1 Saˬmeuˬlaˆ 25:24 - Akha

²⁴ Daˬbiˇ-euˬ aˬ kuiˇ dawˬ peh aˬ yawꞈ awˆ byaˆ-awˇ ehˇ-eu, “Huiˬ-eu mahˇ-eu gʼaˬ-oˇ, ngaˇ ehˇ gaˇ naˇ haˬ nehˬ laꞈ-awˬ. Yaw lehˬ yaw ca heu deuˬ dawˬ tawˆ luꞈ, ngaˬ-euˬ kʼoeˇ taˆ bi jaˆ-awˬ.

1 Saˬmeuˬlaˆ 25:24 Σταυροειδείς Αναφορές

Aˇ dahˬ 44:18

Yoˇsehˆ-euˬ dawˬ peh Yuˇdaˆ jiˆ peh leˇ-awˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, ngaˬ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, nawˬ nehˬ-ehˇ bya cehˆ ni dawˬ tiˬ poˆ bi ngehˬ cawˬ nehˬ laꞈ sheˇ. Nawˇ-aˬ, Iˇjiˇtuˆ sahˬpaˬ loꞈ-ehˇ huiˬ-eu tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, ngaˬ-ahˇ nui ma taˬ pehˇ nehˬ laꞈ.

2 Saˬmeuˬlaˆ 14:12

Kʼoeˇ naˇ, “Sahˬ paˬ-oˇ, ngaˬ-ahˇ tiˬ jeˬ paˇ bi ehˇ laꞈ siˬ” lehˇ zaˬ miˬ zaˬ kʼoeˇ gʼaˬ paˇ ehˇ ngeh, “Ehˇ nya tehꞈ-a” lehˇ sahˬ paˬ ehˇ kʼoꞈ nehˬ-euˬ meh.

2 Saˬmeuˬlaˆ 14:9

Teˬkawˬ meuˬ-ahˇ jawˇ-eu zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, iˬ baˇ heu nawˇ hawˇ-eu nawˬ-euˬ nymˇ jiˇ kʼoeˇ taˆ maˬ bi jaˆ ni, ngaˇ hawˇ-eu ngaˬ da-euˬ nymˇ jiˇ kʼoeˇ taˆ jaˆ luꞈ-uˇ.”

2 Saˬmeuˬlaˆ 20:17

Yoˇbaˬ kʼoeˇ gaˇ le ngeh, “Nawˇ Yoˇbaˬ ma loˇ” lehˇ aˬ yawꞈ naˇ haˬ laˇ gaˇ “Ngeuˇ ma” lehˇ Yoˇbaˬ ehˇ kʼoꞈ nehˬ-euˬ meh. “Ngaˇ ehˇ gaˇ tiˬ poˆ naˇ haˬ nehˬ laꞈ sheˇ” lehˇ zaˬ miˬ zaˬ kʼoeˇ gʼaˬ ehˇ ngeh, “Ngaˇ naˇ haˬ luꞈ ma” lehˇ Yoˇbaˬ paˇ ehˇ kʼoꞈ nehˬ-euˬ meh.

2 Sahˬpaˬ 4:37

Zaˬ miˬ zaˬ kʼoeˇ gʼaˬ Eˇliˇshehˇ-euˬ mehˬ shi baˬ ba miˇ tsa tuˆ ni awˆ byaˆ-euˬ meh. Kʼoeˇ naˇ, aˬ li ciˬ-awˇ doˆ-iˇ-euˬ meh.

Iˇsaˬtaˆ 8:3

Kʼoeˇ naˇ, Iˇsaˬtaˆ gʼaˬ sahˬ paˬ-euˬ aˬ kuiˇ dawˬ peh ga byaˆ-awˇ, ngoeˇ ngoeˇ-ehˇ sahˬ paˬ-ahˇ dawˬ tiˬ poˆ paˇ ngehˬ cawˬ-euˬ meh. Aˬgaˆ -euˬ aˇ jeuˬ Haˬmaˬ neh Yuˇdaˆ tsawˇ jeuˬ kʼoeˇ taˆ mˇ taˬ-euˬ yaw haiˬ jeˬ-ahˇ laˆ naˬ nehˬ laꞈ lehˇ sahˬ paˬ-ahˇ aˬ yawꞈ shaˇ-euˬ meh.

Dawqdaq 25:15

Oˇ oꞈ-eu jeˬ-aˬ, sahˬ paˬ-euˬ nui ma-ahˇ tsahˇ pyawˇ nya-awˇ, nahˬ yu ni gʼeh-eu dawˬ ngehˬ-eu jeˬ-aˬ, shaˬ yoeˬ-ahˇ kʼoˆ kʼehꞈ nya-eu meh.

Dawˬ tsoˆ 10:4

Sahˬ paˬ sahˬ ma nawˬ-ahˇ nui ma maˬ saˇ ngeh, nawˬ-ahˇ biꞈ taˬ-euˬ gaˇ maˬ mˇ ni taˬ byehˇ dzeh. Ciˬ cuˇ ni jawˇ-eu jeˬ-aˬ, huiˬ-eu iˬ baˇ bi buˬ-iˇ nya-eu meh.

Maꞈtehˬ 18:29

Aˬ yawꞈ-euˬ cawˬ zaˬ kʼaˆ kʼoeˇ gʼaˬ pawˬ tsuiꞈ pawˬ dmˬ dmˬ-awˇ, ‘Ngaˬ-ahˇ gʼawˬ shaˬ gaˬ-awˇ tiˬ kʼehˬ dawˬ neh laꞈ siˬ. Ngaˇ nawˬ-ahˇ dziˇ dzoˆ tsoeˬ tsehˆ nehˬ ma’ lehˇ shaˇ-eu meh.

1 Saˬmeuˬlaˆ 24:8

Daˬbiˇ gʼeh, Sawˇluˆ-euˬ mehˬ nah lo kʼahˬ laꞈ nyiˇ iˇ doˆ gʼeh-awˇ, “Ngaˬ-euˬ sahˬ paˬ-oˇ” lehˇ guˇ gaˬ nehˬ-euˬ meh. Sawˇluˆ naˇ kʼah paw gʼawˇ pyawˇ haw ngeh, Daˬbiˇ miˇ tsa awˆ byaˆ-awˇ yaw zeu baw nehˬ-euˬ meh.

1 Saˬmeuˬlaˆ 25:23

Daˬbiˇ-ahˇ Aˬbiˇgeˬlaˆ ya mawˇ ngeh, mahˬ tahˬ laˆ kʼoeˇ taˆ dziˬ luꞈ-eu tsawˬ ka-awˇ, Daˬbiˇ-euˬ mehˬ shi baˬ ba miˇ tsa tuˆ ni awˆ byaˆ-awˇ yaw zeu baw nehˬ-euˬ meh.

1 Saˬmeuˬlaˆ 25:25

Gaˇ dahˇ maˬ tsoeˬ-eu tsawˇ haˬ pyeuꞈ-eu Naˬbaˬlaˇ-euˬ ehˇ dawˬ-ahˇ taˬ naˇ haˬ nehˬ laꞈ. Aˬ yawꞈ-euˬ tsawˇ myahˇ Naˬbaˬlaˇ lehˇ myahˇ taˬ-euˬ loꞈ-ehˇ, maˇ maˇ ni tsawˇ uˬ tiˬ gʼaˬ pyeuꞈ-eu meh. Nawˬ neh pyehˬ gʼeh leꞈ-euˬ zaˬ guˬ kʼoeˇ deuˬ-ahˇ ngaˇ maˬ ya mawˇ-aˬ.

1 Saˬmeuˬlaˆ 25:28

Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.