1 Saˬmeuˬlaˆ 3:7 - Akha

⁷ Sahˬpaˬ Miˬyehˇ aˬ yawꞈ-ahˇ dawˬ maˬ ngehˬ cawˬ le haw-euˬ miˇ neh, Sahˬpaˬ Miˬyehˇ-ahˇ Saˬmeuˬlaˆ maˬ siˬ nya-a siˬ.

1 Saˬmeuˬlaˆ 3:7 Σταυροειδείς Αναφορές

Yeˬlaˬmiˇ 9:24

Ngaˬ-euˬ gʼoeˇ-eu gaˬ-eu jeˬ aˬ myah luꞈ ziꞈ-awˇ, ngaˇ yaw tsaˬ yaw dawˇ jeˬ mˇ-eu miˇ neh, kʼahˬ sehˇ kʼaˇ jehˆ mawꞈ-eu tsawˇ haˬ, ngaˬ-ahˇ siˬ nya-eu jeˬ gaˇ kawˆ kʼahˬ sehˇ jehˆ-awˬ. Kʼoeˇ loꞈ-ehˇ mˇ gaˇ ngaˇ nui kʼahˇ shiˇ-eu ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Gʼaˬkʼehˇ 19:2

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ jah-eu tsawˇ haˬ pyeuꞈ laˇ ngeh Muiˬ-eu shawˇ-eu Yaw sahˇ Miˬyehˇ-ahˇ za maˬ loˇ.” Aˬ yawꞈ maꞈ ehˇ-eu, “Muiˬ-eu shawˇ-eu Yaw sahˇ Miˬyehˇ jawˇ meh lehˇ ehˇ-eu nga maꞈ tiˬ poˆ-iˬ maˬ gaˬ haw-aˬ.”

1 Gawˇliˬtu 13:11

Ngaˇ zaˬ yaw nyiˇ pyeuꞈ ngeh, zaˬ yaw nyiˇ loꞈ-ehˇ ngehˬ-awˇ tmˇ-awˇ, zaˬ yaw nyiˇ loꞈ-ehˇ nui ma taˬ-awˇ, zaˬ yaw nyiˇ loꞈ-ehˇ shaˇ noeˬ shaˇ sawˇ-euˬ ma. Nymˬ-mˇ ngaˇ tsawˇ kʼaˆ kʼaˆ laˇ-euˬ miˇ neh, zaˬ yaw nyiˇ-euˬ nui noeˬ byehˇ dzeh jiˇ-euˬ ma.

1 Saˬmeuˬlaˆ 3:6

Saˬmeuˬlaˆ-ahˇ Sahˬpaˬ Miˬyehˇ tiˬ poˆ paˇ kuˇ le-euˬ meh. Saˬmeuˬlaˆ paˇ tsawˬ tuˇ laˇ-awˇ, Eˇliˆ jawˇ gaˇ iˇ-awˇ, “Nawˇ ngaˬ-ahˇ kuˇ te loˇ. Ngaˇ heu gaˇ jawˇ ma” lehˇ ehˇ nehˬ-euˬ meh. Eˇliˆ gʼeh, “Ngaˬ li-oˇ. Ngaˇ nawˬ-ahˇ maˬ kuˇ. Gʼoꞈ yuꞈ-iˇ-awˬ” lehˇ ehˇ nehˬ-euˬ meh.

1 Saˬmeuˬlaˆ 3:8

Kʼoeˇ naˇ, Saˬmeuˬlaˆ-ahˇ Sahˬpaˬ Miˬyehˇ smˬ poˆ tiˬ poˆ paˇ kuˇ le-euˬ meh. Kʼoeˇ ngeh poˆ kʼawꞈ, Saˬmeuˬlaˆ tsawˬ tuˇ laˇ-awˇ, Eˇliˆ jawˇ gaˇ paˇ iˇ-awˇ, “Nawˇ ngaˬ-ahˇ kuˇ te loˇ. Ngaˇ heu gaˇ jawˇ ma” lehˇ paˇ ehˇ nehˬ-iˇ-euˬ meh. Kʼoeˇ ngeh poˆ jawˇ, “Aˬ li heu li-ahˇ kuˇ le-euˬ gʼaˬ-aˬ, Sahˬpaˬ Miˬyehˇ ngaˇ” lehˇ, Eˇliˆ noeˬ siˬ-euˬ meh.