ-ehˇ jahˇ nmˇ” lehˇ naˇ haˬ ngeh, “Gaˬdaˇ meuˬ-ahˇ baꞈ gʼeh-awˬ” lehˇ ehˇ-eu miˇ neh, Piˇliˇtiˆ tsawˇ haˬ deuˬ-euˬ meuˬ tiˬ meuˬ pyeuꞈ-eu Gaˬdaˇ meuˬ-ahˇ aˬ yawꞈ maꞈ baꞈ gʼeh-euˬ meh.

1 Saˬmeuˬlaˆ 6:4

Piˇliˇtiˆ tsawˇ haˬ deuˬ ehˇ-eu, “Nga maꞈ-euˬ iˬ baˇ gʼaˇ duˬ damˬ-eu aˬ geu jeˬ Dawˬ ma saˇ jaˇ Bahˬ keuˆ nehˬ-ehˇ ya biꞈ caw gʼeh nmˇ.” Piˇ ma hawˇ-eu nyiˇ paˬ kʼoeˇ deuˬ ehˇ-eu, “Piˇliˇtiˆ sahˬ paˬ tiˬ gʼaˬ-euˬ tiˬ hmˬ doˇ ni, shuiˇ maˇ cuˬ maˇ lu mawˇ kawˇ ngaˬ hmˬ hawˇ-eu shuiˇ ho caꞈ aˇ baˇ ngaˬ hmˬ ya biꞈ caw meh. Aˬ jeˬ miˇ neh ehˇ naˇ, naw maꞈ dawˬ tawˆ luꞈ kʼoeˇ taˆ maˬ ehˇ, sahˬ paˬ ngaˬ gʼaˬ kʼoeˇ taˆ maˬ ehˇ, shaˬ zahˬ naˇ gawˇ tiˬ kawˆ loꞈ-ehˇ keuˆ le-euˬ meh. Naw maꞈ-euˬ miˇ kʼahˬ-ahˇ laˆ cawˆ luꞈ-eu maˇ cuˬ maˇ lu hawˇ-eu ho caꞈ aˇ baˇ naw maꞈ tehˆ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ naw maꞈ ya taˬ huiˬ yaˬ taˬ mahˇ nehˬ meh.