1 Saˬmeuˬlaˆ 30:7 - Akha

⁷ “Piˇ ma dm-eu pehˇ kʼahˬ pehˇ nymˇ hehˇ leꞈ sheˇ” lehˇ, Aˬhiˇmaˬlehˇ-euˬ aˬ li piˇ ma Aˬbyaˬdaˬ-ahˇ Daˬbiˇ ehˇ nehˬ ngeh, Aˬbyaˬdaˬ pehˇ kʼahˬ pehˇ nymˇ yuˇ gʼeh nehˬ-euˬ meh.

1 Saˬmeuˬlaˆ 30:7 Σταυροειδείς Αναφορές

1 Sahˬpaˬ 2:26

Kʼoeˇ naˇ, piˇ ma Aˬbyaˬdaˬ-ahˇ sahˬ paˬ Sawˇlaˬmoˬ ehˇ nehˬ-eu, “Nawˬ-euˬ nymˇ jiˇ jaˆ-eu Aˬnaˬtawˇ meuˬ-ahˇ gʼoꞈ-iˇ-awˬ. Aˬ diˇ aˬ maˇ kʼaˇ ngeuˇ-eu loꞈ-ehˇ jahˇ law nmˇ-aˬ, nawˇ ya shiˇ tehꞈ-a. Ehˇ kʼawꞈ, nawˬ-ahˇ ngaˇ maˬ sehꞈ mawꞈ nya. Aˬ jeˬ miˇ neh ehˇ naˇ, ngaˬ da Daˬbiˇ nehˬ-ehˇ nawˇ jawˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˬ geuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, ngaˬ da-ahˇ nawˇ maˬ gʼawˬ-iˇ ni jawˇ-euˬ meh.”

Doˆ-iˇ 28:6

“Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ, shuiˇ saˬ kahˇ hawˇ-eu, shawˇ jehˆ ni gʼeh-eu saˬ paˇ heu deuˬ neh, pehˇ kʼahˬ pehˇ nymˇ aˬ yawꞈ maꞈ guꞈ-awˇ, aˇ boꞈ ya boꞈ meh.

Maˬkuˆ 2:26

Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ meh. Aˬbyaˬdaˬ Piˇ ma Yaw huiˬ gʼaˬ geuꞈ ngeh ziˇ-ahˇ, kʼoeˇ loꞈ-ehˇ pyeuꞈ yaꞈ-euˬ meh. Aˬ dui-euˬ Zahˇ dawˬ kʼoꞈ dawˬ laꞈ kʼoeˇ, piˇ ma deuˬ tehꞈ-ehˇ kʼoeˇ loꞈ-ehˇ gʼeh-eu dzaˇ deuˬ dzaˬ kʼmˬ-eu meh. Ehˇ kʼawꞈ, Daˬbiˇ aˬ yawꞈ dzaˬ-euˬ u taꞈ, aˬ yawꞈ-euˬ tsawˇ haˬ deuˬ-ahˇ kʼawꞈ biꞈ nehˬ-awˇ bi dzaˬ-euˬ meh.”

1 Saˬmeuˬlaˆ 10:22

“Maˬ laˇ keuˆ jiˇ-euˬ tsawˇ haˬ jawˇ ta siˬ loˇ” lehˇ, Sahˬpaˬ Miˬyehˇ-ahˇ aˬ yawꞈ maꞈ naˇ haˬ ngeh, “Myawˬ baꞈ gahˬ taˬ-euˬ naˇ kʼah Sawˇluˆ dzuˇ zaꞈ luꞈ meh” lehˇ Sahˬpaˬ Miˬyehˇ ehˇ-eu meh.

1 Saˬmeuˬlaˆ 14:18

Kʼoeˇ ngeh, “Miˬyehˇ-euˬ Dawˬ ma saˇ jaˇ Bahˬ keuˆ baꞈ laꞈ sheˇ” lehˇ, piˇ ma Aˬhiˇyaˬ-ahˇ Sawˇluˆ ehˇ nehˬ-euˬ meh. Aˇ nah aˇ yamˬ kʼoeˇ yamˬ laꞈ kʼoeˇ, Aˬhiˇyaˬ gʼaˬ Dawˬ ma saˇ jaˇ Bahˬ keuˆ kʼoeˇ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu cah luꞈ-eu meh.

1 Saˬmeuˬlaˆ 14:19

Piˇ ma-ahˇ Sawˇluˆ dawˬ ngehˬ cawˬ luꞈ ngeh, Piˇliˇtiˆ tsawˇ haˬ-euˬ taˆ laꞈ kʼoeˇ luiˬ gʼaˬ luꞈ-eu teˇ saˇ kʼoeˇ tiˬ jawˇ saˇ-iˬ tiˬ jawˇ kʼaˆ laˇ luꞈ-eu miˇ neh, “Sahˬpaˬ Miˬyehˇ-ahˇ mehˬ bawˬ mˇ mˇ-ehˇ jawˇ-eu maˬ paˇ dah ngaˇ” lehˇ, piˇ ma-ahˇ Sawˇluˆ ehˇ nehˬ-euˬ meh.