1 Saˬmeuˬlaˆ 23:15 - Akha

¹⁵ Ziˇpaˬ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ, Hawˇlehˆ lehˇ kuˇ-eu jawˇ duˬ-ahˇ Daˬbiˇ jawˇ luꞈ ngeh, Sawˇluˆ aˬ yawꞈ-ahˇ sehꞈ-eu lehˇ laˇ luꞈ-eu gaˇ kawˆ aˬ yawꞈ ya siˬ-euˬ meh.

1 Saˬmeuˬlaˆ 23:15 Σταυροειδείς Αναφορές

2 Saˬmeuˬlaˆ 4:8

Aˬ yawꞈ nyaꞈ nmˇ Heˬbyoˬ meuˬ-ahˇ sahˬ paˬ Daˬbiˇ jawˇ gaˇ uˬ duˬ kʼoeˇ siˬ yuˇ gʼeh nehˬ-awˇ, “Uˬ duˬ heu siˬ-aˬ, nawˬ-ahˇ muiˇ-awˇ sehꞈ-eu lehˇ leh jeh yaꞈ-eu Sawˇluˆ-euˬ aˬ li Iˇshaˬbawˇshehˆ-euˬ uˬ duˬ ma. Iˬ nah Sahˬpaˬ Miˬyehˇ nawˬ-euˬ gʼaˇ duˬ Sawˇluˆ hawˇ-eu aˬ yawꞈ-euˬ zaˬ deuˬ-ahˇ laꞈ poˆ poˆ nehˬ-euˬ meh” lehˇ ehˇ nehˬ-euˬ meh.

Daˬyeˬlaˇ 10:18

Aˬ yawꞈ ngaˬ-ahˇ tiˬ poˆ paˇ nyehꞈ tehꞈ ngeh, gʼaˬ ui cuiˆ paˇ ahˇ dzehˬ laˇ-euˬ miˇ-a.

HeˬByehˇ 11:38

Miˇ tsaˬ tahˬ kʼawˇ heu-aˬ, aˬ yawꞈ maꞈ loꞈ-ehˇ muiˬ-eu tsawˇ haˬ deuˬ-ahˇ maˬ geuˇ-a. Aˬ yawꞈ maꞈ-aˬ, gawˬ jawˬ gawˬ duˇ bawˇ tsahˬ bawˇ dahˇ doe ni pawˇ pawˇ-ehˇ, miˇ tsa dahˇ-eu lo kʼahˬ lo byoe doe ni jawˇ-euˬ meh.

1 Saˬmeuˬlaˆ 23:14

Ziˇpaˬ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ, gawˬ jawˬ gawˬ duˇ-ahˇ Daˬbiˇ cehˆ zaꞈ-awˇ jawˇ-euˬ meh. Kʼoeˇ ngeh, aˬ yawꞈ-ahˇ poˆ mawˇ-eu gʼaˇ duˬ, Sawˇluˆ maˬ naˬ leˇ ni leh jeh luꞈ-eu meh. Ehˇ kʼawꞈ, Miˬyehˇ aˬ yawꞈ-ahˇ Sawˇluˆ-euˬ aˬ laꞈ laꞈ kʼoeˇ maˬ a nehˬ-a.

1 Saˬmeuˬlaˆ 23:16

Daˬbiˇ jawˇ-eu Hawˇlehˆ-ahˇ Yawˇnaˆshaˬ le-awˇ, “Miˬyehˇ nawˬ-ahˇ haw piˇ nehˬ laꞈ tehꞈ-a” lehˇ ehˇ-awˇ gʼaˬ biꞈ nehˬ-euˬ meh.

1 Saˬmeuˬlaˆ 23:3

Ehˇ kʼawꞈ, Daˬbiˇ-euˬ tsawˇ haˬ deuˬ Daˬbiˇ-ahˇ ehˇ-eu, “Aˬ dui maꞈ heu gaˇ Yuˇdaˆ miˇ kʼahˬ laꞈ kʼoeˇ jawˇ luꞈ-eu tehꞈ-ehˇ kʼawꞈ, guˆ kʼaˇ za-eu-aˬ, nymˬ-mˇ Kiˇlahˬ meuˬ-ahˇ Piˇliˇtiˆ tsawˇ haˬ deuˬ-ahˇ guiˇ paˇ deuˆ-iˇ naˇ, heu naˆ maˬ tseˆ shaˬ laˇ-eu maˬ ngeuˇ-a loˇ.”

1 Saˬmeuˬlaˆ 26:3

Yeˬshiˇmoˬ meuˬ-euˬ nahˇ ma doˆ kʼehˬ paw jaˆ-eu gaˇ ma gaˇ dzeˇ, Haˬciˇlahˬ gawˬ jawˬ-ahˇ taˆ tsoˆ-awˇ jawˇ-euˬ meh. Daˬbiˇ bawˇ tsahˬ bawˇ dahˇ laꞈ kʼoeˇ jawˇ luꞈ-awˇ, Sawˇluˆ aˬ yawꞈ-ahˇ poˆ le-euˬ gaˇ kawˆ ya siˬ-euˬ meh.