1 Saˬmeuˬlaˆ 27:8 - Akha

⁸ Aˇ nah aˇ yamˬ kʼoeˇ yamˬ laꞈ kʼoeˇ, miˇ tsaˬ kʼoeˇ tsahˇ-ahˇ gʼawˬ myahˇ ni jawˇ keuˆ laꞈ-euˬ tsawˇ haˬ deuˬ pyeuꞈ-eu, Geˬshuˇlaˆ tsawˇ jeuˬ, Geˬlaˬziˇ tsawˇ jeuˬ, Aˬmaˬlehˇ tsawˇ jeuˬ kʼoeˇ deuˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ guiˇ deuˆ-euˬ meh. Shuˇyaˆ meuˬ-ahˇ neh Iˇjiˇtuˆ miˇ kʼahˬ-ahˇ tuˆ ni, aˬ yawꞈ maꞈ-euˬ miˇ kʼahˬ-ahˇ Daˬbiˇ guiˇ deuˆ-euˬ meh.

1 Saˬmeuˬlaˆ 27:8 Σταυροειδείς Αναφορές

2 Saˬmeuˬlaˆ 14:23

Kʼoeˇ naˇ, Geˬshuˇlaˆ meuˬ-ahˇ aˬ yawꞈ iˇ-awˇ, Aˬbaˇsaˬloˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ-euˬ meh.

2 Saˬmeuˬlaˆ 14:32

Aˬbaˇsaˬloˬ ehˇ-eu, “Nawˬ-ahˇ ngaˇ bi kuˇ laˬ-iˇ kʼawꞈ, nawˇ maˬ laˇ-eu miˇ neh, kʼoeˇ loꞈ-ehˇ bi jahˇ-euˬ ma. Ngaˬ-euˬ dah zaˇ nawˬ-ahˇ sahˬ paˬ jawˇ gaˇ bi le-awˇ, heu loꞈ-ehˇ bi ehˇ leˇ mawꞈ-eu ma. ‘Aˬ jeˬ miˇ neh ngaˬ-ahˇ Geˬshuˇlaˆ meuˬ-ahˇ neh heu gaˇ kuˇ kʼoꞈ-awˇ bi jawˇ laꞈ teˬ. Kʼoeˇ gaˇ jawˇ law nmˇ-aˬ, ngaˬ-euˬ gʼaˇ duˬ muiˬ dzehˬ tehꞈ-a’ lehˇ bi ehˇ leˇ mawꞈ-eu ma.” Aˬbaˇsaˬloˬ paˇ ehˇ-eu, “Ngaˇ sahˬ paˬ jawˇ gaˇ le mawˇ nya ni nawˇ shaˇ noeˬ nehˬ laꞈ-awˬ. Ngaˇ iˬ baˇ ahˇ naˇ kʼawꞈ, aˬ yawꞈ ngaˬ-ahˇ sehꞈ luꞈ-uˇ.”

2 Saˬmeuˬlaˆ 15:8

Suˇliˆ miˇ kʼahˬ Geˬshuˇlaˆ meuˬ-ahˇ ngaˇ jawˇ luꞈ ngeh, Sahˬpaˬ Miˬyehˇ ngaˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ gʼeh nehˬ laꞈ naˇ, Heˬbyoˬ meuˬ-ahˇ le-awˇ aˬ yawꞈ-ahˇ uˬ duˬ tahˬ leˇ ma lehˇ, ngaˬ neh saˇ jaˇ dzaˬ taˬ-euˬ jaˆ-eu ma.”

2 Saˬmeuˬlaˆ 3:22

Gʼawˬ myahˇ maˬ gʼeh-ehˇ, Yoˇbaˬ hawˇ-eu Daˬbiˇ-euˬ guiˇ maꞈ kʼoeˇ taˆ aˬ yuiꞈ geuꞈ-eu deuˬ guiˇ deuˆ-iˇ-euˬ myawˬ gahˬ gʼawˬ mya ni deuˆ za laꞈ-awˇ gʼoꞈ keuˆ laˇ-euˬ meh. Kʼoeˇ ngeh, Aˬbaˬnaˬ gʼaˬ Daˬbiˇ nehˬ-ehˇ Heˬbyoˬ meuˬ-ahˇ maˬ paˇ jawˇ ni doˆ-iˇ dzeuˇ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ kʼoeˇ taˆ tiˬ jeˬ-iˬ maˬ bi keuˆ le-eu gʼaˇ duˬ, Daˬbiˇ neh kamˬ jiˇ-awˇ pyehˬ gʼeh-euˬ meh.

