1 Saˬmeuˬlaˆ 20:3 - Akha

³ Ehˇ kʼawꞈ, Daˬbiˇ ehˇ-eu, “Nawˇ ngaˬ-ahˇ aˇ naˆ ni gʼoeˇ-eu gaˇ kawˆ nawˬ da siˬ duˬ-eu miˇ neh, nawˇ noeˬ shaˬ gaˇ guˆ-awˇ, aˬ yawꞈ mˇ-eu lehˇ gʼeh-eu gaˇ kawˆ heu hmˬ nawˬ-ahˇ maˬ bi siˬ ni mˇ ma lehˇ aˬ yawꞈ noeˬ tsehˆ-euˬ tehꞈ-a. Ngaˇ ya shiˇ-eu gʼaˇ duˬ kuiˇ toꞈ tiˬ toꞈ ca-eu tehꞈ miˇ-a lehˇ, dehꞈ luꞈ-eu Sahˬpaˬ Miˬyehˇ mehˬ shi nawˬ-ahˇ ngaˇ ehˇ-eu ma.”

1 Saˬmeuˬlaˆ 20:3 Σταυροειδείς Αναφορές

2 Saˬmeuˬlaˆ 15:21

Ehˇ kʼawꞈ, Iˇtehˇ ehˇ-eu, “Sahˬ paˬ-oˇ, nawˇ kʼaˇ iˇ gaˇ nawˬ-euˬ mehˬ nah ngaˇ aˬ myah luꞈ caw teh ma lehˇ, Sahˬpaˬ Miˬyehˇ-euˬ tsawˇ myahˇ uˬ moˆ ngaˇ saˇ jaˇ dzaˬ-eu ma. Shiˇ-eu jeˬ keuˆ le kʼawꞈ ehˬ ngeuˇ luꞈ-uˇ.”

2 Sahˬpaˬ 2:2

Gaˇ pehˇ iˇ luꞈ ngeh, “Nawˇ heu gaˇ jawˇ yaꞈ-awˬ. Sahˬpaˬ Miˬyehˇ ngaˬ-ahˇ Beˬdeˬlaˇ meuˬ-ahˇ iˇ-awˬ lehˇ dawˬ biꞈ laꞈ-euˬ meh” lehˇ Eˇliˇyaˆ Eˇliˇshehˇ-ahˇ ehˇ nehˬ-euˬ meh. Ehˇ kʼawꞈ, Eˇliˇshehˇ gʼaˬ, “Sahˬpaˬ Miˬyehˇ hawˇ-eu nawˇ kʼaˇ dehꞈ kʼoeˇ keuˆ ni, nawˬ-ahˇ ngaˇ maˬ gʼawˬ-iˇ lehˇ ngaˇ kamˬ-eu ma” lehˇ ehˇ-eu meh. Kʼoeˇ naˇ, aˬ yawꞈ nyaꞈ Beˬdeˬlaˇ meuˬ-ahˇ iˇ gʼeh-euˬ meh.

2 Sahˬpaˬ 2:4

Kʼoeˇ naˇ, Eˇliˇyaˆ neh Eˇliˇshehˇ-ahˇ, “Nawˇ heu gʼaˇ jawˇ yaꞈ-awˬ. Sahˬpaˬ Miˬyehˇ ngaˬ-ahˇ Yeˬliˇkoˇ meuˬ-ahˇ iˇ-awˬ lehˇ dawˬ biꞈ taˬ-euˬ meh” lehˇ ehˇ nehˬ-euˬ meh. Ehˇ kʼawꞈ, “Sahˬpaˬ Miˬyehˇ hawˇ-eu nawˇ kʼaˇ dehꞈ kʼoeˇ keuˆ ni, nawˬ-ahˇ ngaˇ maˬ gʼawˬ-iˇ lehˇ kamˬ-eu ma” lehˇ, Eˇliˇshehˇ paˇ ehˇ kʼoꞈ nehˬ-euˬ meh. Kʼoeˇ naˇ, aˬ yawꞈ nyaꞈ Yeˬliˇkoˇ meuˬ-ahˇ iˇ-euˬ meh.

2 Sahˬpaˬ 2:6

Kʼoeˇ naˇ, Eˇliˇshehˇ-ahˇ Eˇliˇyaˆ ehˇ nehˬ-eu, “Nawˇ heu gaˇ jawˇ yaꞈ-awˬ. Sahˬpaˬ Miˬyehˇ ngaˬ-ahˇ Yawˇdaˬ lawˇ baˬ-ahˇ iˇ-awˬ lehˇ dawˬ biꞈ laꞈ-euˬ meh.” Eˇliˇshehˇ ehˇ-eu,“Sahˬpaˬ Miˬyehˇ hawˇ-eu nawˇ kʼaˇ dehꞈ kʼoeˇ keuˆ ni, nawˬ-ahˇ ngaˇ maˬ gʼawˬ-iˇ lehˇ kamˬ-eu ma.” Kʼoeˇnaˇ, aˬ yawꞈ nyaꞈ Yawˇdaˬ lawˇ baˬ-ahˇ iˇ-euˬ meh.

Jaceuq 116:3

Shiˇ-eu lahˇ ju ngaˬ-euˬ tiˬ jawˬ kʼmˇ taˬ-euˬ meh. Lmˬ bymˇ-euˬ naˇ shmˇ ngaˬ-euˬ tiˬ jawˬ oe luꞈ meh. Ngaˬ-euˬ nui ma shaˬ zahˬ naꞈ dui dui nya.

