1 Saˬmeuˬlaˆ 3:19 - Akha

¹⁹ Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.

1 Saˬmeuˬlaˆ 3:19 Σταυροειδείς Αναφορές

Aˇ dahˬ 21:22

Aˇ yamˬ kʼoeˇ yamˬ laꞈ kʼoeˇ, Aˬbiˇmaˬlehˆ hawˇ-eu, aˬ yawꞈ-euˬ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Piˇkawˇlaˆ aˬ nyaꞈ Aˬbyaˬhaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, Miˬyehˇ nawˬ nehˬ-ehˇ jawˇ-eu meh.

Aˇ dahˬ 28:15

Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

Aˇ dahˬ 39:2

Yoˇsehˆ nehˬ-ehˇ Sahˬpaˬ Miˬyehˇ jawˇ-eu miˇ neh, Yoˇsehˆ kʼaˇ mˇ kʼaˇ shaˇ-eu gaˇ dawˬ tawˆ luꞈ huiˬ laˇ mahˇ laˇ luꞈ-eu meh. Aˬ yawꞈ-ahˇ zeuˇ-euˬ Iˇjiˇtuˆ tsawˇ haˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ aˬ yawꞈ jawˇ luꞈ-eu meh.

Aˇ dahˬ 39:3

Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ guiˬ lahˬ biꞈ luꞈ-eu miˇ neh, Yoˇsehˆ kʼaˇ mˇ kʼaˇ shaˇ-eu jeˬ guiˬ lahˬ baw gaˇ, yaw huiˬ yaw mahˇ kʼoeˇ gʼaˬ ya mawˇ-euˬ meh.

1 Sahˬpaˬ 8:56

“Saˇ jaˇ dzaˬ taˬ-euˬ jaˆ-eu loꞈ-ehˇ aˬ yawꞈ-euˬ tsawˇ haˬ deuˬ-ahˇ nui saˇ oꞈ-eu jeˬ biꞈ-eu Sahˬpaˬ Miˬyehˇ-ahˇ ja ceuˬ-awˬ. Moˇseˬ-ahˇ gʼoe-awˇ aˬ yawꞈ neh biꞈ taˬ-euˬ saˇ jaˇ dawˬ tawˆ luꞈ-ahˇ aˬ yawꞈ ziꞈ luꞈ meh.

2 Sahˬpaˬ 10:10

Heu-aˬ, Sahˬpaˬ Miˬyehˇ neh kʼaˇ ehˇ taˬ-euˬ yawˬ jeˬ na luꞈ, aˬ diˇ aˬ maˇ pyeuꞈ laˇ-eu gaˇ kawˆ saˇ kiˇ meh. Sahˬpaˬ Miˬyehˇ-aˬ, aˬ yawꞈ gʼaˇ duˬ ngehˬ dah-eu gʼaˬ pyeuꞈ-eu Eˇliˇyaˆ-ahˇ gʼoe-awˇ, aˬ yawꞈ neh ehˇ taˬ-euˬ loꞈ-ehˇ bi pyeuꞈ laˇ-euˬ meh.”

2 Sahˬpaˬ 15:12

“Nawˬ-euˬ zaˬ nawˬ-euˬ uˆ deuˬ oeˬ ziˇ keuˆ ni sahˬ paˬ ya geuꞈ tehꞈ-a” lehˇ, sahˬ paˬ Yeˬhuˇ-ahˇ Sahˬpaˬ Miˬyehˇ neh ehˇ nehˬ-euˬ dawˬ kʼoeˇ dawˬ, kʼoeˇ gaˇ byah laˇ-euˬ meh.

2 Sahˬpaˬ 22:16

Sahˬpaˬ Miˬyehˇ heu loꞈ-ehˬ ehˇ-eu meh. ‘Sahˬ paˬ neh gui haw-euˬ sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ taˬ-euˬ loꞈ-ehˇ, Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ kʼaˆ nehˬ-eu lehˇ gʼeh-eu ma.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Luˇkaꞈ 1:28

Mˬ taˆ gʼaˬ kʼehˇ kʼoeˇ gʼaˬ aˬ yawꞈ jawˇ gaˇ oe-awˇ ehˇ-eu, “Nui saˇ oꞈ luꞈ-uˇ. Sahˬpaˬ Miˬyehˇ nawˬ nehˬ-ehˇ jawˇ-awˇ, huiˬ dui dui-eu guiˬ lahˬ biꞈ luꞈ meh.”

