1 Saˬmeuˬlaˆ 31:13 - Akha

¹³ Kʼoeˇ naˇ, shaˬ yoeˬ deuˬ yuˇ doˆ-awˇ, meuˬ kʼoeˇ meuˬ-ahˇ jaˆ-eu miˬ shuˬ paꞈ muˆ aˇ bawˇ dawˬ pehˬ-ahˇ baꞈ pahˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.

1 Saˬmeuˬlaˆ 31:13 Σταυροειδείς Αναφορές

Aˇ dahˬ 35:8

Leˬbehˇkaꞈ-ahˇ bo saˆ-eu gʼaˬ pyeuꞈ-eu Diˬboˇlaˬ shiˇ-awˇ, Beˬdeˬlaˇ meuˬ-euˬ laꞈ oˆ paw pyawˬ-ahˇ jaˆ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ nehˬ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ, “Tsawˇ ngoeˇ ngoeˇ-euˬ tsuiꞈ kaˆ aˇ bawˇ” lehˇ kuˇ-euˬ meh.

Aˇ dahˬ 50:10

Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu Aˬtaˆ lehˇ kuˇ-eu cehˇ bymˇ saˬ kʼawꞈ deh ga-ahˇ le keuˆ ngeh, aˬ yawꞈ maꞈ gʼawˬ myahˇ ni guˇ guˇ-ehˇ tsawˇ ngoeˇ ngoeˇ-euˬ meh. Shiꞈ nah keuˆ ni bawˬ-iˬ gʼeh-awˇ, aˬ yawꞈ-euˬ aˬ da-ahˇ Yoˇsehˆ tsawˇ ngoeˇ ngoeˇ nehˬ-euˬ meh.

2 Saˬmeuˬlaˆ 1:12

Sawˇluˆ gʼaˇ duˬ maˬ ehˇ, Yawˇnaˆshaˬ gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ maˬ ehˇ, aˬ yawꞈ maꞈ noeˬ shaˬ-awˇ tsawˇ ngoeˇ ngoeˇ-eu laꞈ kʼoeˇ, uˬ ciꞈ paw keuˆ ni maˬ dzaˬ maˬ dawˇ ni jawˇ-euˬ meh. Aˬ jeˬ miˇ neh ehˇ naˇ, guiˇ deuˆ gaˇ tsawˇ haˬ gʼawˬ mya ni bi deuˆ sehꞈ-euˬ meh.

2 Saˬmeuˬlaˆ 11:26

Aˬ yawꞈ-euˬ kʼaˬ dzeˇ zaˬ bi beuˆ sehꞈ-euˬ gaˇ kawˆ Baˬsheˬba ya gaˬ ngeh, tsawˇ ngoeˇ ngoeˇ-euˬ meh.

Yoˇhaˬ 11:19

Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ gʼawˬ mya ni, Maˬliˇ hawˇ-eu Maˬta aˬ mahˇ aˬ da bi shiˇ-euˬ miˇ neh, gʼaˬ biꞈ nehˬ-eu lehˇ uiˬ le taˬ-euˬ meh.

1 Saˬmeuˬlaˆ 22:6

Tiˬ nah keuˆ laˇ ngeh, Giˇbyaˬ meuˬ laꞈ kʼoeˇ, miˬ shuˬ paꞈ muˆ aˇ bawˇ dawˬ pehˬ-ahˇ, Sawˇluˆ gahˬ tuˆ tehˬ-awˇ nuiˇ luꞈ-eu meh. Aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼawꞈ, aˬ yawꞈ nuiˇ luꞈ-eu jawˬ jawˬ-ehˇ yawꞈ luꞈ-eu meh. Kʼoeˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ poˆ mawˇ-euˬ gaˇ kawˆ aˬ yawꞈ ya gaˬ gʼaˬ-euˬ meh.