1 Saˬmeuˬlaˆ 25:1 - Akha

¹ Saˬmeuˬlaˆ ziˇ jiˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ uiˬ laˇ-eu laꞈ kʼoeˇ, aˬ yawꞈ-ahˇ tsawˇ ngoeˇ ngoeˇ nehˬ-euˬ meh. Kʼoeˇ naˇ, Laˬmahˇ meuˬ-ahˇ jaˆ-eu aˬ yawꞈ-euˬ nymˇ-ahˇ, aˬ yawꞈ maꞈ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ Daˬbiˇ iˇ-euˬ meh.

1 Saˬmeuˬlaˆ 25:1 Σταυροειδείς Αναφορές

Aˇ dahˬ 14:6

Eˬdoˬ meuˬ-euˬ gawˬ jawˬ gawˬ duˇ doe ni jawˇ-eu Hawˇlaˆ tsawˇ jeuˬ-ahˇ maˬ ehˇ, deuˆ gʼaˬ jiˇ-awˇ, bawˇ tsahˬ bawˇ dahˇ dawˬ peh jaˆ-eu Eˇpaˬlaˬ meuˬ-ahˇ keuˆ ni teh keuˆ gʼeh-euˬ meh.

Aˇ dahˬ 21:21

Aˬ yawꞈ-euˬ aˬ ma neh aˬ yawꞈ-ahˇ Iˇjiˇtuˆ tsawˇ jeuˬ zaˬ miˬ aˬ buˇ tiˬ gʼaˬ-ahˇ bi sheuˬ dahˬ dzaˬ-euˬ meh.

Aˇ dahˬ 23:2

Kaˬnaˬ miˇ kʼahˬ Heˬbyoˬ meuˬ laꞈ kʼoeˇ aˬ yawꞈ ziˇ dehꞈ jiˇ-euˬ meh. Aˬ yawꞈ shiˇ ngeh, Aˬbyaˬhaˬ tsawˇ ngoeˇ ngoeˇ-euˬ meh.

Aˇ dahˬ 50:11

Aˬtaˆ lehˇ kuˇ-eu jawˇ duˬ kʼoeˇ tsahˇ-ahˇ aˬ yawꞈ maꞈ tsawˇ ngoeˇ ngoeˇ luꞈ gaˇ, Kaˬnaˬ miˇ kʼahˬ-ahˇ jawˇ-eu tsawˇ haˬ deuˬ ya mawˇ ngeh, “Iˇjiˇtuˆ tsawˇ haˬ deuˬ tsawˇ ngoeˇ ngoeˇ-eu bawˬ-iˬ teu naˆ naˆ-ehˇ jahˇ jahˇ-ehˇ jawˇ law hawˇ ngaˬ tawˇ” lehˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Aˬbeˬlaˆmiˇzaˬleˬ lehˇ myahˇ nehˬ-euˬ meh.

1 Sahˬpaˬ 2:34

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ Baˬnaˇyaˬ le-awˇ, Yoˇbaˬ-ahˇ sehꞈ-awˇ, bawˇ tsahˬ-ahˇ jaˆ-eu aˬ yawꞈ-euˬ nymˇ-ahˇ aˬ cawˬ neh aˬ yawꞈ-ahˇ baꞈ pahˬ nehˬ-euˬ meh.

2 Sahˬpaˬ 21:18

Maˬnaˇseˬ ziˇ jiˇ-awˇ, Awˇza yaˇ kmˇ lehˇ kuˇ-eu sahˬ paˬ-euˬ yaˇ kmˇ laꞈ kʼoeˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬmo gʼaˬ aˬ yawꞈ-euˬ dah zaˇ sahˬ paˬ geuꞈ-eu meh.

2 Laˬsaˬbaˬ 33:20

Maˬnaˇseˬ shiˇ-awˇ, sahˬ paˬ-euˬ nymˇ-ahˇ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬmo gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Iˇsaˬyaˇ 14:18

Miˇ kʼahˬ tsawˇ jeuˬ kʼoeˇ taˆ sahˬ paˬ kʼaˇ geuꞈ-euˬ deuˬ, kʼahˬ sehˇ jaˆ-eu lmˬ bymˇ baw meh.

Zaˬkaˬliˇ 1:5

Naw maꞈ-euˬ aˬ poeˬ aˬ bawˇ kʼoeˇ deuˬ hawˇ-eu, Miˬyehˇ gʼaˇ duˬ ngehˬ dah-eu kʼoeˇ deuˬ iˬ nah maˬ paˇ dehꞈ meh.