Luˇkaꞈ 1:80

Aˬ li kʼoeˇ li huiˬ laˇ-awˇ, nui ma gʼawˇ mawˇ nyiˬ jeˬ luꞈ huiˬ laˇ mahˇ laˇ luꞈ-eu meh. Iˇsaˬleˬlaˆ tsawˇ haˬ deuˬ mehˬ shi aˬ yawꞈ maˬ doˆ laˇ kʼoeˇ keuˆ ni, bawˇ tsahˬ bawˇ dahˇ-ahˇ jawˇ-euˬ meh.

Luˇkaꞈ 2:40

Aˬ li kʼoeˇ gʼaˬ huiˬ laˇ-awˇ, nui ma saꞈ laˇ gʼaˬ ahˇ laˇ luꞈ-eu uˬ taꞈ, zaˬ siˬ tsawˇ gahˇ byah-awˇ, Miˬyehˇ-euˬ guiˬ lahˬ aˬ yawꞈ kʼoeˇ taˆ jaˆ-eu meh.

Luˇkaꞈ 2:52

Yeˬsuˇ-aˬ, zaˬ siˬ tsawˇ gahˇ hawˇ-eu gʼawˇ mawˇ huiˬ laˇ-awˇ, Miˬyehˇ maˬ ehˇ, tsawˇ haˬ maˬ ehˇ, aˬ yawꞈ-ahˇ nui ma tsaˬ-eu meh.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Dawˬmehˬ 18:22

Miˬyehˇ gʼaˇ duˬ ngehˬ dah-eu gʼaˬ, Sahˬpaˬ Miˬyehˇ-euˬ tsawˇ myahˇ uˬ moˆ tiˬ jeˬ paˇ ehˇ ngeh, aˬ yawꞈ neh ehˇ-euˬ loꞈ-ehˇ maˬ pyeuꞈ laˇ naˇ, Sahˬpaˬ Miˬyehˇ neh bi ehˇ-euˬ dawˬ maˬ ngeuˇ-a. Miˬyehˇ gʼaˇ duˬ ngehˬ dah-euˬ kʼoeˇ gʼaˬ yawˬ ha-euˬ baoˬ-ahˇ gʼoe-awˇ ngehˬ-eu tmˇ-eu jeˬ pyeuꞈ-awˇ, aˬ yawꞈ-ahˇ nawˇ maˬ ya guˆ-a.

2 Tiˆmoˇseˬ 4:22

Nawˬ-euˬ nui ma laꞈ kʼoeˇ Sahˬpaˬ Yeˬsuˇ jawˇ luꞈ-uˇ. Miˬyehˇ-euˬ guiˬ lahˬ yaw dzahˇ naw maꞈ dawˬ tawˆ luꞈ kʼoeˇ taˆ jaˆ luꞈ-uˇ.

Yawˇshuˆ 21:45

Iˇsaˬleˬlaˆ tsawˇ haˬ deuˬ-ahˇ aˬ yawꞈ neh dzaˬ taˬ-euˬ saˇ jaˇ yawˬ hmˬ na luꞈ-ahˇ, Sahˬpaˬ Miˬyehˇ ziꞈ luꞈ-eu meh.

Yaˇ kʼaˬ daˇ 13:24

Zaˬ miˬ zaˬ kʼoeˇ gʼaˬ aˬ li tiˬ gʼaˬ ciˬ-awˇ, Saˬsoˬ lehˇ myahˇ nehˬ-euˬ meh. Aˬ li kʼoeˇ li huiˬ laˇ-awˇ aˬ yawꞈ-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ meh.

1 Saˬmeuˬlaˆ 10:7

Kʼoeˇ loꞈ-ehˇ pyeuꞈ laˇ naˇ, Miˬyehˇ neh nawˬ-ahˇ kʼaˇ bi mˇ laꞈ-euˬ loꞈ-ehˇ mˇ-awˬ.

