1 Saˬmeuˬlaˆ 24:14 - Akha

¹⁴ Nawˇ shaˇ noeˬ haw sheˇ. Iˇsaˬleˬlaˆ tsawˇ jeuˬ-euˬ sahˬ paˬ aˬ jeˬ-ahˇ sehꞈ-eu lehˇ leh jeh luꞈ ta. Aˬ jeˬ-euˬ mehˬ nah aˬ yawꞈ teh luꞈ ta. Shiˇ-euˬ aˬ kuiˬ tiˬ mawˇ mehˬ nah teh luꞈ ta loˇ.

1 Saˬmeuˬlaˆ 24:14 Σταυροειδείς Αναφορές

2 Saˬmeuˬlaˆ 16:9

Zeˬluˇyaˆ-euˬ aˬ li Aˬbiˇshaiˇ ehˇ-eu, “Sahˬ paˬ-oˇ, aˬ jeˬ miˇ neh aˬ kuiˬ kuiˬ uˬ teu mawˇ nawˬ-ahˇ yaˬ kʼehˇ yaˬ yaˬ-ehˇ bi jawˇ te. Ngaˬ-ahˇ a kawˬ-aˬ biꞈ laꞈ-awˬ. Ngaˇ le-awˇ aˬ yawꞈ-euˬ uˬ duˬ coeˇ tsehˆ nehˬ leˇ la.”

2 Saˬmeuˬlaˆ 3:8

Kʼoeˇ ngeh, Aˬbaˬnaˬ nui ma pehˇ laˇ-awˇ ehˇ-eu, “Ngaˇ Sawˇluˆ-ahˇ saˇ jaˇ maˬ ziꞈ nga lehˇ nawˇ noeˬ te loˇ. Yuˇdaˆ miˇ kʼahˬ gʼaˇ duˬ ngaˇ dehꞈ luꞈ-eu nga lehˇ nawˇ aˬ diˇ noeˬ te loˇ. Aˇ dahˬ beh ngeh neh, nawˬ da Sawˇluˆ-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ-euˬ cawˬ deuˬ-ahˇ maˬ ehˇ, ngaˇ saˇ jaˇ ziꞈ-awˇ, nawˬ-ahˇ kʼawꞈ Daˬbiˇ-euˬ aˬ laꞈ laꞈ kʼoeˇ maˬ a nehˬ ni ngaˬ neh sheuˬ buˬ nehˬ-euˬ ma. Ehˇ kʼawꞈ, iˬ nah-aˬ, zaˬ miˬ zaˬ tiˬ gʼaˬ nehˬ-ehˇ bahˬ-euˬ nga lehˇ dehˬ lehꞈ-awˇ, nawˇ ngaˬ-ahˇ iˬ baˇ poˆ-eu gʼeh te loˇ.

2 Saˬmeuˬlaˆ 6:20

Daˬbiˇ aˬ yawꞈ-euˬ miˬ sawˇ zaˬ deuˬ-ahˇ dawˬ ngehˬ gʼeh nehˬ-eu lehˇ iˇ kahˇ gʼoꞈ leˇ ngeh, Miˇkaˬlaˇ doˆ le-awˇ ehˇ-eu, “Iˇsaˬleˬlaˆ sahˬ paˬ iˬ nah kʼahˬ sehˇ jaˆ dui dui ngaˇ. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ zaˬ miˬ zaˬ zaˬ kʼaˆ deuˬ mehˬ shi tsawˇ uˬ tiˬ gʼaˬ loꞈ-ehˇ teuˆ teuˆ-ehˇ, maˬ gaˇ dui dui ngaˇ.”

2 Saˬmeuˬlaˆ 9:8

Meˬpiˇbawˇshehˆ gʼaˬ tiˬ poˆ paˇ awˆ byaˆ-awˇ ehˇ-eu, “Sahˬ paˬ-oˇ, ngaˇ-aˬ shiˇ taˬ-euˬ aˬ kuiˬ tiˬ mawˇ taꞈ-ehˇ maˬ paˇ dzehˬ miˇ-a. Aˬ jeˬ miˇ neh nawˇ ngaˬ-ahˇ teu naˆ naˆ-ehˇ gʼawˬ shaˬ gaˬ nehˬ laꞈ te.”

1 Sahˬpaˬ 21:7

Yeˬsaˬbeˬlaˇ ehˇ-eu, “Nawˇ Iˇsaˬleˬlaˆ miˇ kʼahˬ-ahˇ uˆ lahˇ luꞈ-eu sahˬ paˬ maˬ ngeuˇ te loˇ. Yuꞈ zaˇ-ahˇ yuꞈ luꞈ-eu tuˇ laˇ-awˇ, nui ma saˇ lehˆ ni taˬ-awˇ dzaˬ-awˬ dawˇ-awˬ. Naˬboˆ-euˬ aˬ gaꞈ yaˇ kmˇ nawˇ za ni ngaˇ jahˇ nehˬ ma.”

Hawˇseˬ 10:13

Ehˇkʼawꞈ, naw maꞈ yaw haiˬ sehˬ-awˇ, yaw haiˬ jeˬ yehˬ dzaˬ taˬ-euˬ meh. Jaˬ myawꞈ mehˇ shuiˇ aˇ siˬ aˇ lu, naw maꞈ dzaˬ taˬ-euˬ jaˆ-eu meh. “Mahˬ laˆ lawˬ hawˇ-eu guiˇ zaˬ deuˬ, yaw myaˬ ma lehˇ naw maꞈ noeˬ-eu,

1 Saˬmeuˬlaˆ 17:43

Daˬbiˇ-ahˇ aˬ yawꞈ ehˇ nehˬ-eu, “Daˇ cuiˇ teu hmˬ aˬ jeˬ jahˇ-eu lehˇ yuˇ luꞈ te. Nawˇ ngaˬ-ahˇ aˬ kuiˬ tiˬ mawˇ loˆ ni tehꞈ-ehˇ sawˇ-eu ngaˇ laˬ” Kʼoeˇ naˇ, aˬ yawꞈ-euˬ miˬ yehˇ-euˬ tsawˇ myahˇ-ahˇ gʼoe-awˇ, Daˬbiˇ-ahˇ yaˬ kʼehˇ yaˬ nehˬ-euˬ meh.

1 Saˬmeuˬlaˆ 26:20

Sahˬpaˬ Miˬyehˇ nehˬ-ehˇ gaˇ mahˇ kaˬ gaˇ, boeˇ miˬ siˬ kʼaˬ-euˬ miˇ tsaˬ-ahˇ, aˬ cawˬ neh ngaˬ-ahˇ taˬ bi sehꞈ nehˬ laꞈ. Iˇsaˬleˬlaˆ miˇ kʼahˬ-euˬ sahˬ paˬ-aˬ, ngaˇ loꞈ-ehˇ gʼeh-eu kuiˬ shehˇ tiˬ mawˇ maˬ tawˬ-eu tsawˇ haˬ-ahˇ aˬ jeˬ miˇ neh ya sehꞈ ta. Bawˇ tsahˬ-ahˇ jawˇ-eu aˇ jiˇ-ahˇ teh-eu loꞈ-ehˇ, aˬ jeˬ miˇ neh aˬ yawꞈ ngaˬ-ahˇ ya teh ta.”