2 Saˬmeuˬlaˆ 3:3

Gaˬlaˬmeˬlaˇ meuˬ-ahˇ jawˇ-eu Naˬbaˬlaˇ-euˬ miˬ coeˬ Aˬbiˇgeˬlaˆ o neh dehꞈ le-euˬ Ciˇleh, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ,

2 Saˬmeuˬlaˆ 8:12

Shuiˇ hawˇ-eu pyuˇ kʼoeˇ deuˬ-aˬ, Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ hawˇ-eu, Aˬmaˬlehˇ miˇ kʼahˬ-ahˇ neh yuˇ kʼoꞈ laꞈ-euˬ deuˬ uˬ taꞈ, Zoˇbaˬ sahˬ paˬ Leˬhawˇbaˆ-euˬ aˬ li Haˬdaˬdeˬzaˬ-ahˇ deuˆ za-euˬ deuˬ tiˬ paˆ paˆ ahˇ-eu meh.

1 Laˬsaˬbaˬ 2:23

Ehˇ kʼawꞈ, Geˬshuˇlaˆ miˇ kʼahˬ hawˇ-eu Aˬlamˬ miˇ kʼahˬ-aˬ, Yaˬiˇlaˆ pu, Jeˇnaˆ pu hawˇ-eu, dawˬ peh jaˆ-eu meuˬ deuˬ ahˇ leˇ-ehˇ, kʼoeˇ gaˇ jaˆ-eu meuˬ koꞈ tseˇ meuˬ-ahˇ deuˆ gʼaˬ-euˬ meh. Kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ, Giˇlaˆ-euˬ aˬ da Maˬkiˬlaˇ-euˬ zaˬ deuˬ uˆ deuˬ tehꞈ meh.

Doˆ-iˇ 15:22

Kʼoeˇ naˇ, Moˇseˬ-aˬ, Iˇsaˬleˬlaˆ tsawˇ haˬ deuˬ-ahˇ, iˬ ma laˆ shaˆ Yaw neˇ-ahˇ neh, Shuˇyaˆ lehˇ kuˇ-eu bawˇ tsahˬ bawˇ dahˇ paw sheuˬ gʼeh-euˬ meh. Bawˇ tsahˬ bawˇ dahˇ laꞈ kʼoeˇ, smˬ nah keuˆ ni aˬ yawꞈ maꞈ gaˇ ma cah keuˆ laꞈ-euˬ kʼawꞈ, iˇ cuꞈ maˬ ya mawˇ-a.

Doˆ-iˇ 17:8

Aˬmaˬlehˇ tsawˇ haˬ deuˬ oe-awˇ, Leˬpiˇdeˬ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

Bawˇtsahˬ 13:29

Aˬmaˬlehˇ tsawˇ haˬ deuˬ miˇ kʼahˬ kʼoeˇ kʼahˬ laꞈ oˆ dzaˬ-ahˇ jawˇ luꞈ-eu meh. Heˬtaˆ tsawˇ jeuˬ, Yeˬbuˇ tsawˇ jeuˬ hawˇ-eu Aˬmawˇliˆ tsawˇ jeuˬ deuˬ-aˬ, gawˬ jawˬ gawˬ duˇ-ahˇ jawˇ-awˇ, Kaˬnaˬ tsawˇ jeuˬ-aˬ, Gʼahˇ ceh-euˬ Iˬ ma laˆ shaˆ-euˬ dawˬ peh Yawˇdaˬ lawˇ baˬ caw caw-ehˇ jawˇ-eu meh.”