1 Saˬmeuˬlaˆ 12:2

Aˬ kaˇ naˇ, naw maꞈ-ahˇ aˬ yawꞈ uˆ lahˇ tehꞈ-a. Ngaˇ tsawˇ mawˬ mawˬ le-awˇ, uˬ duˬ pyuˇ laˇ-euˬ miˇ-a. Ngaˬ li deuˬ kʼawꞈ naw maꞈ nehˬ-ehˇ jawˇ luꞈ meh. Zaˬ guˬ pyeuꞈ ngeh neh nymˬ-mˇ keuˆ ni naw maꞈ-ahˇ ngaˇ sheuˬ gʼeh-euˬ ma.

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”

1 Saˬmeuˬlaˆ 18:12

Daˬbiˇ-ahˇ Sawˇluˆ guˆ-eu meh. Aˬ jeˬ miˇ neh ehˇ naˇ, Daˬbiˇ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ-ahˇ Sahˬpaˬ Miˬyehˇ byehˇ dzeh-euˬ meh.

1 Saˬmeuˬlaˆ 18:14

Daˬbiˇ neh kʼaˇ mˇ kʼaˇ shaˇ-euˬ jeˬ huiˬ laˇ mahˇ laˇ luꞈ-eu meh. Aˬ jeˬ miˇ neh ehˇ naˇ, aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.

1 Saˬmeuˬlaˆ 18:5

Sawˇluˆ neh kʼaˇ bi mˇ-euˬ jeˬ-ahˇ Daˬbiˇ mˇ pyeuꞈ nya-eu meh. Kʼoeˇ miˇ neh, Sawˇluˆ neh aˬ yawꞈ-ahˇ guiˇ maꞈ kʼoeˇ taˆ uˆ lahˇ-eu aˬ yuiꞈ tiˬ gʼaˬ bi geuꞈ-euˬ meh. Kʼoeˇ loꞈ-ehˇ bi geuꞈ-euˬ gaˇ, Sawˇluˆ-euˬ gaˇ mˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ tsawˇ haˬ deuˬ kʼawꞈ nui kʼahˇ shiˇ-eu meh.

1 Saˬmeuˬlaˆ 2:21

Haˬnahˬ-ahˇ Sahˬpaˬ Miˬyehˇ aˬ diˇ aˬ maˇ guiˬ lahˬ biꞈ nehˬ-awˇ, aˬ li smˬ li hawˇ-eu aˬ buˇ nyiˬ buˇ paˇ bi jawˇ le-euˬ meh. Aˬ li Saˬmeuˬlaˆ gʼaˬ-aˬ, Sahˬpaˬ Miˬyehˇ-euˬ gaˇ mˇ mˇ-ehˇ huiˬ laˇ luꞈ-eu meh.

1 Saˬmeuˬlaˆ 2:26

Aˬ li Saˬmeuˬlaˆ-aˬ, tiˬ nah saˇ-iˬ tiˬ nah huiˬ laˇ luꞈ-awˇ, Sahˬpaˬ Miˬyehˇ maˬ ehˇ, tsawˇ haˬ zaˬ maˬ ehˇ, aˬ yawꞈ-ahˇ nui kʼahˇ shiˇ-eu meh.

1 Saˬmeuˬlaˆ 9:6

Zaˬ kʼaˆ kʼoeˇ gʼaˬ ehˇ-eu, “Taˬ tehˬ lawˬ siˬ, Meuˬ heu meuˬ laꞈ kʼoeˇ muiˬ-eu shawˇ-eu tsawˇ haˬ tiˬ gʼaˬ jawˇ meh. Aˬ yawꞈ neh ja maw kʼaˇ maw-euˬ yawˬ jeˬ na luꞈ tsaˬ-eu miˇ neh, aˬ cawˬ aˬ yawꞈ-ahˇ yaw zeu baw dui dui meh. Aˇ nyaꞈ gʼeh aˬ yawꞈ jawˇ gaˇ le haw kaˇ-euˇ. Mahˬ tahˬ laˆ aˬ gaˇ jawˇ-eu aˬ yawꞈ ehˇ nehˬ laꞈ nya-eu baw le.”