Bawˇtsahˬ 10:12

Kʼoeˇ ngeh, Iˇsaˬleˬlaˆ tsawˇ haˬ deuˬ luˆ-iˇ-awˇ, Siˇnaˆ bawˇ tsahˬ bawˇ dahˇ laꞈ kʼoeˇ neh doˆ-iˇ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ naˬ-iˇ-euˬ meh.

Bawˇtsahˬ 12:16

Kʼoeˇ naˇ, Haˬzeˬloˆ lehˇ kuˇ-euˬ jawˇ duˬ-ahˇ neh aˬ yawꞈ maꞈ doˆ-iˇ-awˇ, Paˬlaˬ bawˇ tsahˬ bawˇ dahˇ-ahˇ jawˇ-euˬ meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 13:3

Sahˬpaˬ Miˬyehˇ neh dawˬ biꞈ-euˬ loꞈ-ehˇ, tsawˇ haˬ kʼoeˇ deuˬ-ahˇ, Paˬlaˬ bawˇ tsahˬ bawˇ dahˇ laꞈ kʼoeˇ neh Moˇseˬ pyehˬ gʼeh-euˬ meh.

Bawˇtsahˬ 20:29

Tsawˇ haˬ aˇ maꞈ aˇ muˇ dawˬ tawˆ luꞈ Aˬloˬ shiˇ-euˬ gaˇ kawˆ siˬ nya-awˇ, smˬ tseˇ nah keuˆ ni aˬ yawꞈ gʼaˇ duˬ tsawˇ ngoeˇ ngoeˇ-euˬ meh.

Gʼaˬkʼehˇ 8:2

Miˬyehˇ-ahˇ jah-eu gʼaˬ kʼaˆ-eu deuˬ Saˬteˬpaˬ-ahˇ duˬ pahˬ-iˇ-awˇ, tsawˇ ngoeˇ yaw kʼaˆ-ehˇ ngoeˇ-euˬ meh.

Dawˬmehˬ 34:8

Mawˇbaˆ deh kʼawꞈ-ahˇ Iˇsaˬleˬlaˆ tsawˇ haˬ deuˬ aˬ yawꞈ gʼaˇ duˬ smˬ tseˇ nah tsawˇ ngoeˇ ngoeˇ-euˬ meh.

1 Saˬmeuˬlaˆ 1:19

Yawˬ shawˬ yawˬ Eˇlaˬkaˬnaˬ hawˇ-eu aˬ yawꞈ-euˬ miˬ sawˇ zaˬ deuˬ yaw naꞈ-ehˇ tuˇ-awˇ, Sahˬpaˬ Miˬyehˇ-ahˇ uˬ duˬ tahˬ gʼaˬ ngeh, Laˬ mahˇ meuˬ-ahˇ gʼoꞈ-iˇ-euˬ meh. Eˇlaˬkaˬnaˬ hawˇ-eu Haˬnahˬ aˬ nyaꞈ dzeˇ zaˬ jawˇ taꞈ-awˇ, Haˬnahˬ-euˬ guiˬ lahˬ shaˇ dawˬ-ahˇ Miˬyehˇ noeˬ keuˆ nehˬ-euˬ meh.

1 Saˬmeuˬlaˆ 28:3

Saˬmeuˬlaˆ shiˇ-euˬ miˇ neh, Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ jawˇ-eu Laˬmahˇ meuˬ-ahˇ aˬ yawꞈ-ahˇ baꞈ pahˬ nehˬ-euˬ meh. Nyiˇ paˬ shaˆ ma dawˬ tawˆ luꞈ-ahˇ, Iˇsaˬleˬlaˆ miˇ kʼahˬ laꞈ kʼoeˇ neh Sawˇluˆ teh dzeh-euˬ meh.

1 Saˬmeuˬlaˆ 7:17

Kʼoeˇ naˇ, aˬ yawꞈ jawˇ-eu Laˬmahˇ meuˬ-ahˇ paˇ gʼoꞈ-iˇ-awˇ, kʼoeˇ gaˇ kʼawꞈ yaˇ kʼaˬ daˇ nehˬ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Laˬmahˇ meuˬ laꞈ kʼoeˇ lawˇ duˬ tiˬ tsahˇ aˬ yawꞈ gawˬ-euˬ meh.