1 Saˬmeuˬlaˆ 3:4 - Akha

⁴ Kʼoeˇ ngeh, Sahˬpaˬ Miˬyehˇ Saˬmeuˬlaˆ-ahˇ kuˇ-awˇ, Saˬmeuˬlaˆ oˬ toˬ-euˬ meh.

1 Saˬmeuˬlaˆ 3:4 Σταυροειδείς Αναφορές

Aˇ dahˬ 22:1

Aˇ yamˬ tiˬ kʼehˬ myahˇ laˇ ngeh, Aˬbyaˬhaˬ-ahˇ Miˬyehˇ lawˬ haw-euˬ meh. “Aˬbyaˬhaˬ-oˇ” lehˇ Miˬyehˇ kuˇ ngeh, “Ngaˇ heu gaˇ jawˇ ma” lehˇ, Aˬbyaˬhaˬ oˬ toˬ-euˬ meh.

Aˇ dahˬ 22:11

Ehˇ kʼawꞈ, Sahˬpaˬ Miˬyehˇ-euˬ gʼaˬ kʼehˇ mˬ kʼoeˇ taˆ jawˇ-awˇ, “Aˬbyaˬhaˬ-oˇ, Aˬbyaˬhaˬ-oˇ” lehˇ kuˇ-eu miˇ neh, “Ngaˇ heu gaˇ jawˇ ma” lehˇ Aˬbyaˬhaˬ guˇ kʼoꞈ nehˬ-euˬ meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Doˆ-iˇ 3:4

Moˇseˬ dawˬ peh laˇ peh luꞈ gaˇ Sahˬpaˬ Miˬyehˇ ya mawˇ ngeh, baw duˆ kʼoeˇ duˆ-euˬ gʼahˇ ceh jawˇ-awˇ, “Moˇseˬ-oˇ, Moˇseˬ-oˇ” lehˇ kuˇ-euˬ meh. Moˇseˬ gʼeh, “Ngaˇ heu gaˇ jawˇ ma” lehˇ oˬ toˬ kʼoꞈ nehˬ-euˬ meh.

Iˇsaˬyaˇ 6:8

Kʼoeˇ ngeh, “Aˬ suˇ gʼaˬ-ahˇ pyehˬ gʼeh nmˇ. Aˬ suˇ gʼaˬ aˬ dui gʼaˇ duˬ ngehˬ dah-iˇ nmˇ” lehˇ Sahˬpaˬ Miˬyehˇ ehˇ-eu ngaˇ ya gaˬ-awˇ, “Ngaˇ iˇ ma. Ngaˬ-ahˇ pyehˬ gʼeh-awˬ” lehˇ ehˇ kʼoꞈ nehˬ-euˬ ma.

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

1 Gawˇliˬtu 12:28

Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.

1 Saˬmeuˬlaˆ 3:5

Kʼoeˇ naˇ, Eˇliˆ jawˇ gaˇ aˬ yawꞈ cehˆ gʼeh-awˇ, “Nawˇ ngaˬ-ahˇ kuˇ te loˇ. Ngaˇ heu gaˇ jawˇ ma” lehˇ ehˇ nehˬ-euˬ meh. Ehˇ kʼawꞈ, “Ngaˇ nawˬ-ahˇ maˬ kuˇ. Gʼoꞈ yuꞈ-iˇ-awˬ” lehˇ, Eˇliˆ aˬ yawꞈ-ahˇ ehˇ-eu miˇ neh, Saˬmeuˬlaˆ paˇ gʼoꞈ yuꞈ-iˇ-euˬ meh.