1 Saˬmeuˬlaˆ 22:6 - Akha

⁶ Tiˬ nah keuˆ laˇ ngeh, Giˇbyaˬ meuˬ laꞈ kʼoeˇ, miˬ shuˬ paꞈ muˆ aˇ bawˇ dawˬ pehˬ-ahˇ, Sawˇluˆ gahˬ tuˆ tehˬ-awˇ nuiˇ luꞈ-eu meh. Aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼawꞈ, aˬ yawꞈ nuiˇ luꞈ-eu jawˬ jawˬ-ehˇ yawꞈ luꞈ-eu meh. Kʼoeˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ poˆ mawˇ-euˬ gaˇ kawˆ aˬ yawꞈ ya gaˬ gʼaˬ-euˬ meh.

1 Saˬmeuˬlaˆ 22:6 Σταυροειδείς Αναφορές

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Yaˇ kʼaˬ daˇ 4:5

Eˇpaˬleˬ miˇ kʼahˬ gawˬ jawˬ gawˬ duˇ-ahˇ, Laˬmahˬ meuˬ hawˇ-eu Beˬdeˬlaˇ meuˬ yaw kaˬ-ahˇ jaˆ-eu daoˇ aˇ bawˬ tiˬ bawˬ dawˬ pehˬ-ahˇ aˬ yawˬ jawˇ-awˇ, Iˇsaˬleˬlaˆ tsawˇ haˬ deuˬ kʼoeˇ gaˇ le-awˇ yaˇ kʼaˬ bi daˇ-euˬ meh.

1 Saˬmeuˬlaˆ 14:2

Sawˇluˆ-aˬ, Giˇbyaˬ meuˬ nehˬ-ehˇ maˬ kaˬ maˬ kaˇ-ehˇ jaˆ-eu Miˇgaˬloˬ meuˬ-ahˇ, aˇ ka uˆ aˇ bawˇ dawˬ pehˬ-ahˇ taˆ tsoˆ-awˇ jawˇ luꞈ-eu meh. Aˬ yawꞈ nehˬ-ehˇ yehˇ koꞈ yaˇ gʼaˬ ehˇ gʼaˬ ni jawˇ-eu meh.

1 Saˬmeuˬlaˆ 18:10

Yawˬ nah yawˬ keuˆ laˇ ngeh, Miˬyehˇ neh bi oe-euˬ haiˬ-eu yaw sahˇ Sawˇluˆ-ahˇ uˆ lahˇ le-awˇ, aˬ yawꞈ-euˬ nymˇ laꞈ kʼoeˇ tsawˇ uˬ tiˬ gʼaˬ loꞈ-ehˇ aˬ yawꞈ toˇ toˇ-ehˇ jawˇ-eu meh. Daˬbiˇ gʼaˬ aˬ myah myah loꞈ-ehˇ deuˇ-mˬ diˬ diˬ-ehˇ jawˇ-awˇ, Sawˇluˆ gʼaˬ gahˬ tiˬ kahˇ tuˆ tehˬ luꞈ-eu meh.

1 Saˬmeuˬlaˆ 19:9

Tiˬ nah keuˆ laˇ ngeh, Sahˬpaˬ Miˬyehˇ neh bi oe-euˬ haiˬ-eu yaw sahˇ Sawˇluˆ-ahˇ paˇ uˆ lahˇ le-euˬ meh. Aˬ yawꞈ-euˬ nymˇ laꞈ kʼoeˇ gahˬ tuˆ tehˬ-awˇ aˬ yawꞈ nuiˇ luꞈ-eu meh. Daˬbiˇ gʼaˬ kʼawꞈ kʼoeˇ gaˇ deuˇ-mˬ diˬ luꞈ-eu meh.

1 Saˬmeuˬlaˆ 20:33

Kʼoeˇ ngeh, Sawˇluˆ-aˬ, Yawˇnaˆshaˬ-ahˇ gahˬ neh joeˬ sehꞈ-eu lehˇ joeˬ-euˬ meh. Kʼoeˇ miˇ neh, Daˬbiˇ-ahˇ sehꞈ-eu gʼaˇ duˬ aˬ yawꞈ-euˬ aˬ da noeˬ tsehˆ taˬ-euˬ gaˇ kawˆ Yawˇnaˆshaˬ ya siˬ duˬ-euˬ meh.

1 Saˬmeuˬlaˆ 31:13

Kʼoeˇ naˇ, shaˬ yoeˬ deuˬ yuˇ doˆ-awˇ, meuˬ kʼoeˇ meuˬ-ahˇ jaˆ-eu miˬ shuˬ paꞈ muˆ aˇ bawˇ dawˬ pehˬ-ahˇ baꞈ pahˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.