1 Saˬmeuˬlaˆ 22:23 - Akha

²³ Maˬ guˆ ni ngaˬ nehˬ-ehˇ jawˇ-awˬ. Nawˬ-ahˇ maˬ ehˇ, ngaˬ-ahˇ maˬ ehˇ, Sawˇluˆ sehꞈ mawꞈ meh. Ehˇ kʼawꞈ, ngaˬ nehˬ-ehˇ jawˇ naˇ nawˇ guˆ kʼaˇ maˬ za-aˇ.”

1 Saˬmeuˬlaˆ 22:23 Σταυροειδείς Αναφορές

2 Saˬmeuˬlaˆ 9:7

Daˬbiˇ ehˇ-eu, “Taˬ guˆ. Nawˬ da Yawˇnaˆshaˬ baˬ da neh ngaˇ nawˬ-ahˇ gʼawˬ shaˬ gaˬ nehˬ ma. Nawˬ bawˇ Sawˇluˆ-euˬ miˇ tsaˬ dawˬ tawˆ luꞈ nawˬ-ahˇ ngaˇ biꞈ kʼoꞈ-awˇ, nawˇ ngaˬ nehˬ-ehˇ aˬ myah luꞈ ya dzaˬ ya dawˇ taꞈ tehꞈ-a.”

1 Sahˬpaˬ 1:7

Sahˬ paˬ Daˬbiˇ-euˬ dmˇ ma Zeˬluˇyaˆ-euˬ aˬ li Yoˇbaˬ hawˇ-eu piˇ ma Aˬbyaˬdaˬ aˬ nyaꞈ-ahˇ aˬ yawꞈ mehˬ bawˬ mˇ haw ngeh, aˬ yawꞈ nyaꞈ kʼawꞈ aˬ yawꞈ jawˇ paw pyawˬ ma lehˇ ehˇ nehˬ-euˬ meh.

1 Sahˬpaˬ 2:26

Kʼoeˇ naˇ, piˇ ma Aˬbyaˬdaˬ-ahˇ sahˬ paˬ Sawˇlaˬmoˬ ehˇ nehˬ-eu, “Nawˬ-euˬ nymˇ jiˇ jaˆ-eu Aˬnaˬtawˇ meuˬ-ahˇ gʼoꞈ-iˇ-awˬ. Aˬ diˇ aˬ maˇ kʼaˇ ngeuˇ-eu loꞈ-ehˇ jahˇ law nmˇ-aˬ, nawˇ ya shiˇ tehꞈ-a. Ehˇ kʼawꞈ, nawˬ-ahˇ ngaˇ maˬ sehꞈ mawꞈ nya. Aˬ jeˬ miˇ neh ehˇ naˇ, ngaˬ da Daˬbiˇ nehˬ-ehˇ nawˇ jawˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˬ geuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, ngaˬ da-ahˇ nawˇ maˬ gʼawˬ-iˇ ni jawˇ-euˬ meh.”

Maꞈtehˬ 24:9

Kʼoeˇ naˇ, naw maꞈ-ahˇ paꞈ-awˇ, bi kʼehˬ bi kʼaˆ-eu gʼaˇ duˬ hawˇ-eu, bi sehꞈ-eu gʼaˇ duˬ a nehˬ gaˇ ya daˬ tehꞈ-a. Naw maꞈ ngaˬ-ahˇ jah-eu baˬ ba neh, tsawˇ jeuˬ dawˬ tawˆ luꞈ naw maˬ-ahˇ muiˇ tehꞈ-a.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 17:12

Ngaˇ aˬ yawꞈ maꞈ nehˬ-ehˇ jawˇ luꞈ ngeh, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ-euˬ ma. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni byoˆ-iˇ-euˬ kʼoeˇ tiˬ gʼaˬ maˬ ngeuˇ naˇ, aˬ yawꞈ maꞈ tiˬ gʼaˬ-iˬ maˬ bi byoˆ-iˇ ni ngaˇ haw lahˇ-euˬ ma.

Yoˇhaˬ 18:9

Yeˬsuˇ kʼoeˇ loꞈ-ehˇ ehˇ-eu kʼoeˇ-aˬ, “Aˬda-oˇ, nawˬ neh ngaˬ-ahˇ biꞈ laꞈ-euˬ tsawˇ haˬ tiˬ gʼaˬ-iˬ maˬ bi byoˆ-iˇ-aˬ” lehˇ, aˬ yawꞈ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

1 Saˬmeuˬlaˆ 23:17

Yawˇnaˆshaˬ ehˇ-eu, “Taˬ guˆ. Ngaˬ da Sawˇluˆ nawˬ-ahˇ tiˬ jeˬ-iˬ maˬ jahˇ laˇ nya-a. Nawˇ Iˇsaˬleˬlaˆ tsawˇ jeuˬ-euˬ sahˬ paˬ ya pyeuꞈ laˇ-awˇ, ngaˇ nawˬ-euˬ laꞈ oˆ teˬ ni jawˇ-awˇ gaˇ ya mˇ-eu gaˇ kawˆ aˬ yawꞈ siˬ duˬ luꞈ meh.”