1 Saˬmeuˬlaˆ 5:9 - Akha

⁹ Meuˬ kʼoeˇ meuˬ-ahˇ Dawˬ ma saˇ jaˇ Bahˬ keuˆ baꞈ keuˆ gʼeh ngeh jawˇ, kʼoeˇ gaˇ kʼawꞈ Sahˬpaˬ Miˬyehˇ paˇ kʼehˬ nehˬ-awˇ, yaw kʼaˆ-ehˇ bi shaˬ bi zahˬ-euˬ meh. Meuˬ kʼoeˇ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, zaˬ guˬ tsawˇ kʼaˆ maˬ ehˇ, gʼawˇ mawˇ mawˇ lah-ehˇ maˇ cuˬ maˇ lu lu byah jiˇ-euˬ meh.

1 Saˬmeuˬlaˆ 5:9 Σταυροειδείς Αναφορές

Jaceuq 78:66

Aˬ yawꞈ-ahˇ muiˇ-eu deuˬ-ahˇ aˬ yawꞈ deuˆ gʼaˬ-awˇ, mˬ maˬ maˬ byaˆ zaˇ ziˇ daˬ bi ga-euˬ meh.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

Dawˬmehˬ 2:15

Aˬ yawꞈ maꞈ-ahˇ maˬ laˆ sehꞈ byoˆ jiˇ kʼoeˇ keuˆ ni, Sahˬpaˬ Miˬyehˇ-euˬ aˬ laꞈ aˬ yawꞈ maꞈ-ahˇ muiˇ-euˬ meh.

1 Saˬmeuˬlaˆ 12:15

Ehˇ kʼawꞈ, Sahˬpaˬ Miˬyehˇ-euˬ dawˬ-ahˇ naw maꞈ maˬ naˇ haˬ-ehˇ, aˬ yawꞈ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ puiˬ naˇ, naw maꞈ hawˇ-eu naw maꞈ-euˬ sahˬ paˬ kʼoeˇ taˆ aˬ yawꞈ nui ma pehˇ-eu jeˬ keuˆ le tehꞈ-a.

1 Saˬmeuˬlaˆ 5:10

Kʼoeˇ miˇ neh, Dawˬ ma saˇ jaˇ Bahˬ keuˆ-ahˇ, Piˇliˇtiˆ tsawˇ haˬ deuˬ-euˬ meuˬ tiˬ meuˬ pyeuꞈ-eu Eˇkaˬloˬ meuˬ-ahˇ paˇ bi baꞈ gʼeh-euˬ meh. Ehˇ kʼawꞈ, kʼoeˇ gaˇ baꞈ keuˆ gʼeh ngeh, “Nga maꞈ bi shiˇ jiˇ-eu lehˇ Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ heu gaˇ baꞈ laꞈ-euˬ ngaˇ” lehˇ, Eˇkaˬloˬ meuˬ-ahˇ jawˇ-eu tsawˇ haˬ deuˬ guˇ-eu meh.

1 Saˬmeuˬlaˆ 5:11

Kʼoeˇ miˇ neh, Piˇliˇtiˆ sahˬ paˬ dawˬ tawˆ luꞈ-ahˇ aˬ yawꞈ maꞈ tiˬ poˆ paˇ kuˇ uiˬ-awˇ, “Aˬ dui hawˇ-eu aˬ dui-euˬ miˬ sawˇ zaˬ deuˬ-ahˇ maˬ paˇ bi sehꞈ-eu gʼaˇ duˬ, Iˇsaˬleˬlaˆ tsawˇ jeuˬ-euˬ Dawˬ ma saˇ jaˇ Bahˬ keuˆ kʼoeˇ keuˆ-ahˇ, aˬ yawꞈ jaˆ duˬ-ahˇ bi baꞈ kʼoꞈ ha leˇ-awˬ” lehˇ ehˇ nehˬ-euˬ meh. Miˬyehˇ aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-euˬ miˇ neh, meuˬ meuˬ lah ni kʼoeˇ taˆ guˆ-eu gaˆ-eu jeˬ keuˆ le luꞈ-eu meh.

1 Saˬmeuˬlaˆ 5:6

Aˬshaˬdoˇ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ yaw kʼaˆ-ehˇ kʼehˬ nehˬ-awˇ, bi tsawˬ guˆ-iˇ-euˬ meh. Aˬ yawꞈ maꞈ hawˇ-eu meuˬ kʼoeˇ meuˬ-euˬ gahˬ kaˬ-ahˇ kʼaˇ jawˇ-eu tsawˇ haˬ deuˬ-ahˇ, maˇ cuˬ maˇ lu bi lu-eu laꞈ kʼoeˇ kʼehˬ nehˬ-euˬ meh.

1 Saˬmeuˬlaˆ 6:11

Dawˬ ma saˇ jaˇ Bahˬ keuˆ-ahˇ laˆ lawˬ kʼoeˇ taˆ baꞈ daˆ-awˇ, shuiˇ ho caꞈ mawˇ kawˇ hawˇ-eu shuiˇ maˇ cuˬ maˇ lu mawˇ kawˇ dawˆ ahˇ taˬ-euˬ bahˬ keuˆ kʼoeˇ keuˆ kʼawꞈ, laˆ lawˬ kʼoeˇ taˆ baꞈ daˆ-euˬ meh.

1 Saˬmeuˬlaˆ 7:13

Piˇliˇtiˆ tsawˇ haˬ deuˬ kʼoeˇ loꞈ-ehˇ guiˇ deuˆ smˬ-awˇ, Saˬmeuˬlaˆ yaw dehꞈ kʼaˇ dehꞈ-euˬ tiˬ ziˇ, aˬ yawꞈ maꞈ Iˇsaˬleˬlaˆ tsawˇ haˬ deuˬ-ahˇ guiˇ maˬ deuˆ laˇ nya ni, Sahˬpaˬ Miˬyehˇ neh laˆ tsoeˬ nehˬ-euˬ meh.