1 Saˬmeuˬlaˆ 23:27 - Akha

²⁷ Kʼoeˇ tiˬ kʼehˇ laˇ kʼehˬ laꞈ kʼoeˇ, tsawˇ haˬ tiˬ gʼaˬ Sawˇluˆ jawˇ gaˇ cehˆ keuˆ laˇ-awˇ, “Yaw kawˇ ma-ehˇ gʼoꞈ le-awˬ. Piˇliˇtiˆ tsawˇ haˬ deuˬ aˬ dui-euˬ miˇ kʼahˬ-ahˇ guiˇ deuˆ-eu lehˇ laˇ luꞈ meh” lehˇ ehˇ gaˬ laˇ-euˬ meh.

1 Saˬmeuˬlaˆ 23:27 Σταυροειδείς Αναφορές

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

2 Sahˬpaˬ 19:9

Suˬdaˬ sahˬ paˬ Tiˇlaˬkaˬ gʼaˬ, Iˇjiˇtuˆ guiˇ maꞈ maꞈ ma sheuˬ-awˇ, aˬ yawꞈ maꞈ-ahˇ guiˇ deuˆ-eu gʼaˇ duˬ laˇ luꞈ-eu gaˇ kawˆ, Aˬshuˇliˆ tsawˇ haˬ deuˬ ya gaˬ-euˬ meh. Gaˇ kawˆ kʼoeˇ Aˬshuˇliˆ sahˬ paˬ ya gaˬ ngeh, sahˬ paˬ Heˬsaˬgiˇ-ahˇ heu loꞈ-ehˇ sahˬ boꞈ boꞈ ahˇ nehˬ-euˬ meh.

1 Laˬsaˬbaˬ 14:13

Gʼawˬ myahˇ maˬ gʼeh-ehˇ, Piˇliˇtiˆ tsawˇ haˬ deuˬ deh kʼawꞈ kʼoeˇ kʼawꞈ-ahˇ paˇ oe-awˇ, mˇ myawˬ paˇ ceh geuꞈ le-euˬ meh.

Jaceuq 116:3

Shiˇ-eu lahˇ ju ngaˬ-euˬ tiˬ jawˬ kʼmˇ taˬ-euˬ meh. Lmˬ bymˇ-euˬ naˇ shmˇ ngaˬ-euˬ tiˬ jawˬ oe luꞈ meh. Ngaˬ-euˬ nui ma shaˬ zahˬ naꞈ dui dui nya.

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

Panmaeq 12:16

Ehˇ kʼawꞈ, miˇ tsaˬ tahˬ kʼawˇ neh zaˬ miˬ zaˬ kʼoeˇ gʼaˬ-ahˇ caw ba-awˇ, byaˆ yahˬ-euˬ kʼa meh-ahˇ neh yoeˇ doˆ le-euˬ iˇ cuꞈ kʼoeˇ-ahˇ kʼaˬ meh mˇ nga-awˇ dawˇ ahˇ jiˇ-euˬ meh.

1 Saˬmeuˬlaˆ 23:26

Gawˬ jawˬ tiˬ jawˬ-ahˇ tehꞈ-ehˇ, Sawˇluˆ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ luꞈ-eu meh. Sawˇluˆ hawˇ-eu aˬ yawꞈ-euˬ tsawˇ haˬ deuˬ teh miˇ laˇ paˬ-ehˇ pyeuꞈ laˇ-awˇ, aˬ yawꞈ maꞈ-ahˇ nyehꞈ mi shaw-iˬ-eu miˇ neh, Daˬbiˇ hawˇ-eu aˬ yawꞈ-euˬ tsawˇ haˬ deuˬ cehˆ tehˇ tehˬ luꞈ-eu meh.

1 Saˬmeuˬlaˆ 23:28

Kʼoeˇ naˇ, Daˬbiˇ mehˬ nah Sawˇluˆ maˬ paˇ caw teh ni byehˇ-awˇ, Piˇliˇtiˆ tsawˇ haˬ deuˬ-ahˇ guiˇ deuˆ-iˇ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ ‘Buˬiˇ law-iˇ-eu Lo guˇ’ lehˇ kuˇ-eu meh.

1 Saˬmeuˬlaˆ 27:10

“Heu poˆ jawˇ nawˇ aˬ geu paw guiˇ deuˆ-iˇ teˬ” lehˇ, aˬ yawꞈ-ahˇ Aˬkiˇ naˇ haˬ ngeh, Yuˇdaˆ miˇ kʼahˬ laꞈ oˆ dzaˬ-ahˇ loˇ, Yeˬlaˬmeˬlaˇ tsawˇ jeuˬ-euˬ miˇ kʼahˬ-ahˇ loˇ, Kaˬnaˆ tsawˇ jeuˬ-eu miˇ kʼahˬ-ahˇ loˇ lehˇ, tiˬ gaˇ paw aˬ yawꞈ toeˬ mehˬ nehˬ-awˇ, kʼoeˇ gaˇ guiˇ deuˆ-iˇ-euˬ ma lehˇ ehˇ kʼoꞈ nehˬ-euˬ meh.