1 Saˬmeuˬlaˆ 30:6 - Akha

⁶ Kʼoeˇ ngeh jawˇ, Daˬbiˇ nui ma cawˆ dui dui-eu meh. Aˬ je ˬmiˇ neh ehˇ naˇ, aˬ yawꞈ maꞈ-euˬ miˬ sawˇ zaˬ deuˬ ya smˬ-iˇ jiˇ-euˬ baˬ da neh, aˬ yawꞈ-euˬ tsawˇ haˬ deuˬ nui ma naˇ dui dui-awˇ, aˬ yawꞈ-ahˇ kʼaˬ lo neh biˬ-eu lehˇ lmˬ luꞈ-eu meh. Ehˇ kʼawꞈ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ gʼaˬ biꞈ-euˬ meh.

1 Saˬmeuˬlaˆ 30:6 Σταυροειδείς Αναφορές

Aˇ dahˬ 32:7

Aˬ yawꞈ nehˬ-ehˇ jawˇ luꞈ-eu tsawˇ haˬ deuˬ hawˇ-eu, yawˇ, ciꞈ myehꞈ, mawˇ neˇ, law taw kʼoeˇ deuˬ dawˬ tawˆ luꞈ-ahˇ, nyiˬ muˇ muˇ-euˬ meh.

2 Saˬmeuˬlaˆ 17:8

Nawˬ da Daˬbiˇ hawˇ-eu aˬ yawꞈ-euˬ tsawˇ haˬ deuˬ-aˬ, guiˇ deuˆ-eu kʼaˆ dui dui-awˇ, kʼaˬ hmˇ zaˬ bi nyehꞈ geuꞈ-euˬ kʼaˬ hmˇ aˬ ma tiˬ mawˇ loꞈ-ehˇ, guˆ dui dui laˇ paˬ-ehˇ gʼeh-eu tsawˇ haˬ deuˬ pyeuꞈ-eu gaˇ kawˆ nawˇ siˬ nya meh. Nawˬ da-aˬ, guiˇ mˇ myahˇ laꞈ-euˬ tsawˇ haˬ tiˬ gʼaˬ pyeuꞈ-awˇ, uˬ ciꞈ paw aˬ yawꞈ-euˬ tsawˇ haˬ deuˬ nehˬ-ehˇ aˬ yawꞈ maˬ yuꞈ-a.

2 Sahˬpaˬ 4:27

Ehˇ kʼawꞈ, Eˇliˇshehˇ jawˇ gaˇ aˬ yawꞈ laˇ keuˆ ngeh, Eˇliˇshehˇ-euˬ aˬ kuiˇ-ahˇ aˬ yawꞈ byaˇ cuꞈ taˬ-euˬ meh. Kʼoeˇ ngeh, zaˬ miˬ zaˬ kʼoeˇ gʼaˬ-ahˇ Geˬhaˬziˇ gʼeu dzeh-eu lehˇ gʼeh-eu meh. Ehˇ kʼawꞈ, Eˇliˇshehˇ ehˇ-eu, “Aˬ yawꞈ-ahˇ taˬ gʼeu dzeh. Aˬ yawꞈ nui ma cawˆ dui dui luꞈ-eu nawˇ maˬ mawˇ te loˇ. Gaˇ kawˆ heu gaˇ taꞈ leˇ-awˇ, Sahˬpaˬ Miˬyehˇ ngaˬ-ahˇ tiˬ jeˬ-iˬ maˬ ehˇ nehˬ laꞈ-aˬ siˬ.”

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Jaceuq 116:10

Nui ma cawˆ dui dui nya lehˇ ngaˇ ehˇ luꞈ kʼawꞈ, jah-eu gʼaˬ byehˆ maˬ byehˆ.

Jaceuq 138:3

Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 18:2

SahˬpaˬMiˬyehˇngaˬ-euˬlo guˇ, ziꞈdui dui-eu taˆpyeuꞈ-eu ma. Ngaˬ-euˬMiˬyehˇngaˬ-euˬlo guˇ, guˆgaˆdzeuˇni awˆshmˇduˬma. Dehˬdaˬduˬloꞈ-ehˇtahˬ piˇ-awˇ, ka kʼoꞈ-eu uˬcoeˇ pyeuꞈ-eu meh.

