1 Saˬmeuˬlaˆ 23:22 - Akha

²² Tiˬ poˆ paˇ gʼoꞈ-iˇ-awˇ, yaw muiˬ paˬ-ehˇ paˇ haw duˬ-iˇ-awˬ. Aˬ yawꞈ aˬ geu tsahˇ-ahˇ maˇ diˇ jawˇ-awˇ, aˬ geu gʼaˬ neh mawˇ duˬ taˬ-euˬ gaˇ kawˆ pyehˆ tseˇ duˬ laꞈ-awˬ. Aˬ yawꞈ gahˇ dui dui-eu gaˇ kawˆ aˬ cawˬ ja-eu ngaˇ ya gaˬ-euˬ ma.

1 Saˬmeuˬlaˆ 23:22 Σταυροειδείς Αναφορές

2 Saˬmeuˬlaˆ 17:9

Nymˬ-mˇ, aˬ yawꞈ lo kʼahˬ-ahˇ loˇ lehˇ, tiˬ gaˇ paw dzuˇ zaꞈ-awˇ maˬ jawˇ-aˇ lehˇ aˬ suˇ gʼaˬ ehˇ tsehˆ nya nmˇ. Nawˬ-euˬ tsawˇ haˬ deuˬ-ahˇ aˬ yawꞈ neh jeˬ huˬ huˬ-awˇ bi deuˆ shaw naˇ, gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ, Aˬbaˇsaˬloˬ-euˬ tsawˇ haˬ deuˬ gʼawˬ mya ni bi deuˆ sehꞈ ngaˬ jeˇ lehˇ ehˇ tehꞈ-a.

2 Sahˬpaˬ 6:13

Sahˬ paˬ ehˇ-eu, “Aˬ yawꞈ aˬ geu gaˇ jawˇ nga lehˇ poˆ tseˇ duˬ sheˇ. Aˬ yawꞈ-ahˇ ngaˇ bi nyehꞈ laˬ-iˇ la.” Eˇliˇshehˇ Doˬdaˬ meuˬ-ahˇ jawˇ-eu gaˇ kawˆ, aˬ yawꞈ-ahˇ aˬ cawˬ ehˇ nehˬ-euˬ meh.

Yawˇbaˆ 5:13

Tsawˇ gahˇ gahˇ dzaˬ-eu tsawˇ haˬ deuˬ noeˬ-euˬ loꞈ-ehˇ maˬ mˇ pyeuꞈ nya-eu gʼaˇ duˬ, aˬ yawꞈ maꞈ-ahˇ aˬ yawꞈ lahˇ ju kʼmˇ-eu meh.

1 Saˬmeuˬlaˆ 23:21

Tsawˇ haˬ kʼoeˇ deuˬ-ahˇ Sawˇluˆ heu loꞈ-ehˇ ehˇ nehˬ-euˬ meh. “Naw maꞈ ngaˬ-ahˇ gʼawˬ shaˬ gaˬ-eu siˬ nya-eu miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.

1 Saˬmeuˬlaˆ 23:23

Aˬ yawꞈ aˬ geu tsahˇ-ahˇ dzuˇ zaꞈ luꞈ nga lehˇ yaw duˬ duˬ-ehˇ haw duˬ-awˇ, ngaˇ jawˇ gaˇ yaw kawˇ-ehˇ cehˆ gaˬ laˇ-awˬ. Kʼoeˇ naˇ, naw maꞈ nehˬ-ehˇ ngaˇ oe-awˇ, gahˬ kaˬ kʼoeˇ kaˬ laꞈ kʼoeˇ aˬ yawꞈ maˬ cehˆ doˆ dah-ehˇ jawˇ naˇ, shaˬ teh teh-eu loꞈ-ehˇ aˬ yawꞈ-ahˇ poˆ ma. Yuˇdaˆ miˇ kʼahˬ kʼahˬ lah ni ya poˆ doe paˬ-ehˇ gʼeh naˇ kʼawꞈ poˆ doe tehꞈ-a.”

1 Saˬmeuˬlaˆ 30:31

Heˬbyoˬ meuˬ-ahˇ jawˇ-eu tsawˇ haˬ deuˬ meh. Aˬ yawꞈ hawˇ-eu aˬ yawꞈ-euˬ tsawˇ haˬ deuˬ kʼaˇ cah keuˆ-awˇ, jawˇ naˬ kʼaˇ mˇ-euˬ jawˇ duˬ-ahˇ jawˇ-eu tsawˇ haˬ deuˬ-ahˇ, aˬ yawꞈ laꞈ sawˬ biꞈ keuˆ nehˬ-euˬ meh.