1 Saˬmeuˬlaˆ 3:2 - Akha

² Tiˬ miˇ keuˆ laˇ ngeh, myaˆ nuiˆ yaw kʼaˆ-ehˇ maˬ mawˇ shawˇ nya-ehˇ pyeuꞈ-iˇ-euˬ Eˇliˆ-aˬ, aˬ yawꞈ jawˇ-eu kuˆ lawˆ-ahˇ yuꞈ luꞈ-eu meh.

1 Saˬmeuˬlaˆ 3:2 Σταυροειδείς Αναφορές

Aˇ dahˬ 27:1

Iˇtsaˆ mawˬ dui dui laˇ-awˇ myaˆ nuiˆ maˬ mawˇ nya-ehˇ pyeuꞈ laˇ ngeh, aˬ yawꞈ-euˬ aˬ li aˬ yuiꞈ gʼaˬ pyeuꞈ-eu Iˇsawˇ-ahˇ bi kuˇ laˬ-iˇ-awˇ, “Aˬ li-oˇ” lehˇ aˬ yawꞈ kuˇ ngeh, “Ngaˇ heu gaˇ jawˇ ma da-oˇ” lehˇ, Iˇsawˇ oˬ toˬ nehˬ-euˬ meh.

Aˇ dahˬ 48:10

Yaˬkoˆ tsawˇ mawˬ mawˬ dui dui laˇ-euˬ miˇ neh, myaˆ nuiˆ yaw muiˬ paˬ-ehˇ maˬ mawˇ nya-a. Yoˇsehˆ-euˬ aˬ li kʼoeˇ nyiˬ li-ahˇ aˬ yawꞈ jawˇ gaˇ sheuˬ laꞈ ngeh, aˬ yawꞈ ciˬ-awˇ mehˬ cuˇ cuˇ nehˬ-euˬ meh.

Aˇ dahˬ 48:19

Ehˇ kʼawꞈ, Yoˇsehˆ ehˇ gaˇ Yaˬkoˆ maˬ naˇ haˬ-ehˇ, “Ngaˇ siˬ nya ma li-oˇ. Ngaˇ siˬ nya ma. Maˬnaˇseˬ-euˬ zaˬ deuˬ uˆ deuˬ kʼawꞈ, huiˬ-eu tsawˇ jeuˬ pyeuꞈ laˇ tehꞈ-a. Ehˇ kʼawꞈ, aˬ nyiˇ gʼaˬ aˬ yawꞈ naˆ maˬ tseˇ huiˬ dzehˬ-awˇ, aˬ nyiˇ gʼaˬ-euˬ zaˬ deuˬ uˆ deuˬ huiˬ dui myaˬ dui dui-eu tsawˇ jeuˬ deuˬ pyeuꞈ laˇ tehꞈ-a” lehˇ ehˇ-eu meh.

1 Sahˬpaˬ 14:4

Yeˬyawˇbamˬ-euˬ miˬ zaˬ-aˬ, Shiˇloˬ meuˬ-ahˇ jaˆ-eu Aˬhiˇyaˬ-euˬ nymˇ-ahˇ iˇ-euˬ meh. Aˬhiˇyaˬ tsawˇ mawˬ mawˬ dui dui laˇ-awˇ, myaˆ nuiˆ maˬ mawˇ nya-a.

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

Dawˬ tsoˆ 12:3

Aˇ yamˬ kʼoeˇ yamˬ keuˆ le ngeh, nawˬ-ahˇ mˇ cu-euˬ nawˬ-euˬ aˬ laꞈ laꞈ nyeh nyeh-iˇ-awˇ, nawˬ-euˬ aˬ kuiˇ gʼaˬ juˬ-iˇ-eu uˬ taꞈ, nawˬ-euˬ seuˬ dzaˇ maˬ gʼoˬ dzaˬ nya-ehˇ, nawˬ-euˬ myaˆ nuiˆ maˬ mawˇ shawˇ nya ni pyeuꞈ-iˇ tehꞈ-a.

1 Saˬmeuˬlaˆ 2:22

Nymˬ-mˇ poˆ jawˇ, Eˇliˆ tsawˇ mawˬ mawˬ dui dui laˇ taˬ-euˬ meh. Aˬ yawꞈ-euˬ aˬ li deuˬ Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ luꞈ-eu gaˇ kawˆ hawˇ-eu, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ gaˇ mˇ luꞈ-eu zaˬ miˬ zaˬ deuˬ nehˬ-ehˇ yuꞈ taꞈ gaˇ keuˆ ni aˬ yawꞈ maꞈ dehꞈ cawˆ taˬ-euˬ gaˇ kawˆ-ahˇ, Eˇliˆ maˬ tsehˆ leˇ ni ya gaˬ luꞈ-eu meh.

1 Saˬmeuˬlaˆ 4:15

Eˇliˆ-aˬ, gʼoeˬ tseˇ yehꞈ kʼoꞈ kʼawˆ laˇ-awˇ, myaˆ nuiˆ maˬ mawˇ nya-ehˇ pyeuꞈ laˇ taˬ-euˬ meh.