1 Saˬmeuˬlaˆ 24:10 - Akha

¹⁰ Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.

1 Saˬmeuˬlaˆ 24:10 Σταυροειδείς Αναφορές

Jaceuq 105:15

“Ngaˬ neh tseˇ doˆ-euˬ ngaˬ-euˬ zaˬ kʼaˆ deuˬ-ahˇ taˬ laˆ coeˬ. Ngaˬ-euˬ gʼaˇ duˬ ngehˬ dah-eu deuˬ-ahˇ taˬ laˆ ciˆ” lehˇ, aˬ yawꞈ dawˬ biꞈ-euˬ meh.

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Jaceuq 7:3

Ngaˬ-euˬSahˬpaˬ, ngaˬ-euˬMiˬyehˇ, ngaˇheu loꞈ-ehˇ mˇ-euˬjaˆnaˇ, ngaˬ-euˬ aˬlaꞈ mˇlehˬlawˬnaˇ,

Jaceuq 7:4

Ngaˬ-euˬ cawˬtiˬgʼaˬ-euˬkʼoeˇ taˆ, ngaˬneh yaw doeˇjahˇ-euˬjaˆ-awˇ, ngaˬ-ahˇmuiˇ-eu tsawˇhaˬkʼoeˇtaˆ, nawˬdzaˬkʼaˆdzaˬtaˬ-euˬjaˆnaˇ,

Doˆ-iˇ 21:13

Ehˇ kʼawꞈ, diˇ daˬ-ehˇ sehꞈ-euˬ jeˬ maˬ ngeuˇ-ehˇ, maˬ yehꞈ maˬ ca-ehˇ laˆ tahˬ-awˇ bi shiˇ-euˬ jeˬ pyeuꞈ naˇ, naw maꞈ gʼaˇ duˬ ngaˬ neh tsaˬ tsoˆ taˬ-euˬ jawˇ duˬ-ahˇ aˬ yawꞈ cehˆ-awˇ, shiˇ-eu jeˬ-ahˇ cehˆ buˬ nya meh.

Yeˬsaˬgeˬlaˇ 22:9

Nawˬ-euˬ tsawˇ haˬ tiˬ paˆ na deuˬ aˬ cawˬ bi shiˇ-eu toˆ-awˇ, tiˬ paˆ na deuˬ-aˬ, tahˬ pahˬ aˬ ma mawˇ kawˇ deuˬ-ahˇ lawˇ nehˬ-euˬ dzaˇ dzaˬ-eu meh. Tiˬ paˆ na deuˬ kʼaˬ miˬ sheu gaˇ byawˬ gʼa-eu meh.

Uˬ duˬ 19:16

Aˬ cawˬ gaˇ kawˆ jaˬ myawꞈ myawꞈ-eu laꞈ kʼoeˇ taˬ ja bu. Tsawˇ haˬ tiˬ gʼaˬ na, tsawˇ shiˇ uˬ kʼawˇ-ahˇ deuˬ ni yaˇ kʼaˬ daˇ nehˬ-eu jeˬ-ahˇ ya daˬ paˬ-ehˇ keuˆ laˇ ngeh, aˬ yawꞈ-ahˇ caw ba nya-eu saˇ kiˇ saˇ seˬ jaˆ naˇ, ngehˬ doˆ tmˇ doˆ nehˬ-awˬ. Ngaˇ-aˬ, Sahˬpaˬ Miˬyehˇ ma.

1 Saˬmeuˬlaˆ 24:4

Daˬbiˇ-euˬ tsawˇ haˬ deuˬ Daˬbiˇ-ahˇ ehˇ-eu. “Heu-aˬ, nawˬ-eu gʼaˇ duˬ yehꞈ dui dui laˇ-euˬ aˇ yamˬ ngaˇ. Nawˬ-ahˇ muiˇ-eu tsawˇ haˬ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ-awˇ, nawˇ kʼaˇ jahˇ nehˬ mawꞈ-eu jeˬ jahˇ nehˬ nya meh lehˇ, Sahˬpaˬ Miˬyehˇ neh ehˇ taˬ-euˬ kʼoeˇ iˬ nah keuˆ le-euˬ ngaˇ.” Kʼoeˇ ngeh, Daˬbiˇ aˬ ya ya-ehˇ joe joe-ehˇ iˇ-awˇ, Sawˇluˆ-ahˇ maˬ bi siˬ leˇ ni, aˬ yawꞈ-euˬ pehˇ kʼahˬ pehˇ dahˬ yehˬ tsehˆ-euˬ meh.

1 Saˬmeuˬlaˆ 24:9

Sawˇluˆ-ahˇ Daˬbiˇ ehˇ nehˬ-eu, “Nawˬ-ahˇ laˆ tahˬ laˆ naˇ-eu gʼaˇ duˬ ngaˇ leh jeh luꞈ meh lehˇ ehˇ-eu tsawˇ haˬ deuˬ-euˬ dawˬ-ahˇ, aˬ jeˬ miˇ neh nawˇ naˇ haˬ te.