1 Saˬmeuˬlaˆ 22:19 - Akha

¹⁹ Piˇ ma deuˬ jawˇ-eu meuˬ pyeuꞈ-eu Noˇbaˆ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ kʼawꞈ sehꞈ jiˇ-awˬ lehˇ, Sawˇluˆ dawˬ biꞈ-euˬ meh. Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ maˬ ehˇ, zaˬ guˬ deuˬ hawˇ-eu zaˬ yaw nahˬ deuˬ maˬ ehˇ, mawˇ neˇ, mahˬ tahˬ laˆ hawˇ-eu yawˇ dawˬ tawˆ luꞈ maˬ ehˇ, maˬ bi dzeuˇ-iˇ ni sehꞈ jiˇ-euˬ meh.

1 Saˬmeuˬlaˆ 22:19 Σταυροειδείς Αναφορές

Neˬhaˬmiˇ 11:32

Aˬnaˬtawˇ meuˬ, Noˇbaˆ meuˬ, Aˬnaˬniˇyaˆ meuˬ,

Iˇsaˬyaˇ 10:32

Iˬ nah muiˇ-eu deuˬ Noˇbaˆ meuˬ-ahˇ oe keuˆ-awˇ, Ziˇoˬ gawˬ jawˬ hawˇ-eu Yeˬluˇsaˬlehˬ meuˬ-ahˇ, laꞈ du cawˬ doˆ-awˇ lmˬ tehꞈ-a.

Hawˇseˬ 10:14

naw maꞈ kʼoeˇ taˆ guiˇ keuˆ le-awˇ, taˆ dawˬ tawˆ luꞈ cawˆ jiˇ tehꞈ-a. Sahˬpaˬ Shaˬlaˬmaˬ guiˇ deuˆ-awˇ, Behˬaˬbeˬlaˇ meuˬ laˆ cawˆ ngeh, aˬ ma hawˇ-eu zaˬ dawˬ tawˆ luꞈ, coeˇ tsehˆ nehˬ gaˇ duˇ leˇ tehꞈ-a.

Maꞈtehˬ 21:16

Kʼoeˇ miˇ neh, aˬ yawꞈ maꞈ Yeˬsuˇ-ahˇ ehˇ-eu, “Zaˬ teu deuˬ aˬ jeˬ guˇ luꞈ-eu nawˬ-ahˇ maˬ gaˬ laˇ nya loˇ.” Yeˬsuˇ ehˇ-eu, “Ngaˇ gaˬ luꞈ ma. ‘Zaˬ yaw nyiˇ deuˬ hawˇ-eu zaˬ nahˬ deuˬ tiˬ byah tiˬ loꞈ ja ceuˬ nya laˇ ni, nawˇ mehˬ nehˬ tsoˆ nehˬ-euˬ meh’ lehˇ ehˇ taˬ-euˬ jaˇ liꞈ dawˬ kawˬ-ahˇ naw maꞈ tiˬ poˆ-iˬ maˬ gui haw-aˬ loˇ.”

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Yawˇshuˆ 6:17

Meuˬ hawˇ-eu meuˬ laꞈ kʼoeˇ kʼaˇ jaˆ-eu yawˬ jeˬ na luꞈ, Sahˬpaˬ Miˬyehˇ-ahˇ lawˇ nehˬ-eu jeˬ loꞈ-ehˇ sawˇ-awˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni ya laˆ luˬ ya laˆ seˇ nehˬ meh. Meh maˬ laˇ Laˬhaˇ hawˇ-eu aˬ yawꞈ-euˬ nymˇ jiˇ-ahˇ tehꞈ-ehˇ maˬ laˆ luˬ maˬ laˆ seˇ nehˬ ni ya taˬ nehˬ meh. Aˬ jeˬ miˇ neh ehˇ naˇ, aˬ dui neh bi kʼoeˬ sho haw leˇ-euˬ tsawˇ haˬ-ahˇ aˬ yawꞈ sheuˬ zaꞈ nehˬ-euˬ meh.

Yawˇshuˆ 6:21

Meuˬ-ahˇ kʼaˇ jawˇ-eu kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ guˬ maˬ ehˇ, tsawˇ kʼaˆ maˬ ehˇ, yawˬ gʼaˬ na luꞈ-ahˇ mi cehˇ neh aˬ yawꞈ maꞈ sehꞈ-euˬ meh. Mawˇ neˇ, yawˇ hawˇ-eu ciꞈ myehꞈ deuˬ-ahˇ kʼawꞈ aˬ yawꞈ maꞈ sehꞈ-euˬ meh.

