1 Saˬmeuˬlaˆ 30:1 - Akha

¹ Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.

1 Saˬmeuˬlaˆ 30:1 Σταυροειδείς Αναφορές

Aˇ dahˬ 24:62

Aˇ yamˬ kʼoeˇ yamˬ laꞈ kʼoeˇ, Iˇtsaˆ-aˬ, “Ngaˬ-ahˇ mawˇ-euˬ dehꞈ luꞈ-eu gʼaˬ-euˬ lah duˬ” lehˇ kuˇ-eu bawˇ tsahˬ bawˇ dahˇ kʼoeˇ tsahˇ-ahˇ oe-awˇ, Kaˬnaˬ miˇ kʼahˬ laꞈ oˆ paw dzaˬ-ahˇ jawˇ luꞈ-eu meh.

2 Saˬmeuˬlaˆ 1:1

Sawˇluˆ shiˇ dzeuˇ gʼaˬ ngeh, Aˬmaˬlehˇ tsawˇ haˬ deuˬ-ahˇ Daˬbiˇ guiˇ deuˆ gʼaˬ-awˇ gʼoꞈ keuˆ laˇ-awˇ, Ziˇkaˬlehˆ meuˬ-ahˇ nyiˬ nah jawˇ-euˬ meh.

2 Saˬmeuˬlaˆ 1:2

Yawˬ nah yawˬ, Sawˇluˆ-euˬ taˆ-ahˇ jawˇ-eu zaˬ guˬ tiˬ gʼaˬ aˬ yawꞈ jawˇ gaˇ oe keuˆ-euˬ meh. Zaˬ guˬ kʼoeˇ gʼaˬ yawˬ ha-euˬ mehˬ tsoeˬ cehˬ pyaˬ cehˬ shaˇ-awˇ, uˬ duˬ-ahˇ miˇ tsaˬ jehˆ daˆ taˬ-euˬ laꞈ kʼoeˇ, noeˬ shaˬ dui dui-eu gaˇ kawˆ bi siˬ bi mawˇ le-euˬ meh. Daˬbiˇ jawˇ gaˇ aˬ yawꞈ le-awˇ, miˇ tsa awˆ byaˆ-eu laꞈ kʼoeˇ yaw zeu baw nehˬ-euˬ meh.

2 Saˬmeuˬlaˆ 1:8

‘Nawˇ aˬ suˇ gʼaˬ te’ lehˇ aˬ yawꞈ ngaˬ-ahˇ naˇ haˬ ngeh, ‘Ngaˇ Aˬmaˬlehˇ tsawˇ haˬ ma’ lehˇ ehˇ kʼoꞈ nehˬ-euˬ ma.

2 Saˬmeuˬlaˆ 15:18

Aˬ yawꞈ-ahˇ loꞈ piˇ-eu guiˇ maꞈ aˬ yawꞈ-euˬ mehˬ shi iˇ dzeuˇ gʼeh luꞈ ngeh, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ aˬ yawꞈ-euˬ dawˬ peh yawꞈ luꞈ-eu meh. Gaˬdaˇ meuˬ-ahˇ neh aˬ yawꞈ-euˬ mehˬ nah caw teh laꞈ-euˬ yehˇ koꞈ yaˇ gʼaˬ kʼawꞈ, iˇ dzeuˇ luꞈ-eu meh.

1 Laˬsaˬbaˬ 12:21

Aˬ yawꞈ maꞈ-aˬ, Daˬbiˇ-euˬ guiˇ maꞈ kʼoeˇ taˆ yaw huiˬ deuˬ geuꞈ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ yawˬ gʼaˬ na luꞈ tsawˇ myahˇ doˆ-eu yehˇ deuˬ pyeuꞈ-eu meh.

1 Laˬsaˬbaˬ 12:22

Aˬ yawꞈ nah yawꞈ ehˇ gʼaˬ ni, Daˬbiˇ-euˬ guiˇ maꞈ laꞈ kʼoeˇ, tsawˇ haˬ yaw shuiꞈ uˇ lahˬ laˇ luꞈ-eu meh. Kʼoeˇ miˇ neh, gʼawˬ myahˇ maˬ gʼeh-ehˇ Daˬbiˇ-euˬ guiˇ maꞈ myaˬ dui dui laˇ-euˬ meh.

Yeˬlaˬmiˇ 41:12

Kʼoeˇ miˇ neh, aˬ yawꞈ maꞈ tsawˇ haˬ sheuˬ-awˇ, aˬ yawꞈ-euˬ mehˬ nah teh-iˇ-awˇ, Giˇbyoˬ meuˬ-ahˇ jaˆ-eu lah duˬ duˬ ma dawˬ peh aˬ yawꞈ-ahˇ deuˆ gʼaˬ-euˬ meh.