Jaceuq 18:6

Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,

Jaceuq 25:17

Nui saˇza ni caw ba le-awˇ, nui noeˬshaˬ-eu bi dzeuˇ-iˇlaꞈ.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Jaceuq 31:24

SahˬpaˬMiˬyehˇ-ahˇdawˬ-eu deuˬ, guˆ-eu tiˬpawꞈ-iˬ maˬ ahˇ ni, nui ma kʼaˬduˬni bi jaˆ-awˬ.

Jaceuq 42:11

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 42:5

Aˬjeˬmiˇneh ngaˬnui ma nawˇ, teu naˆnaˆ-ehˇshaˬzahˬmˇte. Miˬyehˇ-ahˇnoeˬtmˬ-eu taˬbyehˇ. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 56:11

Aˬ yawꞈ-ahˇ ngaˇ gʼoe-awˇ maˬ guˆ ni dehꞈ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 62:1

Miˬyehˇ ngaˬ-ahˇ ka kʼoꞈ le gaˇ, ngaˇ oˇ-awˇ dawˬ luꞈ-eu ma. Aˬ yawꞈ-ahˇ tehꞈ-ehˇ ngaˇ gʼoe-eu ma.

Jaceuq 62:5

Miˬyehˇ-ahˇ tehꞈ-ehˇ ngaˇ gʼoe-eu ma. Aˬ yawꞈ laꞈ kʼoeˇ ngaˇ noeˬ tmˬ kʼaˇ za-eu ma.

Jaceuq 71:4

Miˬyehˇ-oˇ, nui ma maˬ dawˇ-eu tsawˇ haˬ deuˬ hawˇ-eu, gʼawˬ shaˬ gaˬ-eu maˬ siˬ nya-eu haiˬ-eu tsawˇ haˬ deuˬ-euˬ laꞈ-ahˇ, ngaˬ-ahˇ ka kʼoꞈ nehˬ laꞈ.

Jaceuq 71:5

Sahˬpaˬ Miˬyehˇ-oˇ, nawˬ-ahˇ ngaˇ noeˬ tmˬ-eu ma. Nyiˇ ngeh neh nawˬ-ahˇ ngaˇ gʼoe-euˬ ma.

Doˆ-iˇ 17:4

Kʼoeˇ naˇ, Moˇseˬ guiˬ lahˬ shaˇ-eu laꞈ kʼoeˇ, “Tsawˇ haˬ heu deuˬ-ahˇ ngaˇ aˬ joˆ-ehˇ ya jahˇ nehˬ nmˇ. Aˬ yawꞈ maꞈ ngaˬ-ahˇ kʼaˬ lo neh biˬ sehꞈ-eu lehˇ gʼeh-eu meh” lehˇ, Sahˬpaˬ Miˬyehˇ-ahˇ ehˇ nehˬ-euˬ meh.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Yawˇnaˆ 2:2

“Nui ma cawˆ dui dui-eu laꞈ kʼoeˇ, Sahˬpaˬ Miˬyehˇ-ahˇ ngaˇ kuˇ ngeh, kuˇ dawˬ naˇ haˬ nehˬ laꞈ-euˬ meh. Shiˇ-eu miˇ kʼahˬ dawˬ dah uˇ-awˇ, caw ba nehˬ laꞈ lehˇ ngaˇ shaˇ ngeh, shaˇ dawˬ naˇ haˬ nehˬ laꞈ-eu meh.

Bawˇtsahˬ 14:10

Ehˇ kʼawꞈ, tsawˇ haˬ aˇ maꞈ aˬ muˇ dawˬ tawˆ luꞈ aˬ yawꞈ nyaꞈ-ahˇ kʼaˬ lo neh bi sehꞈ-eu lehˇ lmˬ luꞈ-eu meh. Kʼoeˇ ngeh, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ yawꞈ-euˬ Sehˬ gʼawˆ kʼoeˇ taˆ ja pyuˬ ni bya doˆ le-euˬ gaˇ aˬ yawꞈ maꞈ ya mawˇ-euˬ meh.

