1 Saˬmeuˬlaˆ 4:3 - Akha

³ Maˬ shiˇ-ehˇ dzeˇ-eu deuˬ taˆ-ahˇ gʼoꞈ keuˆ laˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ehˇ-eu, “Iˬ nah aˬ jeˬ miˇ neh Sahˬpaˬ Miˬyehˇ Piˇliˇtiˆ tsawˇ haˬ deuˬ neh aˬ dui maꞈ-ahˇ bi deuˆ gʼaˬ-euˬ maˬ siˬ ngaˇ. Sahˬpaˬ Miˬyehˇ aˬ dui nehˬ-ehˇ iˇ-awˇ, aˬ dui-ahˇ muiˇ-eu deuˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nehˬ laꞈ ni, Shiˇloˬ meuˬ-ahˇ jaˆ-eu aˬ yawꞈ-euˬ Dawˬ ma saˇ jaˇ Bahˬ keuˆ baꞈ laˬ leˇ kaˇ-euˇ.”

1 Saˬmeuˬlaˆ 4:3 Σταυροειδείς Αναφορές

2 Saˬmeuˬlaˆ 15:25

Zaˬdoˆ-ahˇ sahˬ paˬ ehˇ nehˬ-eu, “Dawˬ ma saˇ jaˇ Bahˬ keuˆ-ahˇ meuˬ-ahˇ baꞈ kʼoꞈ gʼeh-awˬ. Sahˬpaˬ Miˬyehˇ ngaˬ-ahˇ nui ma tsaˬ lawˬ naˇ, aˬ kaˇ tiˬ nah aˬ yawꞈ ngaˬ-ahˇ paˇ bi gʼoꞈ laˇ laꞈ-awˇ, Bahˬ keuˆ heu hawˇ-eu Bahˬ keuˆ jaˆ-eu jawˇ duˬ-ahˇ paˇ bi mawˇ laꞈ tehꞈ-a.

1 Laˬsaˬbaˬ 17:1

Nymˬ-mˇ poˆ jawˇ, sahˬ paˬ Daˬbiˇ-aˬ, aˬ yawꞈ-euˬ sahˬ paˬ hawˇ nymˇ laꞈ kʼoeˇ jawˇ luꞈ-eu meh. Tiˬ nah keuˆ laˇ ngeh, Miˬyehˇ gʼaˇ duˬ ngehˬ dah-eu Naˬdaˬ-ahˇ bi kuˇ laˬ-iˇ-awˇ, “Ngaˇ-aˬ, shuˬ liˇ daˇ kawˬ neh tsoˆ taˬ-euˬ muiˬ dui dui-eu nymˇ laꞈ kʼoeˇ jawˇ luꞈ ma. Ehˇ kʼawꞈ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ jaˆ luꞈ-a siˬ” lehˇ ehˇ nehˬ-euˬ meh.

Jaceuq 74:1

Miˬyehˇ-oˇ, aˬ jeˬ miˇ neh nga maꞈ-ahˇ heu loꞈ-ehˇ byehˇ dzeh nehˬ laꞈ te. Nawˬ-euˬ tsawˇ jeuˬ-ahˇ mˬ maˬ maˬ byaˆ zaˇ ziˇ nawˇ nui ma pehˇ-eu gʼeh te loˇ.

Jaceuq 74:11

Aˬ jeˬ miˇ neh nawˇ nga maꞈ-ahˇ maˬ caw ba le ni jawˇ te. Aˬ jeˬ miˇ neh nawˬ-euˬ aˬ laꞈ naˇ kʼah paw cawˬ zaꞈ te.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Iˇsaˬyaˇ 58:3

Aˬ yawꞈ maꞈ ehˇ-eu, “Sahˬpaˬ Miˬyehˇ yaw muiˬ maˬ no laꞈ gaˇ, aˬ jeˬ miˇ neh aˬ dui maˬ dzaˬ-eu zahˇ jahˇ-eu. Aˬ yawꞈ maˬ haw cawˬ nehˬ laꞈ gaˇ, aˬ jeˬ miˇ neh aˬ dui dzaˇ maˬ dzaˬ ni dzahˬ-eu.” Aˬ yawꞈ maꞈ-ahˇ Sahˬpaˬ Miˬyehˇ ehˇ-eu , “Gaˇ kawˆ heu loꞈ-ehˇ jaˆ-eu meh. Naw maꞈ maˬ dzaˬ-eu zahˇ jahˇ kʼawꞈ, yawˬ ha nui noeˬ tehꞈ-ehˇ geuꞈ-awˇ, naw maꞈ-euˬ gaˇ mˇ zaˬ deuˬ ahˇ kʼehˬ luꞈ-eu meh.

