1 Saˬmeuˬlaˆ 23:6 - Akha

⁶ Aˬhiˇmaˬlehˇ-euˬ aˬ li Aˬbyaˬdaˬ cehˆ doˆ-awˇ, Kiˇlahˬ meuˬ-ahˇ Daˬbiˇ jawˇ gaˇ cehˆ uˇ-iˇ ngeh, piˇ ma dm-eu pehˇ kʼahˬ pehˇ nymˇ kʼawꞈ yuˇ gʼeh-euˬ meh.

1 Saˬmeuˬlaˆ 23:6 Σταυροειδείς Αναφορές

1 Sahˬpaˬ 2:26

Kʼoeˇ naˇ, piˇ ma Aˬbyaˬdaˬ-ahˇ sahˬ paˬ Sawˇlaˬmoˬ ehˇ nehˬ-eu, “Nawˬ-euˬ nymˇ jiˇ jaˆ-eu Aˬnaˬtawˇ meuˬ-ahˇ gʼoꞈ-iˇ-awˬ. Aˬ diˇ aˬ maˇ kʼaˇ ngeuˇ-eu loꞈ-ehˇ jahˇ law nmˇ-aˬ, nawˇ ya shiˇ tehꞈ-a. Ehˇ kʼawꞈ, nawˬ-ahˇ ngaˇ maˬ sehꞈ mawꞈ nya. Aˬ jeˬ miˇ neh ehˇ naˇ, ngaˬ da Daˬbiˇ nehˬ-ehˇ nawˇ jawˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˬ geuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, ngaˬ da-ahˇ nawˇ maˬ gʼawˬ-iˇ ni jawˇ-euˬ meh.”

Doˆ-iˇ 28:6

“Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ, shuiˇ saˬ kahˇ hawˇ-eu, shawˇ jehˆ ni gʼeh-eu saˬ paˇ heu deuˬ neh, pehˇ kʼahˬ pehˇ nymˇ aˬ yawꞈ maꞈ guꞈ-awˇ, aˇ boꞈ ya boꞈ meh.

1 Saˬmeuˬlaˆ 14:18

Kʼoeˇ ngeh, “Miˬyehˇ-euˬ Dawˬ ma saˇ jaˇ Bahˬ keuˆ baꞈ laꞈ sheˇ” lehˇ, piˇ ma Aˬhiˇyaˬ-ahˇ Sawˇluˆ ehˇ nehˬ-euˬ meh. Aˇ nah aˇ yamˬ kʼoeˇ yamˬ laꞈ kʼoeˇ, Aˬhiˇyaˬ gʼaˬ Dawˬ ma saˇ jaˇ Bahˬ keuˆ kʼoeˇ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu cah luꞈ-eu meh.

1 Saˬmeuˬlaˆ 14:3

Piˇ ma-euˬ pehˇ kʼahˬ pehˇ mahˇ dm-awˇ piˇ ma geuꞈ luꞈ-eu gʼaˬ-aˬ, Aˬhiˇtuˆ-euˬ aˬ li Aˬhiˇyaˬ meh. Aˬhiˇtuˆ-aˬ, Iˇkaˬbawˇ nehˬ-ehˇ tiˬ mehˇ nmˇ meh. Aˬ yawꞈ-aˬ, Piˇnaˬhaˇ-euˬ aˬ li pyeuꞈ-awˇ, Shiˇloˬ meuˬ-ahˇ Sahˬpaˬ Miˬyehˇ-euˬ piˇ ma geuꞈ-eu Eˇliˆ-euˬ oeˬ paˬ pyeuꞈ-eu meh. Yawˇnaˆshaˬ doˆ-iˇ-euˬ gaˇ kawˆ, kʼoeˇ gaˇ jawˇ-eu deuˬ maˬ siˬ nya -a.

1 Saˬmeuˬlaˆ 22:20

Ehˇ kʼawꞈ, Aˬhiˇmaˬlehˇ-euˬ aˬ li Aˬbyaˬdaˬ gʼaˬ cehˆ dzeuˇ-awˇ, Daˬbiˇ jawˇ paw cehˆ uˇ-iˇ-euˬ meh.

1 Saˬmeuˬlaˆ 23:2

Kʼoeˇ miˇ neh, Piˇliˇtiˆ tsawˇ haˬ deuˬ-ahˇ guiˇ deuˆ-iˇ-eu gʼaˇ duˬ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. “Aˬ yawꞈ maꞈ-ahˇ guiˇ deuˆ-iˇ-awˇ, Kiˇlahˬ meuˬ-ahˇ ka kʼoꞈ nehˬ-awˬ” lehˇ, Sahˬpaˬ Miˬyehˇ ehˇ-eu meh.

1 Saˬmeuˬlaˆ 23:5

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ Kiˇlahˬ meuˬ-ahˇ iˇ-awˇ, Piˇliˇtiˆ tsawˇ haˬ deuˬ-ahˇ guiˇ deuˆ-iˇ-euˬ meh. Piˇliˇtiˆ tsawˇ haˬ deuˬ gʼawˬ mya ni deuˆ sehꞈ-awˇ, aˬ yawꞈ maꞈ-euˬ jeˬ zaˬ deuˬ kʼawꞈ tsahˇ geuꞈ-euˬ meh. Kʼoeˇ loꞈ-ehˇ jahˇ-awˇ, meuˬ kʼoeˇ meuˬ-ahˇ Daˬbiˇ ka kʼoꞈ-euˬ meh.

1 Saˬmeuˬlaˆ 23:7

Daˬbiˇ Kiˇlahˬ meuˬ-ahˇ iˇ-euˬ gaˇ kawˆ Sawˇluˆ ya gaˬ ngeh, heu loꞈ-ehˇ ehˇ-eu meh. “Daˬbiˇ-ahˇ Miˬyehˇ neh ngaˬ-euˬ aˬ laꞈ laꞈ kʼoeˇ a nehˬ laꞈ-euˬ nga. Meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, meuˬ lahˇ kʼehˬ laˇ gʼoˆ ziꞈ dah ni jaˆ-eu meuˬ kʼoeˇ meuˬ laꞈ kʼoeˇ Daˬbiˇ iˇ uˇ-euˬ-aˬ, aˬ yawˇ yawꞈ lahˇ ju kʼmˇ taˬ-euˬ gaˇ cehˆ paꞈ leˇ-euˬ gaˇ duˇ-eu nga.”

1 Saˬmeuˬlaˆ 23:9

Sawˇluˆ guiˇ deuˆ le-eu lehˇ lehˬ hmˬ taˬ-euˬ gaˇ kawˆ Daˬbiˇ ya gaˬ ngeh, “Piˇ ma dm-eu pehˇ kʼahˬ pehˇ nymˇ yuˇ laꞈ sheˇ” lehˇ, piˇ ma Aˬbyaˬdaˬ-ahˇ aˬ yawꞈ ehˇ nehˬ-euˬ meh.

1 Saˬmeuˬlaˆ 30:7

“Piˇ ma dm-eu pehˇ kʼahˬ pehˇ nymˇ hehˇ leꞈ sheˇ” lehˇ, Aˬhiˇmaˬlehˇ-euˬ aˬ li piˇ ma Aˬbyaˬdaˬ-ahˇ Daˬbiˇ ehˇ nehˬ ngeh, Aˬbyaˬdaˬ pehˇ kʼahˬ pehˇ nymˇ yuˇ gʼeh nehˬ-euˬ meh.