1 Saˬmeuˬlaˆ 24:9 - Akha

⁹ Sawˇluˆ-ahˇ Daˬbiˇ ehˇ nehˬ-eu, “Nawˬ-ahˇ laˆ tahˬ laˆ naˇ-eu gʼaˇ duˬ ngaˇ leh jeh luꞈ meh lehˇ ehˇ-eu tsawˇ haˬ deuˬ-euˬ dawˬ-ahˇ, aˬ jeˬ miˇ neh nawˇ naˇ haˬ te.

1 Saˬmeuˬlaˆ 24:9 Σταυροειδείς Αναφορές

Jaceuq 101:5

Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 141:6

Aˬ yawꞈ maꞈ kʼoeˇ taˆ aˬ yuiꞈ geuꞈ-eu deuˬ lo guˇ-ahˇ neh biˬ ka nehˬ gaˇ ya daˬ ngeh nah, ngaˬ neh ehˇ-euˬ dawˬ tsaˬ gaˇ aˬ yawꞈ maꞈ ya mawˇ tehꞈ-a.

Dawqdaq 16:28

Tsawˇ doeˇ iˬ dehˬ iˬ ceh laˆ myaˬ-awˇ, dawˬ saˆ saˆ kʼoeˬ-eu jeˬ nui ma laˆ gʼawˬ-eu meh.

Dawqdaq 17:4

Yaw haiˬ deuˬ dawˬ doeˇ-ahˇ jah-awˇ, jaˬ myawꞈ deuˬ mehˇ shuiˇ tawˆ leˇ-eu meh.

Dawqdaq 18:8

Dawˬ doeˇ saˆ kʼoeˬ-eu dzaˇ kuiˇ dzaˇ myehˇ-ahˇ duˇ-awˇ, shaˬ yoeˬ shaˬ laꞈ-ahˇ keuˆ ni nyiꞈ leˇ-eu meh.

Dawqdaq 25:23

Laꞈ taˆ paw neh baw gʼeh leꞈ-eu jaˬ lehˇ uˬ yehˇ hehˇ ahˇ leꞈ-eu yaw duˬ baw-eu loꞈ-ehˇ, ja bu-eu jeˬ iˬ dehˬ iˬ ceh bi keuˆ le-eu yaw duˬ baw-eu meh.

Dawqdaq 26:28

Aˬ cawˬ-ahˇ nawˇ mehˇ shuiˇ shuiˇ-awˇ yaw doeˇ jahˇ nehˬ mawꞈ naˇ, nawˬ-euˬ laꞈ kʼoeˇ aˬ yawꞈ-ahˇ bye-eu nui ma jeˬ huˬ ya bi ahˇ-eu meh. Jaˬ myawꞈ myawꞈ-eu jeˬ-aˬ, yaw cawˆ jeˬ tehꞈ-ehˇ bi doˆ laˇ-eu meh.

Dawqdaq 29:12

Sahˬ paˬ sahˬ ma tiˬ gʼaˬ maˬ tsaˬ-eu dawˬ-ahˇ naˇ haˬ geuꞈ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ jaˬ myawꞈ pyeuꞈ jiˇ-eu meh.

Yeˬlaˬmiˇ 37:18

Kʼoeˇ naˇ ngaˇ heu loꞈ-ehˇ ehˇ nehˬ-euˬ ma. “Naw maꞈ ngaˬ-ahˇ paꞈ kuˆ-ahˇ dawˆ paˬ-ehˇ, nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, tsawˇ haˬ heu deuˬ-ahˇ maˬ ehˇ, ngaˬ neh mˇ lehˬ taˬ-euˬ aˬ jeˬ jaˆ ta.

Uˬ duˬ 19:16

Aˬ cawˬ gaˇ kawˆ jaˬ myawꞈ myawꞈ-eu laꞈ kʼoeˇ taˬ ja bu. Tsawˇ haˬ tiˬ gʼaˬ na, tsawˇ shiˇ uˬ kʼawˇ-ahˇ deuˬ ni yaˇ kʼaˬ daˇ nehˬ-eu jeˬ-ahˇ ya daˬ paˬ-ehˇ keuˆ laˇ ngeh, aˬ yawꞈ-ahˇ caw ba nya-eu saˇ kiˇ saˇ seˬ jaˆ naˇ, ngehˬ doˆ tmˇ doˆ nehˬ-awˬ. Ngaˇ-aˬ, Sahˬpaˬ Miˬyehˇ ma.

Yaˬkoˆ 3:6

Mehˬ laˇ-aˬ, miˬ dzaˬ-ahˇ duˇ-eu meh. Mehˬ laˇ kʼoeˇ-aˬ, aˬ dui-euˬ gʼawˇ mawˇ laꞈ kʼoeˇ jaˆ-eu haiˬ-eu miˇ kʼahˬ tiˬ kʼahˬ pyeuꞈ-awˇ, aˬ dui-euˬ nui ma gʼawˇ mawˇ dawˬ tawˆ luꞈ laꞈ kʼoeˇ yaw haiˬ jeˬ bi byah laˇ-eu meh. Mehˬ laˇ kʼoeˇ-aˬ, shiˬ buiˇ lah ma-ahˇ doꞈ-eu miˬ dzaˬ yuˇ-awˇ, aˬ dui yaw dehꞈ dehꞈ-eu jeˬ dawˬ tawˆ luꞈ-ahˇ bi puiˆ dzaˬ-eu meh.

1 Saˬmeuˬlaˆ 20:1

Laˬmahˇ gahˬ kaˬ laꞈ kʼoeˇ jaˆ-eu Naˬiˇyoˆ pu-ahˇ neh Daˬbiˇ cehˆ doˆ-awˇ, Yawˇnaˆshaˬ jawˇ gaˇ le-awˇ, “Ngaˇ aˬ jeˬ mˇ bahˬ taˬ-euˬ jaˆ ta. Aˬ jeˬ iˬ baˇ ahˇ ta. Nawˬ da ngaˬ-ahˇ sehꞈ mawꞈ paˬ-ehˇ, aˬ yawꞈ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta” lehˇ naˇ haˬ-euˬ meh.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.

1 Saˬmeuˬlaˆ 24:10

Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.

1 Saˬmeuˬlaˆ 24:8

Daˬbiˇ gʼeh, Sawˇluˆ-euˬ mehˬ nah lo kʼahˬ laꞈ nyiˇ iˇ doˆ gʼeh-awˇ, “Ngaˬ-euˬ sahˬ paˬ-oˇ” lehˇ guˇ gaˬ nehˬ-euˬ meh. Sawˇluˆ naˇ kʼah paw gʼawˇ pyawˇ haw ngeh, Daˬbiˇ miˇ tsa awˆ byaˆ-awˇ yaw zeu baw nehˬ-euˬ meh.

1 Saˬmeuˬlaˆ 26:18

Daˬbiˇ ehˇ-eu, “Sahˬ paˬ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ, aˬ jeˬ miˇ neh iˬ nah keuˆ ni teh luꞈ te.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.