Iˇsaˬyaˇ 59:1

Naw maꞈ-ahˇ ka kʼoꞈ-eu gʼaˇ duˬ, Sahˬpaˬ Miˬyehˇ aˬ laꞈ nymˇ-awˇ, naw maꞈ kuˇ gaˇ naˇ haˬ nehˬ-eu gʼaˇ duˬ, aˬ yawꞈ naˬ bawˬ nga lehˇ taˬ noeˬ.

Iˇsaˬyaˇ 59:2

Naw maꞈ kuˇ ngeh aˬ yawꞈ maˬ gaˬ-eu-aˬ, naw maꞈ iˬ baˇ baˬ da neh meh. Naw maꞈ Miˬyehˇ-ahˇ uˬ duˬ tahˬ-eu leh jeh ngeh, aˬ yawꞈ nehˬ-ehˇ zahˇ doꞈ kaˬ-iˇ-euˬ-aˬ, naw maꞈ iˬ baˇ baˬ da neh meh.

Yeˬlaˬmiˇ 3:16

Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ naw maꞈ-euˬ tsawˇ haˬ myaˬ laˇ behˇ laˇ ngeh, ngaˬ-euˬ Dawˬ ma saˇ jaˇ Bahˬ keuˆ gaˇ kawˆ aˬ yawꞈ maꞈ maˬ paˇ ja ni pyeuꞈ-iˇ tehꞈ-a. Bahˬ keuˆ kʼoeˇ-euˬ gaˇ kawˆ aˬ yawꞈ maꞈ maˬ paˇ shaˇ noeˬ ni ngehˇ jiˇ tehꞈ-a. Bahˬ keuˆ kʼoeˇ-ahˇ aˬ yawꞈ maꞈ maˬ paˇ loˬ-ehˇ, bahˬ keuˆ yaw shuiꞈ kʼawꞈ maˬ jahˇ paˇ ni jawˇ tehꞈ-a.

Yeˬlaˬmiˇ 7:4

Heu-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Aˬ dui maꞈ tiˬ jeˬ-iˬ kʼahˬ lahˇ kʼaˇ maˬ za-a’ lehˇ ehˇ-awˇ jaˬ myawꞈ myawꞈ gaˇ taˬ paˇ naˇ haˬ.

Bawˇtsahˬ 10:33

Iˇsaˬleˬlaˆ tsawˇ haˬ deuˬ muiˬ-eu shawˇ-eu gawˬ jawˬ pyeuꞈ-eu Siˇnaˆ gawˬ jawˬ-ahˇ neh doˆ-iˇ ngeh, smˬ nah gaˇ ma iˇ gʼeh-euˬ meh. Aˬ yawꞈ maꞈ jawˇ naˬ-eu jawˇ duˬ mawˇ nya-eu gʼaˇ duˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ aˬ myah luꞈ aˬ yawꞈ maꞈ-euˬ mehˬ hu paw tehꞈ-ehˇ iˇ luꞈ-eu meh.

Bawˇtsahˬ 10:35

Dawˬ ma saˇ jaˇ Bahˬ keuˆkʼoeˇ kʼaˇ baꞈ luˆ gʼeh ngeh, “Sahˬpaˬ Miˬyehˇ-oˇ, tuˇ-awˬ. Nawˬ-ahˇ muiˇ-eu deuˬ-ahˇ teh byaˆ-awˇ, nawˬ-ahˇ bye-eu deuˬ bi cehˆ byoˆ jiˇ-awˬ” lehˇ Moˇseˬ ehˇ-eu meh.

Bawˇtsahˬ 31:6

Moˇseˬ-aˬ, tsawˇ haˬ kʼoeˇ deuˬ-ahˇ, muiˬ-eu shawˇ-eu keu ka hawˇ-eu daˇ heh yuˇ luꞈ-eu piˇ ma Eˇlaˬzaˬ-euˬ aˬ li Piˇnaˬhaˇ neh bi uˆ lahˇ-awˇ, guiˇ bi deuˆ leˇ-euˬ meh.

Dawˬmehˬ 29:24

‘Aˬ jeˬ miˇ neh aˬ yawꞈ maꞈ-euˬ miˇ kʼahˬ-ahˇ Sahˬpaˬ Miˬyehˇ kʼoeˇ loꞈ-ehˇ jahˇ nehˬ ta. Aˬ jeˬ miˇ neh aˬ yawꞈ teu naˆ naˆ-ehˇ nui ma pehˇ ta’ lehˇ, miˇ tsaˬ zaˬ dawˬ tawˆ luꞈ naˇ haˬ laˇ gaˇ keuˆ tehꞈ-a.

Dawˬmehˬ 31:26

“Miˬyehˇ-euˬ tsawˇ haˬ deuˬ-euˬ mehˬ shi saˇ kiˇ bi pyeuꞈ-eu gʼaˇ duˬ, Miˬyehˇ-euˬ zahˇ dawˬ kʼoꞈ dawˬ boꞈ taˬ-euˬ sahˬ boꞈ heu taꞈ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ dawˬ peh bi jaˆ-awˬ.

