1 Saˬmeuˬlaˆ 25:11 - Akha

¹¹ Ngaˬ-euˬ yawˇ caꞈ hm tehˬ-eu tsawˇ haˬ deuˬ bi dzaˬ-eu lehˇ bi jaˆ-euˬ kaˬ muˇ, iˇ cuꞈ hawˇ-eu, ngaˬ neh sehꞈ taˬ-euˬ shaˬ jiˇ heu deuˬ-ahˇ ngaˇ yuˇ-awˇ, teu paw heu paw neh oe-euˬ maˬ siˬ dzaˬ laˇ-eu tsawˇ haˬ deuˬ-ahˇ aˬ jeˬ miˇ neh ya biꞈ ta.”

1 Saˬmeuˬlaˆ 25:11 Σταυροειδείς Αναφορές

Yawˇbaˆ 31:17

Ngaˇ ya dzaˬ ya dawˇ dehˆ ngeh muˇ coe aˬ nmˇ deuˬ-ahˇ maˬ bi mehꞈ-aˬ.

2 Gawˇliˬtu 6:9

Aˬ cawˬ tiˬ gʼaˬ-iˬ maˬ siˬ nya-eu tsawˇ haˬ-ahˇ duˇ kʼawꞈ, yawˬ gʼaˬ na luꞈ siˬ nya-eu tsawˇ haˬ ma. Shiˇ leˇ-eu tsawˇ haˬ-ahˇ duˇ kʼawꞈ, dehꞈ luꞈ-eu tsawˇ haˬ ma. Kʼehˬ dui kʼaˆ dui dui nehˬ laꞈ-euˬ kʼawꞈ, shiˇ gaˇ maˬ keuˆ-euˬ tsawˇ haˬ ma.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

1 Beˬtuˆluˆ 4:9

Tiˬ gʼaˬ tiˇ gʼaˬ iˇ kahˇ-ahˇ ha ahˇ-awˬ. Dawˬ gʼoꞈ maˬ doˆ ni ha ahˇ-awˬ.

Yaˇ kʼaˬ daˇ 8:15

Kʼoeˇ naˇ, Suˇkoˆ meuˬ-ahˇ jawˇ-eu tsawˇ haˬ deuˬ jawˇ gaˇ Giˇdoˬ iˇ-awˇ ehˇ nehˬ-eu, “Naw maꞈ neh nga maꞈ-ahˇ ngehˬ ma gʼeh ni bi iˇ nehˬ laꞈ-euˬ gaˇ kawˆ kʼoeˇ, nawˬ-ahˇ ngehˇ-euˬ nya loˇ. Zeˬbah hawˇ-eu Zaˬlaˬmoˇnaˬ-ahˇ nga maꞈ maˬ nyehꞈ mi-euˬ miˇ neh, gʼaˬ doeˇ doeˇ dui dui luꞈ-eu ngaˬ-euˬ guiˇ maꞈ-ahˇ dzaˬ dzaˬ dawˇ dawˇ maˬ biꞈ lehˇ naw maꞈ ehˇ-euˬ maˬ ngeuˇ te loˇ. Aˬ nyaꞈ-ahˇ ngaˇ nyehꞈ mi laꞈ-euˬ gaˇ haw le sheˇ.”

Yaˇ kʼaˬ daˇ 8:6

Ehˇ kʼawꞈ, Suˇkoˆ meuˬ-euˬ aˬ yuiꞈ aˬ tsu deuˬ ehˇ-eu, “Zeˬbah hawˇ-eu Zaˬlaˬmoˇnaˬ-ahˇ naw maꞈ maˬ nyehꞈ mi gʼaˬ-euˬ gaˇ, aˬ jeˬ miˇ neh nawˬ-eu guiˇ maꞈ-ahˇ nga maꞈ dzaˇ ya biꞈ ta.”

Yaˇ kʼaˬ daˇ 8:8

Peˬnoeˬlaˇ meuˬ-ahˇ Giˇdoˬ paˇ iˇ gʼeh-awˇ, kʼoeˇ gaˇ jawˇ-eu tsawˇ haˬ deuˬ-ahˇ kʼawꞈ kʼoeˇ loꞈ-ehˇ paˇ ehˇ-iˇ-euˬ meh. Ehˇ kʼawꞈ, kʼoeˇ gaˇ jawˇ-eu tsawˇ haˬ deuˬ kʼawꞈ, Suˇkoˆ meuˬ-ahˇ jawˇ-eu tsawˇ haˬ deuˬ loꞈ-ehˇ paˇ ehˇ kʼoꞈ nehˬ-euˬ meh.

1 Saˬmeuˬlaˆ 24:13

Haiˬ-eu tsawˇ haˬ deuˬ tehꞈ-ehˇ yaw haiˬ jeˬ mˇ-eu meh lehˇ ehˇ-eu tsawˇ mawˬ dawˬ daˬ nawˇ siˬ nya meh. Kʼoeˇ miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ.

1 Saˬmeuˬlaˆ 25:12

Daˬbiˇ-euˬ tsawˇ haˬ deuˬ gʼoꞈ leˇ-awˇ, Naˬbaˬlaˇ neh kʼaˇ ehˇ-euˬ loꞈ-ehˇ tsaꞈ nehˬ leˇ-euˬ meh.

1 Saˬmeuˬlaˆ 25:3

Aˬ yawꞈ-euˬ tsawˇ myahˇ-aˬ, Naˬbaˬlaˇ pyeuꞈ-awˇ, aˬ yawꞈ-euˬ miˬ zaˬ-aˬ, Aˬbiˇgeˬlaˆ meh. Miˬ zaˬ gʼaˬ aˇ gʼehˇ muiˬ-awˇ tsawˇ gahˇ ahˇ-eu tsawˇ haˬ tiˬ gʼaˬ meh. Ehˇ kʼawꞈ, Gaˬlehˆ aˇ jeuˬ pyeuꞈ-eu kʼaˬ dzeˇ zaˬ gʼaˬ-aˬ, nui ma yaw doeˇ meh.

1 Saˬmeuˬlaˆ 25:7

Nawˇ yawˇ caꞈ hm tehˬ luꞈ-eu gaˇ kawˆ ngaˇ ya gaˬ-euˬ ma. Nawˬ-euˬ yawˇ bo-eu tsawˇ haˬ deuˬ nga maꞈ nehˬ-ehˇ jawˇ ngeh, nga maꞈ tiˬ jeˬ-iˬ maˬ jahˇ nehˬ-aˬ. Aˬ yawꞈ maꞈ Gaˬlaˬmeˬlaˇ meuˬ-ahˇ kʼaˇ jawˇ-eu nmˇ kaˬ, aˬ yawꞈ maꞈ-euˬ myawˬ tiˬ jeˬ-iˬ maˬ bi byoˆ-aˬ.