1 Saˬmeuˬlaˆ 23:16 - Akha

¹⁶ Daˬbiˇ jawˇ-eu Hawˇlehˆ-ahˇ Yawˇnaˆshaˬ le-awˇ, “Miˬyehˇ nawˬ-ahˇ haw piˇ nehˬ laꞈ tehꞈ-a” lehˇ ehˇ-awˇ gʼaˬ biꞈ nehˬ-euˬ meh.

1 Saˬmeuˬlaˆ 23:16 Σταυροειδείς Αναφορές

Neˬhaˬmiˇ 2:18

Kʼoeˇ naˇ, Miˬyehˇ ngaˬ nehˬ-ehˇ jawˇ-awˇ ngaˬ-ahˇ aˬ joˆ-ehˇ caw ba nehˬ laꞈ-euˬ gaˇ kawˆ hawˇ-eu, sahˬ paˬ neh ngaˬ-ahˇ aˬ joˆ-ehˇ ehˇ nehˬ laꞈ-euˬ gaˇ kawˆ, aˬ yawꞈ maꞈ-ahˇ ngaˇ dzawˇ nehˬ-euˬ ma. Kʼoeˇ ngeh, “Aˬ dui maꞈ meuˬ meuˬ lahˇ paˇ gawˬ ziꞈ kaˇ-euˇ” lehˇ aˬ yawꞈ maꞈ ehˇ-awˇ, gaˇ mˇ-eu gʼaˇ duˬ lehˬ hmˬ-euˬ meh.

Yawˇbaˆ 16:5

Muiˬ-eu nui noeˬ nui duˇ biꞈ-eu dawˬ neh naw maꞈ-ahˇ gʼaˬ biꞈ-awˇ, naw maꞈ nui ma saˇ laˇ ni kʼawꞈ, ngehˬ nya tmˇ nya ma.

Dawqdaq 27:17

Shmˇ-ahˇ shmˇ neh ya siˬ taˆ-eu loꞈ-ehˇ, tsawˇ haˬ zaˬ tiˬ gʼaˬ tiˇ gʼaˬ ya dzaw geuꞈ-eu meh.

Dawqdaq 27:9

Naˬ maˬ hawˇ hawˇ-eu tsiˇ yaw saw jeˬ nawˬ-ahˇ laˬ kʼaˬ bi cehˇ-awˇ, guˆ-eu gaˆ-eu jeˬ nawˬ-euˬ nui ma-ahˇ shaˬ zahˬ bi naꞈ-eu meh.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Luˇkaꞈ 22:43

Mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, aˬ yawꞈ-ahˇ gʼaˬ biꞈ lahˬ nehˬ-euˬ meh.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Dawˬmehˬ 3:28

Yawˇshuˆ-ahˇ mehˬ nehˬ tsoˆ nehˬ paˬ-ehˇ gʼeh-eu jeˬ mehˬ nehˬ tsoˆ nehˬ-awˇ gʼaˬ biꞈ nehˬ-awˬ. Aˬ jeˬ miˇ neh ehˇ naˇ, nawˬ neh haw mawˇ-euˬ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ya sheuˬ uˇ gʼeh meh’ lehˇ ehˇ nehˬ laꞈ-euˬ meh.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

1 Saˬmeuˬlaˆ 23:15

Ziˇpaˬ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ, Hawˇlehˆ lehˇ kuˇ-eu jawˇ duˬ-ahˇ Daˬbiˇ jawˇ luꞈ ngeh, Sawˇluˆ aˬ yawꞈ-ahˇ sehꞈ-eu lehˇ laˇ luꞈ-eu gaˇ kawˆ aˬ yawꞈ ya siˬ-euˬ meh.

1 Saˬmeuˬlaˆ 30:6

Kʼoeˇ ngeh jawˇ, Daˬbiˇ nui ma cawˆ dui dui-eu meh. Aˬ je ˬmiˇ neh ehˇ naˇ, aˬ yawꞈ maꞈ-euˬ miˬ sawˇ zaˬ deuˬ ya smˬ-iˇ jiˇ-euˬ baˬ da neh, aˬ yawꞈ-euˬ tsawˇ haˬ deuˬ nui ma naˇ dui dui-awˇ, aˬ yawꞈ-ahˇ kʼaˬ lo neh biˬ-eu lehˇ lmˬ luꞈ-eu meh. Ehˇ kʼawꞈ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ gʼaˬ biꞈ-euˬ meh.