2 Tiˆmoˇseˬ 3:5

uˬ duˬ tahˬ-eu zahˇ sahˇ kʼoˬ-ahˇ laꞈ nyiˇ paw tehꞈ-ehˇ caw teh-awˇ kʼoeˇ-euˬ baoˬ-ahˇ maˬ ha geuꞈ-eu, heu loꞈ-ehˇ gʼeh-eu tsawˇ haˬ deuˬ pyeuꞈ laˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ gaˇ jaw jaw-awˬ.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.

Yawˇshuˆ 4:7

‘Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ lawˇ baˬ tsehˆ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-euˬ meh’ lehˇ ehˇ mehˬ nehˬ-awˬ. Kʼaˬ lo heu deuˬ-aˬ, jawˇ duˬ heu tsahˇ-ahˇ aˬ joˆ-ehˇ pyeuꞈ yaꞈ-euˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ aˬ myah luꞈ bi noeˬ mawˇ tehꞈ-a.”

Yawˇshuˆ 6:6

Yawˇshuˆ piˇ ma deuˬ-ahˇ kuˇ-awˇ ehˇ nehˬ-eu, “Dawˬ ma saˇ jaˇ Bahˬ keuˆ baꞈ-awˇ, kʼoeˇ-euˬ mehˬ hu paw piˇ ma shiꞈ gʼaˬ daˇ heh baꞈ-awˇ cah-awˬ.”

Yawˇshuˆ 7:7

Yawˇshuˆ Sahˬpaˬ Miˬyehˇ-ahˇ ehˇ-eu, “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ jeˬ miˇ neh nawˇ nga maꞈ-ahˇ Yawˇdaˬ lawˇ baˬ sheuˬ tsehˆ nehˬ laꞈ teˬ. Aˬmawˇliˆ tsawˇ haˬ deuˬ-euˬ aˬ laꞈ laꞈ kʼoeˇ nga maꞈ-ahˇ a nehˬ-eu lehˇ gʼeh te loˇ. Nga maꞈ-ahˇ laˆ luˬ laˆ seˇ-eu lehˇ gʼeh te loˇ. Aˬ jeˬ miˇ neh Yawˇ daˬ lawˇ baˬ kʼoeˇ paw baˬ-ahˇ nga maꞈ-ahˇ maˬ bi jawˇ laꞈ teˬ.

Yawˇshuˆ 7:8

Sahˬpaˬ Miˬyehˇ-oˇ, muiˇ-eu deuˬ neh Iˇsaˬleˬlaˆ tsawˇ haˬ deuˬ-ahˇ bi teh gʼoꞈ leꞈ-euˬ-aˬ, ngaˇ aˬ jeˬ paˇ ehˇ nya nmˇ.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.

1 Saˬmeuˬlaˆ 1:24

Aˬ li kʼoeˇ li aˬ coeˇ gʼehˆ laˇ ngeh, Shiˇloˬ meuˬ-ahˇ ciˬ gʼeh-euˬ meh. Smˇ kʼoꞈ byah-eu mawˇ neˇ mawˇ gaw zaˬ tiˬ mawˇ, cehˇ meu smˇ pehˬ hawˇ-eu, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ siˬ aˬ yawꞈ yuˇ gʼeh-euˬ meh. Aˬ li zaˬ nahˬ Saˬmeuˬlaˆ-ahˇ, Shiˇloˬ meuˬ-ahˇ jaˆ-eu Sahˬpaˬ Miˬyehˇ-euˬ nymˇ-ahˇ aˬ yawꞈ ciˬ gʼeh-euˬ meh.

1 Saˬmeuˬlaˆ 14:18

Kʼoeˇ ngeh, “Miˬyehˇ-euˬ Dawˬ ma saˇ jaˇ Bahˬ keuˆ baꞈ laꞈ sheˇ” lehˇ, piˇ ma Aˬhiˇyaˬ-ahˇ Sawˇluˆ ehˇ nehˬ-euˬ meh. Aˇ nah aˇ yamˬ kʼoeˇ yamˬ laꞈ kʼoeˇ, Aˬhiˇyaˬ gʼaˬ Dawˬ ma saˇ jaˇ Bahˬ keuˆ kʼoeˇ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu cah luꞈ-eu meh.

1 Saˬmeuˬlaˆ 4:2

Piˇliˇtiˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ deuˆ le-awˇ yaw kʼaˆ-ehˇ deuˆ ceh ceh-euˬ meh. Piˇliˇtiˆ tsawˇ haˬ deuˬ neh Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-awˇ, Iˇsaˬleˬlaˆ tsawˇ haˬ oeˬ heˇ gʼaˬ ehˇ gʼaˬ ni bi deuˆ sehꞈ-euˬ meh.