1 Saˬmeuˬlaˆ 15:3

Aˬmaˬlehˇ tsawˇ haˬ deuˬ-ahˇ nawˇ guiˇ deuˆ-iˇ-awˇ, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni laˆ luˬ laˆ seˇ jiˇ nehˬ-awˬ. Tiˬ jeˬ-iˬ taˬ bi dzeˇ yaꞈ. Zaˬ miˬ zaˬ kʼaˬ dzeˇ zaˬ hawˇ-eu, zaˬ guˬ zaˬ nahˬ maˬ tseˇ paˆ ni, dawˬ tawˆ luꞈ sehꞈ jiˇ-awˬ. Mawˇ neˇ, yawˇ, law taw, mahˬ tahˬ laˆ dawˬ tawˆ luꞈ sehꞈ dzeh jiˇ-awˬ.”

1 Saˬmeuˬlaˆ 15:8

Aˬmaˬlehˇ sahˬ paˬ Aˬgaˆ-ahˇ yaw dehꞈ-ehˇ nyehꞈ mi-awˇ, tsawˇ haˬ dawˬ tawˆ luꞈ-ahˇ sehꞈ-euˬ meh.

1 Saˬmeuˬlaˆ 15:9

Ehˇ kʼawꞈ, Sawˇluˆ hawˇ-eu aˬ yawꞈ-euˬ tsawˇ haˬ deuˬ Aˬgaˆ-ahˇ maˬ sehꞈ ni bi jawˇ-euˬ meh. Muiˬ dui dui-eu yawˇ hawˇ-eu mawˇ neˇ deuˬ maˬ ehˇ, muiˬ dui dui-eu yawˇ zaˬ hawˇ-eu mawˇ neˇ mawˇ zaˬ deuˬ maˬ ehˇ, maˬ sehꞈ ni bi jawˇ-euˬ meh. Kʼaˇ muiˬ-eu jeˬ dawˬ tawˆ luꞈ-ahˇ maˬ laˆ cawˆ ni bi jaˆ-euˬ meh. Gaˇ dahˇ maˬ tsoeˬ-eu jeˬ hawˇ-eu aˇ poeˬ maˬ baw-eu jeˬ tehꞈ-ehˇ aˬ yawꞈ maꞈ laˆ cawˆ-euˬ meh.

1 Saˬmeuˬlaˆ 21:1

Kʼoeˇ naˇ, Noˇbaˆ meuˬ-ahˇ Aˬhiˇmaˬlehˇ jawˇ gaˇ Daˬbiˇ iˇ-euˬ meh. Kʼoeˇ ngeh, Aˬhiˇmaˬlehˇ yaw dzuˬ dzuˬ dzuˬ-ehˇ doˆ le-awˇ, “Aˬ jeˬ miˇ neh cawˬ tiˬ gʼaˬ-iˬ maˬ ahˇ ni nawˇ tehꞈ-ehˇ heu gaˇ oe teˬ” lehˇ naˇ haˬ-eu meh.

1 Saˬmeuˬlaˆ 22:11

Kʼoeˇ ngeh, sahˬ paˬ Sawˇluˆ tsawˇ haˬ pyehˬ gʼeh-awˇ, piˇ ma Aˬhiˇmaˬlehˇ-ahˇ maˬ ehˇ, Noˇbaˆ meuˬ-ahˇ piˇ ma geuꞈ luꞈ-eu aˬ yawꞈ-euˬ aˬ yuiꞈ aˬ nyiˇ dawˬ tawˆ luꞈ maˬ ehˇ, aˬ yawꞈ jawˇ gaˇ bi kuˇ laꞈ-euˬ meh.

1 Saˬmeuˬlaˆ 22:9

Kʼoeˇ ngeh, Doˇgaˆ gʼaˬ kʼawꞈ, Sawˇluˆ-euˬ gaˇ mˇ-eu yaw huiˬ yaw mahˇ deuˬ nehˬ-ehˇ yawꞈ luꞈ-eu meh. Aˬ yawꞈ ehˇ-eu, “Noˇbaˆ meuˬ-ahˇ Aˬhiˇtuˆ-euˬ aˬ li Aˬhiˇmaˬlehˇ jawˇ gaˇ ngaˇ iˇ ngeh, Daˬbiˇ-ahˇ kʼoeˇ gaˇ ya mawˇ-euˬ ma.