Yawˇshuˆ 11:6

Yawˇshuˆ-ahˇ Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ taˬ guˆ. Ni shawˬ nah heu yamˬ-ahˇ, Iˇsaˬleˬlaˆ tsawˇ jeuˬ gʼaˇ duˬ, aˬ yawꞈ maꞈ dawˬ tawˆ luꞈ-ahˇ ngaˇ sehꞈ ma. Naw maꞈ aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ ya keuˬ dzeh meh.”

Yawˇshuˆ 15:31

Ziˇkaˬlehˆ meuˬ, Maˬdaˇmaˬnahˬ meuˬ, Saˬsaˬnahˬ meuˬ,

1 Saˬmeuˬlaˆ 15:7

Haˬbiˇlaˬ meuˬ-ahˇ neh Iˇjiˇtuˆ miˇ kʼahˬ-euˬ nahˇ ma doˆ kʼehˬ paw jaˆ-eu Shuˇyaˆ meuˬ-ahˇ keuˆ ni guiˇ deuˆ keuˆ-awˇ, Aˬmaˬlehˇ tsawˇ haˬ deuˬ-ahˇ Sawˇluˆ deuˆ gʼaˬ-euˬ meh.

1 Saˬmeuˬlaˆ 15:8

Aˬmaˬlehˇ sahˬ paˬ Aˬgaˆ-ahˇ yaw dehꞈ-ehˇ nyehꞈ mi-awˇ, tsawˇ haˬ dawˬ tawˆ luꞈ-ahˇ sehꞈ-euˬ meh.

1 Saˬmeuˬlaˆ 27:6

Kʼoeˇ ngeh, Aˬkiˇ neh Daˬbiˇ-ahˇ Ziˇkaˬlehˆ meuˬ biꞈ-awˇ bi jawˇ-euˬ meh. Kʼoeˇ miˇ neh, kʼoeˇ ngeh nah neh aˇ dahˬ beh-awˇ, Ziˇkaˬlehˆ meuˬ kʼoeˇ meuˬ Yuˇdaˆ sahˬ paˬ deuˬ-ahˇ taꞈ-eu meuˬ pyeuꞈ laˇ-euˬ meh.

1 Saˬmeuˬlaˆ 29:10

Kʼoeˇ miˇ neh Daˬbiˇ-oˇ, Sawˇluˆ-ahˇ byehˇ dzeh yaꞈ-awˇ ngaˬ nehˬ-ehˇ kʼaˇ jawˇ le-euˬ naw maꞈ yawˬ gʼaˬ na luꞈ, ni shawˬ uˬ shawˬ yaw naꞈ-ehˇ tuˇ-awˇ, uˬ bya bya laˇ-eu nehˬ-ehˇ gʼoꞈ-iˇ-awˬ.”

1 Saˬmeuˬlaˆ 29:11

Yawˬ nah yawˬ uˬ shawˬ yaw naꞈ-ehˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ Piˇliˇtiˆ miˇ kʼahˬ paw gʼoꞈ-iˇ-eu lehˇ doˆ-iˇ-awˇ, Piˇliˇtiˆ tsawˇ haˬ deuˬ-aˬ, Yeˬzaˬleˬlaˇ meuˬ paw le gʼeh leꞈ-euˬ meh.

1 Saˬmeuˬlaˆ 29:4

Ehˇ kʼawꞈ, Piˇliˇtiˆ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ deuˬ Aˬkiˇ-ahˇ nui ma pehˇ laˇ-awˇ ehˇ-eu, “Tsawˇ haˬ heu gʼaˬ-ahˇ nawˬ neh biꞈ taˬ-euˬ meuˬ-ahˇ bi gʼoꞈ-iˇ-awˬ. Aˬ dui maꞈ guiˇ deuˆ gaˇ taˬ bi laˇ. Nymˬ-mˇ guiˇ deuˆ gaˇ keuˆ leˇ naˇ, aˬ dui maꞈ-ahˇ aˬ yawꞈ paˇ deuˆ laˇ tehꞈ-a. Aˬ yawꞈ-euˬ sahˬ paˬ aˬ yawꞈ-ahˇ nui kʼahˇ shiˇ ni mˇ-eu gʼaˇ duˬ, aˬ dui-euˬ tsawˇ haˬ-ahˇ sehꞈ-eu naˆ maˬ tseˇ muiˬ dzehˬ-eu gaˇ ma, aˬ yawꞈ gʼaˇ duˬ aˬ gaˇ paˇ dahˇ ta.

1 Saˬmeuˬlaˆ 30:14

Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu Sheˬleˬdiˇ tsawˇ jeuˬ-euˬ miˇ kʼahˬ hawˇ-eu, Gaˬlehˆ tsawˇ jeuˬ-euˬ miˇ kʼahˬ-ahˇ nga maꞈ guiˇ deuˆ-awˇ, Ziˇkaˬlehˆ meuˬ-ahˇ nga maꞈ miˬ dzaˬ keuˬ dzeh yaꞈ-euˬ ma.”