1 Saˬmeuˬlaˆ 24:3 - Akha

³ Gaˇ ma gaˇ dzeˇ jaˆ-eu yawˇ yawˇ kuˆ dawˬ peh lo kʼahˬ tiˬ kʼahˬ-ahˇ aˬ yawꞈ iˇ keuˆ-awˇ, lo kʼahˬ laꞈ kʼoeˇ uˇ leˇ-awˇ gʼaˬ doeˇ naˬ dah leˇ-euˬ meh. Aˬ yawꞈ gʼaˬ doeˇ naˬ dah leˇ-euˬ lo kʼahˬ kʼoeˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ dzuˇ zaꞈ luꞈ-eu lo kʼahˬ-ahˇ zaˬ leˇ-awˇ, lo kʼahˬ-euˬ laꞈ kʼoeˇ gʼawˬ mahˇ ni naꞈ gaˇ aˬ yawꞈ maꞈ dzuˇ zaꞈ luꞈ-eu meh.

1 Saˬmeuˬlaˆ 24:3 Σταυροειδείς Αναφορές

Jaceuq 141:6

Aˬ yawꞈ maꞈ kʼoeˇ taˆ aˬ yuiꞈ geuꞈ-eu deuˬ lo guˇ-ahˇ neh biˬ ka nehˬ gaˇ ya daˬ ngeh nah, ngaˬ neh ehˇ-euˬ dawˬ tsaˬ gaˇ aˬ yawꞈ maꞈ ya mawˇ tehꞈ-a.

Yaˇ kʼaˬ daˇ 3:24

Aˬ yawꞈ doˆ-iˇ gʼaˬ-awˇ, zaˬ kʼaˆ deuˬ gʼoꞈ haw leˇ ngeh, laˇ gʼoˆ mawˬ tawꞈ tawꞈ tehˬ taˬ-euˬ gaˇ ya mawˇ-euˬ meh. Ehˇ kʼawꞈ, laꞈ kʼoeˇ paw sahˬpaˬ gʼaˬ naˬ naˬ luꞈ-eu nga lehˇ aˬ yawꞈ maꞈ noeˬ-euˬ meh.

1 Saˬmeuˬlaˆ 13:2

Tsawˇ haˬ smˬ heˇ gʼaˬ aˬ yawꞈ tseˇ doˆ-awˇ, Aˬ yawꞈ jawˇ-eu Miˇkaˬmaˆ meuˬ hawˇ-eu Beˬdeˬlaˇ gahˬ kaˬ gawˬ jawˬ gawˬ duˇ deuˬ-ahˇ nyiˬ heˇ gʼaˬ bi jawˇ-awˇ, aˬ yawꞈ-euˬ aˬ li Yawˇnaˆshaˬ nehˬ-ehˇ Beˬyaˬmiˬ miˇ kʼahˬ Giˇbyaˬ meuˬ-ahˇ tiˬ heˇ gʼaˬ pyehˬ gʼeh-euˬ meh.

1 Saˬmeuˬlaˆ 26:2

Iˇsaˬleˬlaˆ miˇ kʼahˬ laꞈ kʼoeˇ aˬ cawˬ naˆ maˬ tseˇ guiˇ deuˆ nya-eu yehˇ smˬ heˇ gʼaˬ-ahˇ Sawˇluˆ sheuˬ-awˇ, Ziˇpaˬ bawˇ tsahˬ bawˇ dahˇ laꞈ kʼoeˇ Daˬbiˇ-ahˇ poˆ-iˇ-eu gʼaˇ duˬ, tiˬ poˆ tehꞈ-ehˇ doˆ-iˇ-euˬ meh.

1 Saˬmeuˬlaˆ 26:3

Yeˬshiˇmoˬ meuˬ-euˬ nahˇ ma doˆ kʼehˬ paw jaˆ-eu gaˇ ma gaˇ dzeˇ, Haˬciˇlahˬ gawˬ jawˬ-ahˇ taˆ tsoˆ-awˇ jawˇ-euˬ meh. Daˬbiˇ bawˇ tsahˬ bawˇ dahˇ laꞈ kʼoeˇ jawˇ luꞈ-awˇ, Sawˇluˆ aˬ yawꞈ-ahˇ poˆ le-euˬ gaˇ kawˆ ya siˬ-euˬ meh.