Maꞈtehˬ 21:9

Yeˬsuˇ-euˬ mehˬ hu paw hawˇ-eu, mehˬ nah paw cah luꞈ-eu tsawˇ haˬ aˇ maꞈ kʼoeˇ deuˬ, heu loꞈ-ehˇ guˇ-eu meh. “Daˬbiˇ-euˬ Zaˬmaˇ-ahˇ ja ceuˬ-awˬ. SahˬpaˬMiˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ, Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ jaˬ ceuˬ-awˬ.”

Maꞈtehˬ 27:22

Sahˬ paˬ Piˇlaˆ ehˇ-eu, “Toˆ-ehˇ jeˬ maˇ-iˬ, Ka li lehˇ kuˇ-eu Yeˬsuˇ-ahˇ ngaˇ aˬ joˆ-ehˇ jahˇ nmˇ.” Aˬ yawꞈ maꞈ dawˬ tawˆ luꞈ ehˇ-eu, “Laꞈ yaꞈ kʼoeˇ taˆ taꞈ sehꞈ-awˬ.”

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Lormav 4:18

Aˬbyaˬhaˬ-aˬ, noeˬ tmˬ kʼaˇ maˬ paˇ za-euˬ kʼawꞈ, jah-awˇ noeˬ tmˬ-euˬ meh. Kʼoeˇ miˇ neh, “tsawˇ jeuˬ gʼawˬ mya jeuˬ-euˬ aˬ da” pyeuꞈ laˇ-euˬ meh. “Nawˬ-euˬ zaˬ nawˬ-euˬ uˆ deuˬ mˬ taˆ aˬ guiˇ loꞈ-ehˇ jeuˬ le o le tehꞈ-a” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh.

Lormav 4:20

Aˬ yawꞈ jah-eu gʼaˬ maˬ baˬ-iˇ-ehˇ, Miˬyehˇ-euˬ saˇ jaˇ-ahˇ poˆ poˆ laˆ laˆ-ehˇ maˬ noeˬ-a. Jah-eu baˬ da neh nui ma gʼaˬ kʼaˆ laˇ-awˇ, Miˬyehˇ-ahˇ ja ceuˬ-euˬ meh.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

2 Gawˇliˬtu 1:6

Shaˬ-eu zahˬ-eu jeˬ-ahˇ nga maꞈ ya daˬ naˇ, naw maꞈ-ahˇ ngehˬ gʼeh dah teˬ-eu gʼaˇ duˬ hawˇ-eu naw maꞈ ka kʼoꞈ-eu jeˬ bi za-eu gʼaˇ duˬ daˬ-eu ma. Ngehˬ gʼeh dah teˬ nehˬ laꞈ-eu jeˬ-ahˇ nga maꞈ za naˇ, nga maꞈ daˬ dzeuˇ oˇ dzeuˇ-euˬ shaˬ zahˬ-ahˇ naw maꞈ daˬ dzeuˇ oˇ dzeuˇ coeˇ ni, gʼaˬ za lahˬ laˇ tehꞈ-a.

2 Gawˇliˬtu 4:8

Shaˬ zahˬ gʼawˬ mya jeˬ-ahˇ nga maꞈ ya daˬ-euˬ ma. Ehˇ kʼawꞈ, yaw li uˬ duˬ maˬ keuˆ le-aˬ siˬ. Tiˬ poˆ na noeˬ dui noeˬ duiˇ gaˇ keuˆ-euˬ ma. Ehˇ kʼawꞈ, nui ma cawˆ gaˇ maˬ keuˆ-aˬ siˬ.

2 Gawˇliˬtu 7:5

Nga maꞈ Maˬgeˬdawˇniˆˆ miˇ kʼahˬ-ahˇ laˇ keuˆ-euˬ kʼawꞈ, yaw saˇ maˬ oꞈ nya. Yawˬ paw na luꞈ shaˬ zahˬ keuˆ le teuˇ le-awˇ, aˬ cawˬ nehˬ-ehˇ ya ja dzaˬ-eu uˬ taꞈ, nui ma laꞈ kʼoeˇ guˆ-eu jeˬ pi luꞈ-eu ma.

