1 Saˬmeuˬlaˆ 26:20 - Akha

²⁰ Sahˬpaˬ Miˬyehˇ nehˬ-ehˇ gaˇ mahˇ kaˬ gaˇ, boeˇ miˬ siˬ kʼaˬ-euˬ miˇ tsaˬ-ahˇ, aˬ cawˬ neh ngaˬ-ahˇ taˬ bi sehꞈ nehˬ laꞈ. Iˇsaˬleˬlaˆ miˇ kʼahˬ-euˬ sahˬ paˬ-aˬ, ngaˇ loꞈ-ehˇ gʼeh-eu kuiˬ shehˇ tiˬ mawˇ maˬ tawˬ-eu tsawˇ haˬ-ahˇ aˬ jeˬ miˇ neh ya sehꞈ ta. Bawˇ tsahˬ-ahˇ jawˇ-eu aˇ jiˇ-ahˇ teh-eu loꞈ-ehˇ, aˬ jeˬ miˇ neh aˬ yawꞈ ngaˬ-ahˇ ya teh ta.”

1 Saˬmeuˬlaˆ 26:20 Σταυροειδείς Αναφορές

Yeˬlaˬmiˇ 16:16

Sahˬpaˬ Miˬyehˇ ehˇ-eu, “Ngaˬ shaˬ nyehꞈ-eu tsawˇ haˬ gʼawˬ mya ni ngaˇ pyehˬ gʼeh leꞈ-awˇ, tsawˇ haˬ heu deuˬ-ahˇ ngaˇ bi nyehꞈ ma. Kʼoeˇ naˇ, shaˬ teh teh-eu tsawˇ haˬ gʼawˬ mya ni paˇ pyehˬ gʼeh leꞈ-awˇ, gawˬ jawˬ gawˬ duˇ lo kʼahˬ lo guˇ doe ni aˬ yawꞈ maꞈ-ahˇ ngaˇ bi teh ma.

Ngoeˇ dawˬ 3:52

“Nui jaˆ mˇ taˬ-euˬ maˬ jaˆ gaˇ, aˇ jiˇ lahˇ ju kʼmˇ-eu loꞈ-ehˇ, muiˇ-eu deuˬ ngaˬ-ahˇ kʼmˇ-eu meh.

Maꞈtehˬ 26:47

Yeˬsuˇ dawˬ ngehˬ gʼaˬ-eu maˬ dah ni, zaˬ lahˇ tseˇ nyiꞈ gʼaˬ laꞈ kʼoeˇ ahˇ-eu Yuˇdaˆ lehˇ myahˇ-euˬ gʼaˬ oe keuˆ-euˬ meh. Mi cehˇ hawˇ-eu daˇ kawˬ baꞈ luꞈ-eu tsawˇ haˬ aˇ maꞈ maꞈ ma tiˬ maꞈ, aˬ yawꞈ nehˬ-ehˇ oe-euˬ meh. Piˇ ma aˬ yuiꞈ deuˬ hawˇ-eu aˬ yuiꞈ aˬ tsu geuꞈ-eu deuˬ neh aˬ yawꞈ maꞈ-ahˇ kʼehˇ gʼeh leꞈ-euˬ meh.

Maꞈtehˬ 26:55

Kʼoeˇ naˇ, tsawˇ haˬ aˇ maꞈ kʼoeˇ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, naw maꞈ mi cehˇ hawˇ-eu daˇ kawˬ baꞈ-awˇ ngaˬ-ahˇ ya nyehꞈ le ta loˇ. Uˬ duˬ tahˬ nymˇ nymˇ ma laꞈ kʼoeˇ ngaˇ yawˬ nah na luꞈ nuiˇ-awˇ mehˬ nehˬ tsoˆ nehˬ luꞈ kʼawꞈ, naw maꞈ ngaˬ-ahˇ maˬ nyehꞈ le-a.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.

1 Saˬmeuˬlaˆ 24:14

Nawˇ shaˇ noeˬ haw sheˇ. Iˇsaˬleˬlaˆ tsawˇ jeuˬ-euˬ sahˬ paˬ aˬ jeˬ-ahˇ sehꞈ-eu lehˇ leh jeh luꞈ ta. Aˬ jeˬ-euˬ mehˬ nah aˬ yawꞈ teh luꞈ ta. Shiˇ-euˬ aˬ kuiˬ tiˬ mawˇ mehˬ nah teh luꞈ ta loˇ.

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”

1 Saˬmeuˬlaˆ 25:29

Tsawˇ haˬ tiˬ gʼaˬ na nawˬ-ahˇ guiˇ deuˆ le-awˇ, nawˬ-ahˇ sehꞈ-eu lehˇ leh jeh ngeh, aˇ poeˬ kʼaˆ-eu pyuˇ shuiˇ myawˬ gahˬ-ahˇ aˬ cawˬ haw piˇ-eu loꞈ-ehˇ, Sahˬpaˬ Miˬyehˇ nawˬ-ahˇ haw piˇ nehˬ laꞈ tehꞈ-a. Nawˬ-ahˇ muiˇ-eu tsawˇ haˬ deuˬ-ahˇ kʼawꞈ, caˬ oeˬ neh bi beuˆ byoˆ gʼeh-euˬ caˬ oeˬ miˬ siˬ loꞈ-ehˇ, Sahˬpaˬ Miˬyehˇ neh bi beuˆ byoˆ tehꞈ-a.