1 Saˬmeuˬlaˆ 25:13 - Akha

¹³ Kʼoeˇ ngeh, “Mi cehˇ shaꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ Daˬbiˇ dawˬ biꞈ-awˇ, aˬ yawꞈ maꞈ yawˬ gʼaˬ na luꞈ mi cehˇ shaꞈ-euˬ meh. Daˬbiˇ gʼeh mi cehˇ shaꞈ-awˇ, aˬ yawꞈ-euˬ tsawˇ haˬ oeˬ yaˇ gʼaˬ byah ni sheuˬ-awˇ doˆ-iˇ-euˬ meh. Myawˬ gahˬ-ahˇ bi loꞈ-eu gʼaˇ duˬ, naˇ kʼah paw nyiˬ yaˇ gʼaˬ bi jawˇ yaꞈ-euˬ meh.

1 Saˬmeuˬlaˆ 25:13 Σταυροειδείς Αναφορές

2 Saˬmeuˬlaˆ 15:18

Aˬ yawꞈ-ahˇ loꞈ piˇ-eu guiˇ maꞈ aˬ yawꞈ-euˬ mehˬ shi iˇ dzeuˇ gʼeh luꞈ ngeh, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ aˬ yawꞈ-euˬ dawˬ peh yawꞈ luꞈ-eu meh. Gaˬdaˇ meuˬ-ahˇ neh aˬ yawꞈ-euˬ mehˬ nah caw teh laꞈ-euˬ yehˇ koꞈ yaˇ gʼaˬ kʼawꞈ, iˇ dzeuˇ luꞈ-eu meh.

Dawqdaq 14:29

Oˇ dzeuˇ nya-eu tsawˇ haˬ zaˬ siˬ tsawˇ gahˇ byah-awˇ, nui ma yaw suˬ deuˬ yawˬ ha-euˬ yaw lehˬ pah pyehˬ-eu meh.

Dawqdaq 16:32

Oˇ dzeuˇ nya-eu jeˬ-aˬ, aˬ cawˬ-ahˇ gʼaˬ leˇ-eu jeˬ naˆ maˬ tseˇ muiˬ-awˇ, meuˬ meuˬ lah-ehˇ deuˆ gʼaˬ-eu naˆ maˬ tseˇ, yawˬ ha-euˬ nui ma-ahˇ gʼaˬ leˇ-eu poeˬ dzehˬ meh.

Dawqdaq 19:11

Nui ma-ahˇ noeˬ-eu tsawˇ haˬ nui pehˇ laꞈ nyiˇ maˬ bi mawˇ-ehˇ, iˬ dehˬ iˬ ceh oˇ dzeuˇ-eu jeˬ, aˬ yawꞈ-euˬ kʼahˬ sehˇ meh.

Dawqdaq 19:2

Tsawˇ gahˇ maˬ ahˇ naˇ, nui ma keuˆ kʼawꞈ lawˇ baˬ kaˬ-awˇ, kuiˇ toꞈ ciˬ kawˇ naˇ gaˇ bahˬ bahˬ iˇ nya-eu meh.

Dawqdaq 20:22

Laꞈ poˆ poˆ-eu dawˬ taˬ ngehˬ, Sahˬpaˬ Miˬyehˇ jahˇ jiˇ gaˇ dawˬ keuˆ-awˬ.

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Yawˇshuˆ 9:14

Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ maˬ naˇ haˬ ni, tsawˇ haˬ kʼoeˇ deuˬ-euˬ dzaˬ dzaˬ dawˇ dawˇ tiˬ paˆ na deuˬ-ahˇ ha geuꞈ-euˬ meh.

1 Saˬmeuˬlaˆ 22:2

Aˬ cawˬ neh smˇ kʼaˆ kʼaˆ dzaˬ-euˬ uˬ moˆ ya jawˇ-eu tsawˇ haˬ deuˬ, aˬ cawˬ-ahˇ dziˇ dzoˆ maˬ tsoeˬ kʼoꞈ nya ni shaˬ-eu tsawˇ haˬ deuˬ, aˬ cawˬ neh biˇ siˇ bi siˇ-awˇ nui kʼahˇ maˬ shiˇ-ehˇ shaˬ luꞈ-eu tsawˇ haˬ deuˬ, oeˬ yaˇ gʼaˬ ehˇ gʼaˬ ni aˬ yawꞈ jawˇ paw cehˆ uˇ leˇ-awˇ, kʼoeˇ deuˬ kʼoeˇ taˆ Daˬbiˇ aˬ yuiꞈ geuꞈ-awˇ sheuˬ gʼeh-euˬ meh.

1 Saˬmeuˬlaˆ 23:13

Kʼoeˇ naˇ, Daˬbiˇ hawˇ-eu koꞈ yaˇ gʼaˬ ehˇ gʼaˬ ni byah-eu aˬ yawꞈ-euˬ tsawˇ haˬ deuˬ, Kiˇlahˬ meuˬ-ahˇ neh yaw kawˇ-ehˇ doˆ-iˇ-awˇ, yahˇ pawˇ-euˬ meh. Daˬbiˇ Kiˇlahˬ meuˬ-ahˇ neh doˆ-iˇ dzeuˇ-euˬ gaˇ kawˆ Sawˇluˆ ya gaˬ ngeh, aˬ yawꞈ neh noeˬ taˬ-euˬ loꞈ-ehˇ maˬ mˇ ni byehˇ-euˬ meh.

1 Saˬmeuˬlaˆ 25:12

Daˬbiˇ-euˬ tsawˇ haˬ deuˬ gʼoꞈ leˇ-awˇ, Naˬbaˬlaˇ neh kʼaˇ ehˇ-euˬ loꞈ-ehˇ tsaꞈ nehˬ leˇ-euˬ meh.

1 Saˬmeuˬlaˆ 27:2

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ koꞈ yaˇ gʼaˬ tiˬ poˆ tehꞈ-ehˇ doˆ-iˇ-awˇ, Gaˬdaˇ sahˬ paˬ Maˬoˆ-euˬ aˬ li Aˬkiˇ jawˇ gaˇ cehˆ uˇ-iˇ-euˬ meh.