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

Yaˇ kʼaˬ daˇ 18:25

Daˬ tsawˇ haˬ deuˬ ehˇ-eu, “Tsawˇ haˬ heu deuˬ nui ma pehˇ laˇ-awˇ nawˬ-ahˇ guiˇ maˬ bi deuˆ mawꞈ naˇ, tiˬ jeˬ-iˬ maˬ ngehˬ ni ciˬ cuˇ ni jawˇ-awˬ. Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ ya shiˇ jiˇ nmˬ-mˇ.”

Yaˇ kʼaˬ daˇ 20:22

Kʼoeˇ naˇ, uˬ duˬ tahˬ-euˬ jawˇ duˬ-ahˇ Iˇsaˬleˬlaˆ tsawˇ haˬ deuˬ le-awˇ, uˬ ciꞈ uˬ taw paw keuˆ ni Sahˬpaˬ Miˬyehˇ mehˬ shi tsawˇ ngoeˇ ngoeˇ-euˬ meh. “Nga maꞈ tiˬ poˆ paˇ iˇ-awˇ, nga maꞈ-euˬ aˬ yuiꞈ aˬ nyiˇ pyeuꞈ-eu Beˬyaˬmiˬ tsawˇ jeuˬ-ahˇ guiˇ paˇ deuˆ iˇ siˬ loˇ” lehˇ, Sahˬpaˬ Miˬyehˇ-ahˇ aˬ yawꞈ maꞈ naˇ haˬ-euˬ meh. Kʼoeˇ ngeh, “Deuˆ-iˇ-awˬ” lehˇ, Sahˬpaˬ Miˬyehˇ aˬ yawꞈ maꞈ-ahˇ ehˇ-eu meh. Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ gʼaˬ biꞈ-awˇ, yaw beh nah guiˇ daˬ daˬ-euˬ tsahˇ-ahˇ guiˇ daˬ paˇ bi daˬ-euˬ meh.

1 Saˬmeuˬlaˆ 1:10

Haˬnahˬ nui ma cawˆ dui dui-eu laꞈ kʼoeˇ, guˇ guˇ-ehˇ ngoeˇ-awˇ, Sahˬpaˬ Miˬyehˇ-ahˇ guiˬ lahˬ shaˇ-euˬ meh.

1 Saˬmeuˬlaˆ 23:16

Daˬbiˇ jawˇ-eu Hawˇlehˆ-ahˇ Yawˇnaˆshaˬ le-awˇ, “Miˬyehˇ nawˬ-ahˇ haw piˇ nehˬ laꞈ tehꞈ-a” lehˇ ehˇ-awˇ gʼaˬ biꞈ nehˬ-euˬ meh.

1 Saˬmeuˬlaˆ 28:15

Sawˇluˆ-ahˇ Saˬmeuˬlaˆ ehˇ nehˬ-eu, “Aˬ jeˬ miˇ neh nawˇ ngaˬ-ahˇ laˆ bahˬ te. Aˬ jeˬ loˬ-eu miˇ neh ngaˬ-ahˇ paˇ kuˇ kʼoꞈ te.” Sawˇluˆ ehˇ-eu, “Ngaˇ shaˬ zahˬ naꞈ dui dui luꞈ-eu ma. Piˇliˇtiˆ tsawˇ haˬ deuˬ ngaˬ-ahˇ guiˇ deuˆ le-awˇ, Miˬyehˇ ngaˬ-ahˇ byehˇ dzeh nehˬ laꞈ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, yuꞈ maˆ maˆ-eu laꞈ kʼoeˇ maˬ ehˇ, aˬ yawꞈ ngaˬ-ahˇ tiˬ jeˬ-iˬ maˬ ehˇ nehˬ laꞈ-a. Kʼoeˇ miˇ neh, ngaˇ aˬ joˆ-ehˇ ya jahˇ-eu gaˇ kawˆ bi ehˇ nehˬ laꞈ-eu gʼaˇ duˬ, nawˬ-ahˇ ngaˇ ya kuˇ-eu jeˬ pyeuꞈ-eu ma.”