1 Saˬmeuˬlaˆ 24:19 - Akha

¹⁹ Yawˬ ha-ahˇ muiˇ-eu tsawˇ haˬ-ahˇ nyehꞈ mi-awˇ, maˬ laˆ tahˬ maˬ laˆ naˇ ni pyehˬ nehˬ-eu aˬ suˇ gʼaˬ jawˇ ta. Iˬ nah nawˇ ngaˬ-ahˇ mˇ nehˬ laꞈ-euˬ jeˬ baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ.

1 Saˬmeuˬlaˆ 24:19 Σταυροειδείς Αναφορές

Jaceuq 18:20

Ngaˇyaw tsaˬjeˬmˇ-eu miˇneh, SahˬpaˬMiˬyehˇlaꞈsawˬbiꞈ-awˇ, yaw lehˬjeˬmaˬmˇ-eu miˇneh, ngaˬ-ahˇguiˬlahˬbiꞈlaꞈ-eu meh.

Yaˇ kʼaˬ daˇ 17:2

Aˬ yawꞈ-euˬ aˬ ma-ahˇ aˬ yawꞈ ehˇ nehˬ-eu, “Nawˬ-eu pyuˇ maˇ byaˆ tiˬ heˇ tiˬ yaˇ byaˆ byoˆ ngeh, smˇ kʼoeˬ-ahˇ nawˇ yaˬ kʼehˇ yaˬ-euˬ ngaˇ gaˬ-euˬ ma. Nawˬ-euˬ pyuˇ kʼoeˇ deuˬ ngaˬ neh yuˇ-awˇ, ngaˇ jawˇ gaˇ jaˆ luꞈ meh.” Aˬ yawꞈ-euˬ aˬ ma ehˇ-eu, “Ngaˬ li-oˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ.”

Luˇta 2:12

Nawˇ kʼoeˇ loꞈ-ehˇ mˇ-eu baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Iˇsaˬleˬlaˆ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ aˬ dahˇ uˬ moˆ, nawˇ tah uˇ laˇ-eu loꞈ-ehˇ, aˬ yawꞈ nawˬ-ahˇ guiˬ lahˬ tiˬ byah tiˬ loꞈ biꞈ laꞈ luꞈ-uˇ.”

1 Saˬmeuˬlaˆ 23:17

Yawˇnaˆshaˬ ehˇ-eu, “Taˬ guˆ. Ngaˬ da Sawˇluˆ nawˬ-ahˇ tiˬ jeˬ-iˬ maˬ jahˇ laˇ nya-a. Nawˇ Iˇsaˬleˬlaˆ tsawˇ jeuˬ-euˬ sahˬ paˬ ya pyeuꞈ laˇ-awˇ, ngaˇ nawˬ-euˬ laꞈ oˆ teˬ ni jawˇ-awˇ gaˇ ya mˇ-eu gaˇ kawˆ aˬ yawꞈ siˬ duˬ luꞈ meh.”

1 Saˬmeuˬlaˆ 23:21

Tsawˇ haˬ kʼoeˇ deuˬ-ahˇ Sawˇluˆ heu loꞈ-ehˇ ehˇ nehˬ-euˬ meh. “Naw maꞈ ngaˬ-ahˇ gʼawˬ shaˬ gaˬ-eu siˬ nya-eu miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.

1 Saˬmeuˬlaˆ 26:23

Saˇ jaˇ ziꞈ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ Sahˬpaˬ Miˬyehˇ guiˬ lahˬ biꞈ-eu meh. Iˬ nah nawˬ-ahˇ ngaˬ-euˬ aˬ laꞈ laꞈ kʼoeˇ aˬ yawꞈ a nehˬ laꞈ gʼaˬ-euˬ meh. Ehˇ kʼawꞈ, Sahˬpaˬ Miˬyehˇ neh tseˇ doˆ taˬ-euˬ gʼaˬ pyeuꞈ-eu miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ-aˬ.

1 Saˬmeuˬlaˆ 26:25

Sawˇluˆ ehˇ-eu, “Ngaˬ li-oˇ, Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˇ kʼaˇ mˇ kʼaˇ shaˇ-eu jeˬ mˇ pyeuꞈ shaˇ pyeuꞈ nya luꞈ-uˇ.” Kʼoeˇ naˇ, Daˬbiˇ iˇ byoˆ gʼeh-awˇ, Sawˇluˆ gʼoꞈ-iˇ-euˬ meh.