1 Saˬmeuˬlaˆ 25:19 - Akha

¹⁹ Kʼoeˇ naˇ, “Naw maꞈ le tawˬ. Ngaˇ iˇ no caw teh gʼeh laꞈ ma” lehˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ ehˇ nehˬ-euˬ meh. Ehˇ kʼawꞈ, aˬ yawꞈ-euˬ kʼaˬ dzeˇ zaˬ gʼaˬ-ahˇ aˬ yawꞈ tiˬ jeˬ-iˬ maˬ ehˇ nehˬ-a.

1 Saˬmeuˬlaˆ 25:19 Σταυροειδείς Αναφορές

Aˇ dahˬ 32:16

Jeˬ zaˬ kʼoeˇ deuˬ aˬ yawꞈ jeˬ yawꞈ aˇ maꞈ baw baw-ehˇ teh doˆ-awˇ, tiˬ jeˬ-ahˇ zaˬ kʼaˆ tiˬ gʼaˬ bi teh-euˬ meh. “Tiˬ gʼaˬ tiˇ gʼaˬ aˇ kaˬ ui cuiˆ kaˇ-ehˇ, jeˬ zaˬ tiˬ jeˬ tiˇ jeˬ maˬ bi keuˬ leˇ ni, ngaˬ-euˬ mehˬ hu teh-awˇ iˇ tawˬ” lehˇ, zaˬ kʼaˆ kʼoeˇ deuˬ-ahˇ aˬ yawꞈ ehˇ nehˬ-euˬ meh.

Aˇ dahˬ 32:19

Zaˬ kʼaˆ kʼoeˇ gʼaˬ-euˬ mehˬ nah jeˬ zaˬ kʼaˇ bi teh gʼeh-euˬ zaˬ kʼaˆ kʼoeˇ deuˬ-ahˇ kʼawꞈ, kʼoeˇ loꞈ-ehˇ aˬ yawꞈ mehˬ nehˬ-euˬ meh. “Naw maꞈ yawˬ gʼaˬ na luꞈ Iˇsawˇ-ahˇ ya tahˬ puˬ naˇ,

Aˇ dahˬ 32:20

Nawˬ-euˬ zaˬ kʼaˆ Yaˬkoˆ mehˬ nah paw oe luꞈ meh lehˇ ehˇ nehˬ-awˬ” lehˇ mehˬ nehˬ-euˬ meh. “Ngaˬ neh mehˬ hu paw biꞈ gʼeh-euˬ laꞈ sawˬ kʼoeˇ deuˬ baˬ da neh, Iˇsawˇ nui ma saˇ laˇ-awˇ, ngaˬ-euˬ gʼawˇ mawˇ aˬ yawꞈ-ahˇ ya tahˬ puˬ ngeh, aˬ yawꞈ ngaˬ-ahˇ iˬ baˇ pyehˬ-awˇ ha geuꞈ nehˬ laꞈ tehꞈ-a” lehˇ, Yaˬkoˆ-euˬ nui ma laꞈ kʼoeˇ noeˬ kʼoeˬ-euˬ meh.

Aˇ dahˬ 32:21

Aˬ yawꞈ neh lehˬ hmˬ taˬ-euˬ laꞈ sawˬ pyeuꞈ-eu jeˬ zaˬ kʼoeˇ deuˬ mehˬ hu paw bi teh dzeuˇ gʼeh-awˇ, aˬ yawꞈ gʼaˬ sehˬ gʼawˆ laꞈ kʼoeˇ yuꞈ yaꞈ-euˬ meh.

Dawqdaq 31:27

Aˬ yawꞈ tiˬ jawˇ-iˬ gʼaˬ naˬ maˬ naˬ-ehˇ, nymˇ jiˇ laꞈ kʼoeˇ kʼaˇ loˬ-eu jeˬ-ahˇ haw doe nya-eu meh.

1 Saˬmeuˬlaˆ 14:1

Tiˬ nah keuˆ laˇ ngeh, aˬ yawꞈ-euˬ guiˇ deuˆ-eu keu ka bi baꞈ-euˬ zaˬ guˬ-ahˇ, “Piˇliˇtiˆ tsawˇ haˬ deuˬ-euˬ taˆ-ahˇ uˇ leˇ kaˇ-euˇ” lehˇ, Yawˇnaˆshaˬ ehˇ nehˬ-euˬ meh. Ehˇ kʼawꞈ, gaˇ kawˆ kʼoeˇ aˬ yawꞈ-euˬ aˬ da-ahˇ aˬ yawꞈ maˬ ehˇ nehˬ-a.

1 Saˬmeuˬlaˆ 25:20

Gawˬ jawˬ baˬ gʼa gaˇ gʼoꞈ tiˬ tsahˇ-ahˇ, Aˬbiˇgeˬlaˆ mahˬ tahˬ laˆ dziˬ-awˇ le luꞈ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ oe luꞈ gaˇ ja pyuˬ ni tahˬ puˬ-euˬ meh.

1 Saˬmeuˬlaˆ 25:36

Naˬbaˬlaˇ jawˇ gaˇ Aˬbiˇgeˬlaˆ gʼoꞈ-iˇ ngeh, sahˬ paˬ dzaˬ-eu dzaˬ byawˇ dawˇ gʼawˆ loꞈ-ehˇ saˇ dahˇ taˬ-awˇ, Naˬbaˬlaˇ dzaˬ luꞈ dawˇ luꞈ gaˇ ya mawˇ-euˬ meh. Aˬ yawꞈ dzaˬ yehꞈ dawˇ yehꞈ taˬ-euˬ miˇ neh, yawˬ nah yawˬ uˬ shawˬ paw keuˆ ni tiˬ jeˬ-iˬ maˬ ehˇ nehˬ ni jawˇ-euˬ meh.