1 Saˬmeuˬlaˆ 25:6 - Akha

⁶ Aˬ yawꞈ maꞈ-ahˇ aˬ yawꞈ mehˬ duˬ nehˬ-awˇ, heu loꞈ-ehˇ bi ehˇ-iˇ-euˬ meh. “Cawˬ-oˇ, nawˇ maˬ ehˇ, nawˬ-euˬ nymˇ jiˇ maˬ ehˇ, nawˬ-ahˇ kʼaˇ taꞈ-eu deuˬ dawˬ tawˆ luꞈ maˬ ehˇ, yaw muiˬ jawˇ saˇ doˆ luꞈ-uˇ.

1 Saˬmeuˬlaˆ 25:6 Σταυροειδείς Αναφορές

Aˇ dahˬ 43:23

Zaˬ kʼaˆ kʼoeˇ gʼaˬ ehˇ-eu, “Taˬ noeˬ shaˬ. Taˬ guˆ. Nawˬ ha mehˇ nmˇ aˬ da-euˬ Miˬyehˇ pyeuꞈ-eu naw maꞈ-euˬ Miˬyehˇ neh naw maꞈ gʼaˇ duˬ shaˇ noeˬ-awˇ, naw maꞈ-euˬ cehˇ pehˇ zeuˇ laꞈ kʼoeˇ pyuˇ kʼoeˇ deuˬ paˇ dawˆ ahˇ kʼoꞈ nehˬ laꞈ-euˬ tehꞈ-a. Naw maꞈ neh cehˇ aˇ poeˬ biꞈ laꞈ-euˬ pyuˇ kʼoeˇ-aˬ, kʼoeˇ ngeh neh ngaˇ yuˇ-euˬ ma lehˇ ehˇ-eu meh. Kʼoeˇ naˇ, zaˬ kʼaˆ kʼoeˇ gʼaˬ neh, Suˇmoˬ-ahˇ aˬ yawꞈ maꞈ jawˇ gaˇ sheuˬ laꞈ-euˬ meh.

2 Saˬmeuˬlaˆ 18:28

Aˬhiˇmaˆ-aˬ, sahˬ paˬ-ahˇ dawˬ cawˬ puˬ nehˬ-awˇ, sahˬ paˬ-euˬ meh shi miˇ tsa awˆ byaˆ-awˇ, “Sahˬ paˬ-oˇ, nawˬ-ahˇ puiˬ-eu tsawˇ haˬ deuˬ-ahˇ bi gʼaˬ leˇ nehˬ laꞈ-euˬ, nawˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ ehˇ-eu meh.

1 Laˬsaˬbaˬ 12:18

Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.

Jaceuq 122:7

Nawˬ-euˬ meuˬ lahˇ laꞈ kʼoeˇ suˬ saˬ-eu jeˬ maˬ ya keuˆ le-ehˇ, sahˬ paˬ-euˬ nymˇ guˆ-eu gaˆ-eu jeˬ-ahˇ buˬ-iˇ luꞈ-uˇ.

Jaceuq 122:8

Nawˇ nui saˇ oꞈ luꞈ-uˇ lehˇ, ngaˬ-euˬ aˬ yuiꞈ aˬ nyiˇ hawˇ-eu cawˬ deuˬ-euˬ gʼaˇ duˬ, Yeˬluˇsaˬlehˬ meuˬ-ahˇ ngaˇ ehˇ dah nehˬ-eu ma.

Luˇkaꞈ 10:5

Naw maꞈ nymˇ aˬ geu nymˇ-ahˇ daˆ leˇ-eu maˬ kaˬ, ‘Nymˇ heu nymˇ kʼoeˇ taˆ nui saˇ oꞈ-eu jeˬ keuˆ le luꞈ-uˇ’ lehˇ jeˬ huˬ ehˇ-awˬ.

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

1 Teˇsaˬloˇni 3:8

Naw maꞈ Sahˬpaˬ Yeˬsuˇ laꞈ kʼoeˇ ziꞈ dah ni jawˇ luꞈ naˇ, nga maꞈ yaw dehꞈ dehꞈ mahˇ tsahˇ ma.

2 Teˇsaˬloˇni 3:16

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu gʼaˬ pyeuꞈ-eu Sahˬpaˬ Yeˬsuˇ-aˬ, naw maꞈ kʼoeˇ taˆ aˬ geu ngeh yamˬ-ahˇ maˬ kaˬ, aˬ geu jeˬ keuˆ le-eu maˬ kaˬ, nui saˇ oꞈ-eu jeˬ biꞈ luꞈ-uˇ. Naw maꞈ dawˬ tawˆ luꞈ nehˬ-ehˇ Sahˬpaˬ Yeˬsuˇ jawˇ luꞈ-uˇ.

1 Tiˆmoˇseˬ 5:6

Ehˇ kʼawꞈ, byawˬ gʼa mo gʼa-eu jeˬ mehˬ nah dehꞈ gʼeh luꞈ-eu miˬ coeˬ miˬ ma-aˬ, dehꞈ luꞈ kʼawꞈ shiˇ-euˬ gaˇ duˇ-eu meh.

1 Saˬmeuˬlaˆ 25:5

Kʼoeˇ ngeh, Gaˬlaˬmeˬlaˇ meuˬ-ahˇ zaˬ guˬ tseˇ gʼaˬ pyehˬ gʼeh-awˇ, Naˬbaˬlaˇ-ahˇ dawˬ tsaꞈ bi tsaꞈ-iˇ-euˬ meh.