1 Saˬmeuˬlaˆ 24:17 - Akha

¹⁷ Kʼoeˇ naˇ, Daˬbiˇ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ-aˬ, ngaˇ naˆ maˬ tseˇ tsaˬ-eu dawˇ-eu tsawˇ haˬ pyeuꞈ-eu meh. Nawˬ-ahˇ ngaˇ yaw doeˇ mˇ nehˬ-euˬ kʼawꞈ, nawˇ ngaˬ-ahˇ yaw muiˬ jeˬ mˇ kʼoꞈ nehˬ laꞈ-euˬ meh.

1 Saˬmeuˬlaˆ 24:17 Σταυροειδείς Αναφορές

Aˇ dahˬ 38:26

Myawˬ kʼoeˇ deuˬ-ahˇ Yuˇdaˆ ya mawˇ ngeh, aˬ yawꞈ-euˬ myawˬ pyeuꞈ-eu tiˬ poˆ tehꞈ-ehˇ haw siˬ-awˇ, “Zaˬ miˬ zaˬ heu gʼaˬ maˬ lehˬ-a. Ngaˇ aˬ yawꞈ-ahˇ mˇ nehˬ paˬ-ehˇ gʼeh-eu jeˬ maˬ mˇ nehˬ-euˬ miˇ neh, ngaˬ-ahˇ neh ahˇ-eu meh. Ngaˇ aˬ yawꞈ-ahˇ ngaˬ li Sheˬlahˬ nehˬ-ehˇ bi sheuˬ dahˬ dzaˬ paˬ-ehˇ gʼeh-eu meh” lehˇ ehˇ-eu meh. Kʼoeˇ naˇ, zaˬ miˬ zaˬ kʼoeˇ gʼaˬ nehˬ-ehˇ Yuˇdaˆ tiˬ jawˇ-iˬ maˬ paˇ yuꞈ taꞈ ni jawˇ-euˬ meh.

Jaceuq 37:6

Nawˬ-euˬyaw tsaˬyaw dawˇjeˬ-ahˇ, nah gʼahˇloꞈ-ehˇbi bya tehꞈ-a.

Doˆ-iˇ 9:27

Sahˬ paˬ kʼoeˇ gʼaˬ, Moˇseˬ hawˇ-eu Aˬloˬ-ahˇ bi kuˇ laꞈ-awˇ, heu loꞈ-ehˇ ehˇ nehˬ-euˬ meh. “Heu poˆ-aˬ, ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-aˬ, yaw tsaˬ yaw dawˇ paw jawˇ-awˇ, ngaˇ hawˇ-eu ngaˬ-euˬ tsawˇ haˬ deuˬ-aˬ, yaw lehˬ paw jawˇ luꞈ-eu ma.

Maꞈtehˬ 27:4

Aˬ yawꞈ ehˇ-eu, “Iˬ baˇ maˬ ahˇ-eu tsawˇ haˬ-ahˇ bi sehꞈ-eu lehˇ ahˬ dzaˬ-euˬ ngaˬ-euˬ yaw lehˬ heu, iˬ baˇ huiˬ dui dui nya.” Aˬ yawꞈ maꞈ ehˇ-eu, “Gaˇ kawˆ teu nga maꞈ-ahˇ tiˬ jeˬ-iˬ maˬ taꞈ. Nawˬ-euˬ gaˇ kawˆ nawˇ tehꞈ meh.”

Maꞈtehˬ 5:44

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ-ahˇ gaˬ-awˇ, naw maꞈ-ahˇ kʼehˬ nehˬ kʼaˆ nehˬ laꞈ-eu tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

1 Saˬmeuˬlaˆ 26:17

Kʼoeˇ ngeh, Daˬbiˇ-euˬ teˇ saˇ-ahˇ Sawˇluˆ naˇ haˬ siˬ-awˇ, “Ngaˬ li Daˬbiˇ-oˇ, teu gaˇ dawˬ ngehˬ luꞈ-eu nawˇ ma loˇ” lehˇ naˇ haˬ ngeh, “Ngaˇ ma” lehˇ Daˬbiˇ ehˇ kʼoꞈ nehˬ-euˬ meh.

1 Saˬmeuˬlaˆ 26:21

Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”