1 Saˬmeuˬlaˆ 3:1 - Akha

¹ Eˇliˆ neh mehˬ nehˬ tsoˆ nehˬ-euˬ loꞈ-ehˇ, Sahˬpaˬ Miˬyehˇ-euˬ gaˇ-ahˇ Saˬmeuˬlaˆ mˇ luꞈ-eu aˇ nah aˇ yamˬ kʼoeˇ yamˬ laꞈ kʼoeˇ, Sahˬpaˬ Miˬyehˇ neh bi tsaꞈ le-euˬ dawˬ-ahˇ yaw kʼaˆ-ehˇ maˬ ya gaˬ-ehˇ, Sahˬpaˬ Miˬyehˇ neh pah mehˬ nehˬ-euˬ jeˬ-ahˇ kʼawꞈ yaw kʼaˆ-ehˇ maˬ ya mawˇ ni pyeuꞈ-iˇ-euˬ meh.

1 Saˬmeuˬlaˆ 3:1 Σταυροειδείς Αναφορές

Jaceuq 74:9

Nga maꞈ-euˬ muiˬ-eu shawˇ-eu mˇ myawˬ keu ka dawˬ tawˆ luꞈ bi laˆ byoˆ jiˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ, tiˬ gʼaˬ-iˬ maˬ dzeˇ-a. Aˇ myah keuˆ ni heu loꞈ-ehˇ ya shaˬ-eu tiˬ gʼa-iˬ maˬ siˬ nya-a.

Dawqdaq 29:18

Miˬyehˇ sheuˬ gʼeh-eu mehˬ nah maˬ caw teh-eu tsawˇ jeuˬ-aˬ, zahˇ sahˇ kʼoꞈ maˬ baw ni kʼaˇ dehꞈ mawꞈ-eu dehꞈ-eu meh. Miˬyehˇ-euˬ zahˇ sahˇ kʼoꞈ-ahˇ caw teh-eu tsawˇ haˬ nui saˇ oꞈ-eu meh.

Iˇsaˬyaˇ 13:12

Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.

Yeˬsaˬgeˬlaˇ 7:26

Luˬ-iˇ seˇ-iˇ-eu jeˬ tiˬ hmˬ saˇ-iˬ tiˬ hmˬ keuˆ le-awˇ, doeˇ dui dui-eu gaˇ kawˆ deuˬ lawˇ gawˆ yoeˇ-eu loꞈ-ehˇ maˬ tsehˆ leˇ ni gaˬ keuˆ le tehꞈ-a. Aˬ yawꞈ maꞈ neh mawˇ taˬ-euˬ gaˇ kawˆ ehˇ nehˬ laꞈ lehˇ, Miˬyehˇ gʼaˇ duˬ ngehˬ dah-eu deuˬ-ahˇ naw maꞈ ya shaˇ tehꞈ-a. Piˇ ma deuˬ maˬ mehˬ maˬ tsoˆ nya-ehˇ pyeuꞈ-iˇ-awˇ, tsawˇ mawˬ tsawˇ kʼaˆ deuˬ maˬ ja noeˬ maˬ ja duˇ nya ni pyeuꞈ-iˇ tehꞈ-a.

1 Saˬmeuˬlaˆ 2:11

Kʼoeˇ naˇ, Laˬmahˇ meuˬ-ahˇ Eˇlaˬkaˬnaˬ gʼoꞈ-iˇ-euˬ meh. Ehˇ kʼawꞈ, aˬ li Saˬmeuˬlaˆ gʼaˬ Shiˇloˬ meuˬ-ahˇ jawˇ yaꞈ-awˇ, piˇ ma Eˇliˆ-euˬ laꞈ oˆ Sahˬpaˬ Miˬyehˇ-euˬ gaˇ mˇ-euˬ meh.

1 Saˬmeuˬlaˆ 2:18

Aˇ yamˬ kʼoeˇ yamˬ laꞈ kʼoeˇ, aˬ li li zaˬ Saˬmeuˬlaˆ-aˬ, shawˇ jehˆ ni gʼeh-eu saˬ paˇ neh guꞈ taˬ-euˬ muiˬ-eu shawˇ-eu pehˇ kʼahˬ pehˇ mahˇ dm-awˇ, Sahˬpaˬ Miˬyehˇ-euˬ gaˇ mˇ luꞈ-eu meh.

1 Saˬmeuˬlaˆ 2:35

Ngaˬ-ahˇ saˇ jaˇ ziꞈ-awˇ ngaˇ kʼaˇ bi mˇ mawꞈ-eu jeˬ mˇ-eu piˇ ma tiˬ gʼaˬ ngaˇ tseˇ doˆ ma. Kʼoeˇ gʼaˬ-euˬ zaˬ deuˬ uˆ deuˬ jeuˬ le o le-awˇ, ngaˬ neh tseˇ doˆ-euˬ sahˬ paˬ mehˬ shi aˬ yawꞈ aˬ myah luꞈ gaˇ ya mˇ tehꞈ-a.

1 Saˬmeuˬlaˆ 2:36

Nawˬ-euˬ zaˬ nawˬ-euˬ uˆ deuˬ laꞈ kʼoeˇ maˬ shiˇ-ehˇ kʼaˇ dehꞈ yaꞈ-euˬ deuˬ piˇ ma kʼoeˇ gʼaˬ jawˇ gaˇ le-awˇ, pyuˇ hawˇ-eu dzaˬ dzaˬ dawˇ dawˇ ya shaˇ leˇ gaˇ keuˆ tehꞈ-a. ‘Nga maꞈ maˬ ya mehꞈ sehꞈ-eu gʼaˇ duˬ, nawˬ-ahˇ caw mˇ paˬ-ehˇ gʼeh-eu gaˇ jaˆ naˇ bi mˇ laꞈ-awˬ’ lehˇ, piˇ ma kʼoeˇ gʼaˬ-ahˇ aˬ yawꞈ maꞈ ya shaˇ leˇ tehꞈ-a.”

1 Saˬmeuˬlaˆ 3:15

Saˬmeuˬlaˆ-aˬ, uˬ shawˬ uˬ bya bya laˇ ngeh keuˆ ni yuꞈ-euˬ meh. Kʼoeˇ naˇ, aˬ yawꞈ tuˇ-awˇ, Sahˬpaˬ Miˬyehˇ-euˬ nymˇ laˇ gʼoˆ pah-euˬ meh. Yaw sahˇ laꞈ kʼoeˇ aˬ yawꞈ ya siˬ ya mawˇ-euˬ je, Eˇliˆ-ahˇ aˬ yawꞈ maˬ dzawˇ nehˬ peuˬ-a.

1 Saˬmeuˬlaˆ 3:21

Sahˬpaˬ Miˬyehˇ-aˬ, Saˬmeuˬlaˆ jawˇ gaˇ oe-awˇ dawˬ ngehˬ cawˬ le-euˬ jawˇ duˬ pyeuꞈ-eu Shiˇloˬ meuˬ-ahˇ, aˬ yawꞈ-euˬ gʼawˇ mawˇ maˬ tsehˆ leˇ ni pah mehˬ-euˬ meh. Saˬmeuˬlaˆ dawˬ kʼaˇ ngehˬ doˆ laˇ ngeh, Iˇsaˬleˬlaˆ miˇ kʼahˬ kʼahˬ lah ni naˇ haˬ geuꞈ-eu meh.