Yeˬlaˬmiˇ 38:16

Kʼoeˇ ngeh, sahˬ paˬ Zeˬdaˬkiˇ ngaˬ-ahˇ ciˬ cuˇ ni kʼoeˬ saˆ-awˇ, “Nawˬ-ahˇ ngaˇ maˬ sehꞈ-eu uˬ taꞈ, nawˬ-ahˇ sehꞈ mawꞈ-eu deuˬ-euˬ laꞈ-ahˇ kʼawꞈ maˬ bi ahˇ leˇ lehˇ, aˬ dui-ahˇ dehꞈ-eu saꞈ laˇ biꞈ laꞈ-euˬ Miˬyehˇ pyeuꞈ-eu, dehꞈ luꞈ-eu Miˬyehˇ mehˬ shi ngaˇ kamˬ-eu ma.”

Yeˬlaˬmiˇ 4:2

naw maꞈ saˇ jaˇ dzaˬ-awˇ kamˬ ngeh, ngaˬ-euˬ tsawˇ myahˇ zmˬ-awˇ kamˬ nya tehꞈ-a. Kʼoeˇ ngeh tsawˇ jeuˬ dawˬ tawˆ luꞈ kʼawꞈ, guiˬ lahˬ biꞈ laꞈ lehˇ ngaˬ-ahˇ shaˇ laˇ-awˇ ngaˬ-ahˇ ja ceuˬ tehꞈ-a.”

Dawˬmehˬ 28:66

Nawˇ yaw dehꞈ dehꞈ-eu jeˬ-aˬ, aˬ myah luꞈ guˆ kʼaˇ za tehꞈ-a. Uˬ ciꞈ nah gʼahˇ maˬ ehˇ, nawˇ guˆ guˆ-ehˇ ya jawˇ-awˇ, aˬ geu ngeh ya shiˇ-eu maˬ siˬ lehˇ, nawˇ maˬ tsehˆ leˇ ni noeˬ guˆ noeˬ guˆ-ehˇ ya dehꞈ tehꞈ-a.

Dawˬmehˬ 6:13

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˇ, aˬ yawꞈ-ahˇ tehꞈ-ehˇ uˬ duˬ tahˬ-eu laꞈ kʼoeˇ, aˬ yawꞈ-euˬ tsawˇ myahˇ uˬ moˆ tehꞈ-ehˇ naw maꞈ saˇ jaˇ dzaˬ-awˬ.

HeˬByehˇ 6:16

Tsawˇ haˬ tiˬ gʼaˬ na tiˬ jeˬ paˬ gaˇ kawˆ kamˬ ngeh, yawˬ ha naˆ maˬ tseˇ huiˬ dzehˬ mahˇ dzehˬ-eu tsawˇ haˬ tiˬ gʼa-euˬ tsawˇ myahˇ-ahˇ gʼoe-awˇ kamˬ-eu meh. Kʼoeˇ loꞈ-ehˇ kamˬ-eu baˬ da neh, gaˇ kawˆ kʼoeˇ-ahˇ tiˬ gʼaˬ-iˬ maˬ laˆ pyawˆ nya-a.

1 Saˬmeuˬlaˆ 1:26

Eˇliˆ-ahˇ Haˬnahˬ ehˇ nehˬ-eu, “Aˬ bawˇ piˇ ma-oˇ, nawˇ ngaˬ-ahˇ noeˬ nya siˬ loˇ. Nawˬ-euˬ mehˬ shi heu tsahˇ yawꞈ-awˇ Sahˬpaˬ Miˬyehˇ-ahˇ guiˬ lahˬ shaˇ-euˬ zaˬ miˬ zaˬ zaˬ guˬ kʼoeˇ gʼaˬ ngaˇ ma tawˇ.

1 Saˬmeuˬlaˆ 17:55

Gawˇliˇyaˆ-ahˇ deuˆ ceh ceh-eu lehˇ Daˬbiˇ le luꞈ gaˇ Sawˇluˆ ya mawˇ ngeh, aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ luꞈ-eu Aˬbaˬnaˬ-ahˇ, “Aˬbaˬnaˬ-oˇ, aˬ li teu gʼaˬ aˬ suˇ gʼaˬ-euˬ zaˬ-a” lehˇ naˇ haˬ-euˬ meh. Aˬbaˬnaˬ gʼeh, “Sahˬ paˬ-oˇ, ngaˇ maˬ siˬ nya nya” lehˇ paˇ ehˇ kʼoꞈ nehˬ-euˬ meh.

1 Saˬmeuˬlaˆ 20:2

Yawˇnaˆshaˬ ehˇ-eu, “Miˬyehˇ nawˬ-ahˇ shiˇ gaˇ maˬ bi keuˆ-a. Ngaˬ da-aˬ, huiˬ-eu gaˇ maˬ ehˇ, nyiˇ-eu gaˇ maˬ ehˇ, aˬ yawꞈ kʼaˇ mˇ-eu lehˇ gʼeh-eu jeˬ dawˬ tawˆ luꞈ ngaˬ-ahˇ ehˇ nehˬ laꞈ-eu meh. Gaˇ kawˆ heu hmˬ kʼawꞈ, aˬ yawꞈ ngaˬ-ahˇ maˬ ehˇ nehˬ laꞈ ni maˬ zaꞈ taˬ-aˇ. Nawˇ ehˇ-eu loꞈ-ehˇ maˬ ngeuˇ-eu paˬ”

1 Saˬmeuˬlaˆ 20:4

Kʼoeˇ ngeh, “Nawˇ kʼaˇ loˬ-eu jeˬ ngaˇ mˇ nehˬ ma” lehˇ, Daˬbiˇ-ahˇ Yawˇnaˆshaˬ ehˇ nehˬ-euˬ meh.

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.

1 Saˬmeuˬlaˆ 27:1

Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”