1 Saˬmeuˬlaˆ 25:7 - Akha

⁷ Nawˇ yawˇ caꞈ hm tehˬ luꞈ-eu gaˇ kawˆ ngaˇ ya gaˬ-euˬ ma. Nawˬ-euˬ yawˇ bo-eu tsawˇ haˬ deuˬ nga maꞈ nehˬ-ehˇ jawˇ ngeh, nga maꞈ tiˬ jeˬ-iˬ maˬ jahˇ nehˬ-aˬ. Aˬ yawꞈ maꞈ Gaˬlaˬmeˬlaˇ meuˬ-ahˇ kʼaˇ jawˇ-eu nmˇ kaˬ, aˬ yawꞈ maꞈ-euˬ myawˬ tiˬ jeˬ-iˬ maˬ bi byoˆ-aˬ.

1 Saˬmeuˬlaˆ 25:7 Σταυροειδείς Αναφορές

2 Saˬmeuˬlaˆ 13:23

Nyiˬ kʼoꞈ myahˇ laˇ ngeh, Aˬbaˇsaˬloˬ-aˬ, Eˇpaˬleˬ meuˬ dawˬ peh Baˬlaˇhaˬzoˬ pu-ahˇ aˬ yawꞈ-euˬ yawˇ deuˬ-ahˇ caꞈ hm tehˬ luꞈ-awˇ, sahˬ paˬ-euˬ aˬ li kʼaˇ ngeuˇ-eu dawˬ tawˆ luꞈ kʼoeˇ gaˇ oe-eu gʼaˇ duˬ aˬ yawꞈ kuˇ-euˬ meh.

2 Saˬmeuˬlaˆ 13:24

Sahˬ paˬ Daˬbiˇ jawˇ gaˇ aˬ yawꞈ le-awˇ, “Sahˬ paˬ-oˇ, ngaˬ-euˬ yawˇ deuˬ-ahˇ ngaˇ caꞈ hm tehˬ luꞈ-eu ma. Nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ oe-awˇ, ngaˬ nehˬ-ehˇ bawˬ-iˬ gʼeh le-awˬ” lehˇ ehˇ nehˬ-euˬ meh.

Luˇkaꞈ 3:14

Yehˇdeuˬ kʼawꞈ aˬ yawꞈ-ahˇ naˇ haˬ-eu, “Nga maꞈ toe. Aˬ joˆ-ehˇ ya jahˇ nmˇ.” Aˬ yawꞈ ehˇ-eu, “Aˬ cawˬ-ahˇ nawˬ dzaˬ kʼaˆ dzaˬ-eu jeˬ hawˇ-eu, laˆ dzaˬ gahˇ dzaˬ-eu jeˬ taˬ mˇ. Yawˬ ha za luꞈ-eu ba la aˇ poeˬ-ahˇ nui kʼahˇ shiˇ-awˬ.”

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

1 Saˬmeuˬlaˆ 22:2

Aˬ cawˬ neh smˇ kʼaˆ kʼaˆ dzaˬ-euˬ uˬ moˆ ya jawˇ-eu tsawˇ haˬ deuˬ, aˬ cawˬ-ahˇ dziˇ dzoˆ maˬ tsoeˬ kʼoꞈ nya ni shaˬ-eu tsawˇ haˬ deuˬ, aˬ cawˬ neh biˇ siˇ bi siˇ-awˇ nui kʼahˇ maˬ shiˇ-ehˇ shaˬ luꞈ-eu tsawˇ haˬ deuˬ, oeˬ yaˇ gʼaˬ ehˇ gʼaˬ ni aˬ yawꞈ jawˇ paw cehˆ uˇ leˇ-awˇ, kʼoeˇ deuˬ kʼoeˇ taˆ Daˬbiˇ aˬ yuiꞈ geuꞈ-awˇ sheuˬ gʼeh-euˬ meh.

1 Saˬmeuˬlaˆ 25:21

Kʼoeˇ ngeh, Daˬbiˇ heu loꞈ-ehˇ shaˇ sawˇ shaˇ sawˇ-ehˇ oe luꞈ-eu meh. “Bawˇ tsahˬ bawˇ dahˇ laꞈ kʼoeˇ tsawˇ haˬ kʼoeˇ gʼaˬ-euˬ myawˬ gahˬ deuˬ-ahˇ aˬ jeˬ miˇ neh ngaˇ haw piˇ nehˬ-euˬ nga. Aˬ yawꞈ-euˬ myawˬ tiˬ jeˬ-iˬ maˬ bi byoˆ ni teu naˆ naˆ-ehˇ caw ba nehˬ taˬ-euˬ kʼawꞈ, aˬ yawꞈ ngaˬ-ahˇ aˬ joˆ-ehˇ teu loꞈ-ehˇ paˇ jahˇ kʼoꞈ nehˬ laꞈ kʼmˬ-eu nga.