Bawˇtsahˬ 14:45

Kʼoeˇ naˇ, kʼoeˇ gaˇ jawˇ-eu Aˬmaˬlehˇ tsawˇ jeuˬ hawˇ-eu Kaˬnaˬ tsawˇ jeuˬ aˬ yawꞈ maꞈ-ahˇ guiˇ deuˆ le-awˇ, aˬ yawꞈ maꞈ-ahˇ deuˆ gʼaˬ-euˬ uˬ taꞈ, Hawˇmaˬ meuˬ-ahˇ keuˆ ni teh keuˆ-euˬ meh.

Yawˇshuˆ 12:5

Aˬ yawꞈ-euˬ miˇ kʼahˬ-aˬ, Heˬlaˬmoˬ gawˬ jawˬ, Saˬleˬkaˬ meuˬ, Geˬshuˇlaˆ meuˬ hawˇ-eu, Mawˇkah meuˬ-euˬ miˇ kaˬ-ahˇ keuˆ ni jaˆ-eu Baˬshaˬ gahˬ kaˬ, Giˇlaˆ miˇ kʼahˬ tiˬ paˆ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ-ahˇ keuˆ ni meh.

Yawˇshuˆ 13:13

Ehˇ kʼawꞈ, Geˬshuˇlaˆ tsawˇ jeuˬ hawˇ-eu Mawˇkah tsawˇ jeuˬ-ahˇ Iˇsaˬleˬlaˆ tsawˇ haˬ deuˬ maˬ teh doˆ-a. Aˬ yawꞈ maꞈ iˬ nah keuˆ ni Iˇsaˬleˬlaˆ miˇ kʼahˬ laꞈ kʼoeˇ jawˇ luꞈ-eu meh.

Yawˇshuˆ 13:2

Za paˬ-ehˇ gʼeh-eu miˇ kʼahˬ kʼoeˇ-aˬ, Piˇliˇtiˆ miˇ kʼahˬ, Geˬshuˇlaˆ miˇ kʼahˬ hawˇ-eu,

Yawˇshuˆ 16:10

Ehˇ kʼawꞈ, Geˬzeuˬ meuˬ laꞈ kʼoeˇ jawˇ-eu Kaˬnaˬ tsawˇ haˬ deuˬ-ahˇ aˬ yawꞈ maꞈ maˬ teh doˆ-a. Kʼoeˇ miˇ neh, iˬ nah keuˆ ni Kaˬnaˬ tsawˇ haˬ deuˬ Eˇpaˬleˬ tsawˇ haˬ deuˬ nehˬ-ehˇ jawˇ luꞈ-eu meh. Ehˇ kʼawꞈ, Kaˬnaˬ tsawˇ haˬ kʼoeˇ deuˬ-ahˇ zaˬ kʼaˆ bi geuꞈ-euˬ meh.

Yaˇ kʼaˬ daˇ 1:29

Eˇpaˬleˬ tsawˇ jeuˬ-aˬ, Geˬzeuˬ meuˬ-ahˇ jawˇ-eu Kaˬnaˬ tsawˇ haˬ deuˬ-ahˇ maˬ teh doˆ-ehˇ, Kaˬnaˬ tsawˇ haˬ kʼoeˇ deuˬ aˬ yawꞈ maꞈ nehˬ-ehˇ tiˬ kawˆ loꞈ-ehˇ jawˇ-euˬ meh.

1 Saˬmeuˬlaˆ 29:6

Kʼoeˇ ngeh, Aˬkiˇ neh Daˬbiˇ-ahˇ kuˇ-awˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-ahˇ saˇ jaˇ ziꞈ-eu tsawˇ haˬ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-euˬ dehꞈ luꞈ-eu Miˬyehˇ mehˬ shi ngaˇ kamˬ-eu ma. Nawˇ ngaˬ nehˬ-ehˇ tiˬ kawˆ loꞈ-ehˇ le-awˇ guiˇ deuˆ-eu gʼaˇ duˬ, ngaˇ nui ma tsaˬ-euˬ ma. Nawˇ ngaˬ nehˬ-ehˇ jawˇ le ngeh tiˬ nah neh, nawˇ yaw lehˬ jeˬ mˇ-eu ngaˇ maˬ mawˇ haw-aˬ.

1 Saˬmeuˬlaˆ 30:1

Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.