1 Saˬmeuˬlaˆ 4:22 - Akha

²² “Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ neh bi deuˆ za geuꞈ-euˬ miˇ neh, Miˬyehˇ-euˬ yaw shehꞈ kʼahˬ sehˇ Iˇsaˬleˬlaˆ tsawˇ haˬ nehˬ-ehˇ maˬ paˇ jaˆ meh” lehˇ aˬ yawꞈ ehˇ-eu meh.

1 Saˬmeuˬlaˆ 4:22 Σταυροειδείς Αναφορές

Jaceuq 78:64

Piˇ ma deuˬ shaˆ shiˇ shiˇ-awˇ, aˬ yawꞈ maꞈ-euˬ miˬ zaˬ deuˬ tsawˇ ngoeˇ maˬ ya ngoeˇ-a.

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Yoˇhaˬ 2:17

Kʼoeˇ ngeh, “Miˬyehˇ-oˇ, nawˬ-euˬ nymˇ-ahˇ ngaˇ gaˬ-eu ngaˬ-euˬ nui ma laꞈ kʼoeˇ miˬ dzaˬ doꞈ gaˇ duˇ miˇ-a” lehˇ Jaˇ liꞈ laꞈ kʼoeˇ boꞈ taˬ-euˬ kʼoeˇ tsahˇ, aˬ yawꞈ-euˬ zaˬ lahˇ deuˬ-ahˇ noeˬ doˆ leˇ-euˬ meh.

1 Saˬmeuˬlaˆ 2:34

Nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ tiˬ nah laꞈ kʼoeˇ tehꞈ-ehˇ shiˇ ngeh, ngaˬ neh kʼaˇ ehˇ taˬ-euˬ jeˬ dawˬ tawˆ luꞈ aˬ diˇ aˬ maˇ pyeuꞈ laˇ luꞈ-eu gaˇ kawˆ, nawˬ-ahˇ bi mawˇ-eu ma.

1 Saˬmeuˬlaˆ 3:12

Eˇliˆ-euˬ nymˇ jiˇ kʼoeˇ taˆ bi keuˆ le ma lehˇ ngaˬ neh kʼaˇ ehˇ taˬ-euˬ jeˬ dawˬ tawˆ luꞈ, aˇ dahˬ beh gaˇ neh aˇ saˬ saˬ gaˇ keuˆ ni kʼoeˇ ngeh nah laꞈ kʼoeˇ bi keuˆ le jiˇ ma.

1 Saˬmeuˬlaˆ 4:21

Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ tsawˇ jeuˬ neh bi deuˆ za-euˬ gaˇ kawˆ hawˇ-eu, aˬ yawꞈ-euˬ boeˇ miˬ aˬ da hawˇ-eu aˬ yawꞈ-euˬ kʼaˬ dzeˇ zaˬ shiˇ-euˬ gaˇ kawˆ-ahˇ noeˬ-eu laꞈ kʼoeˇ, “Miˬyehˇ-euˬ yaw shehꞈ kʼahˬ sehˇ Iˇsaˬleˬlaˆ tsawˇ haˬ deuˬ nehˬ-ehˇ maˬ paˇ jaˆ meh” lehˇ ehˇ-awˇ, aˬ li kʼoeˇ li-ahˇ Iˇkaˬbawˇ lehˇ aˬ yawꞈ myahˇ nehˬ-euˬ meh.

1 Saˬmeuˬlaˆ 5:1

Dawˬ ma saˇ jaˇ Bahˬ keuˆ-ahˇ Piˇliˇtiˆ tsawˇ haˬ deuˬ deuˆ za gʼaˬ ngeh, Eˇbaˬneˬzaˬ lehˇ kuˇ-eu jawˇ duˬ-ahˇ neh, aˬ yawꞈ maꞈ jawˇ-eu Aˬshaˬdoˇ meuˬ-ahˇ baꞈ gʼeh-euˬ meh.