1 Saˬmeuˬlaˆ 2:35 - Akha

³⁵ Ngaˬ-ahˇ saˇ jaˇ ziꞈ-awˇ ngaˇ kʼaˇ bi mˇ mawꞈ-eu jeˬ mˇ-eu piˇ ma tiˬ gʼaˬ ngaˇ tseˇ doˆ ma. Kʼoeˇ gʼaˬ-euˬ zaˬ deuˬ uˆ deuˬ jeuˬ le o le-awˇ, ngaˬ neh tseˇ doˆ-euˬ sahˬ paˬ mehˬ shi aˬ yawꞈ aˬ myah luꞈ gaˇ ya mˇ tehꞈ-a.

1 Saˬmeuˬlaˆ 2:35 Σταυροειδείς Αναφορές

2 Saˬmeuˬlaˆ 7:27

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-oˇ, gaˇ kawˆ heu deuˬ dawˬ tawˆ luꞈ, nawˬ-euˬ zaˬ kʼaˆ pyeuꞈ-eu ngaˬ-ahˇ pah mehˬ nehˬ laꞈ-awˇ, ngaˬ-euˬ zaˬ deuˬ uˆ deuˬ-ahˇ dzoeˬ dzaˬ bi oꞈ ma lehˇ nawˇ ngaˬ-ahˇ ehˇ-eu miˇ neh, ngaˇ nawˬ-ahˇ heu loꞈ-ehˇ guiˬlahˬ shaˇ peuˬ-eu ma.

1 Sahˬpaˬ 1:45

Piˇ ma Zaˬdoˆ hawˇ-eu, Miˬyehˇ gʼaˇ duˬ ngehˬ dah-eu Naˬdaˬ aˬ nyaꞈ neh, Giˇhoˬ iˇ cuꞈ lawˇ gawˆ dawˬ peh aˬ yawꞈ-ahˇ tsiˇ shehˆ daˆ nehˬ-awˇ, sahˬ paˬ ka nehˬ-euˬ meh. Kʼoeˇ naˇ, aˬ yawꞈ maꞈ laˬ kʼaˬ cehˇ-eu laꞈ kʼoeˇ guˇ guˇ-ehˇ meuˬ-ahˇ gʼoꞈ uˇ laˇ-awˇ, meuˬ-ahˇ jawˇ-eu tsawˇ haˬ deuˬ luiˬ gʼa luꞈ meh. Naw maꞈ ya gaˬ-eu teˇ saˇ kʼoeˇ-aˬ, tsawˇ haˬ kʼoeˇ deuˬ luiˬ gʼa luꞈ-eu teˇ saˇ meh.

1 Sahˬpaˬ 1:8

Ehˇ kʼawꞈ, piˇ ma Zaˬdoˆ, Yeˬhawˇyaˬdaˬ-euˬ aˬ li Baˬnaˇyaˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Shiˇmiˇ, Yeˬiˇ aˬ ha maꞈ hawˇ-eu, Daˬbiˇ-ahˇ loꞈ piˇ-eu deuˬ-aˬ, Aˬdawˇniˇyaˆ jawˇ paw maˬ pyawˬ-a.

1 Sahˬpaˬ 11:38

Ngaˬ-euˬ zaˬ kʼaˆ Daˬbiˇ loꞈ-ehˇ, ngaˬ-euˬ ehˇ dawˬ tiˬ dawˬ-iˬ maˬ bi dzeˇ ni nawˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ caw teh-eu laꞈ kʼoeˇ, ngaˬ neh ehˇ-euˬ jeˬ mˇ-awˇ, ngaˇ nui ma tsaˬ-eu loꞈ-ehˇ dehꞈ naˇ, nawˬ nehˬ-ehˇ ngaˇ aˬ myah luꞈ jawˇ ma. Nawˬ-ahˇ Iˇsaˬleˬlaˆ miˇ kʼahˬ-euˬ sahˬ paˬ bi pyeuꞈ laˇ-awˇ, Daˬbiˇ-ahˇ ngaˬ neh jahˇ nehˬ-euˬ loꞈ-ehˇ, nawˬ-euˬ miˇ kʼahˬ laꞈ kʼoeˇ nawˬ-euˬ zaˬ nawˬ-euˬ uˆ deuˬ dzoeˬ dzaˬ oꞈ ni ngaˇ jahˇ nehˬ ma.

1 Sahˬpaˬ 2:35

Kʼoeˇ naˇ, sahˬ paˬ Sawˇlaˬmoˬ neh Baˬnaˇyaˬ-ahˇ Yoˇbaˬ-euˬ dah zaˇ guiˇ maꞈ kʼoeˇ taˆ uˆ lahˇ-eu gʼaˬ bi geuꞈ-awˇ, Zaˬdoˆ-ahˇ Aˬbyaˬdaˬ-euˬ dah zaˇ piˇ ma bi geuꞈ-euˬ meh.

1 Laˬsaˬbaˬ 29:22

Kʼoeˇ ngeh nah, Sahˬpaˬ Miˬyehˇ mehˬ shi aˬ yawꞈ maꞈ dzaˬ-awˇ dawˇ-awˇ, byawˬ gʼa dui dui-euˬ meh. Sawˇlaˬmoˬ-ahˇ, aˬ yawꞈ maꞈ nyiˬ poˆ tiˬ poˆ sahˬ paˬ paˇ ka nehˬ-euˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ maꞈ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˇ, Zaˬdoˆ gʼaˬ-ahˇ kʼawꞈ, piˇ ma bi geuꞈ-eu gʼaˇ duˬ tsiˇ shehˆ daˆ nehˬ-euˬ meh.

Jaceuq 18:50

Yawꞈneh ka nehˬ-euˬsahˬpaˬ-ahˇ, gʼaˬleˇ-eu baoˬyawꞈbiꞈnehˬ-awˇ, yawꞈneh tsiˇlehꞈ-euˬgʼaˬpyeuꞈ-eu, Daˬbiˇ-euˬtsuiꞈtoeˬcaw ka-awˇ, mˬmaˬmaˬbyaˆgaˬnehˬ-eu meh.

Jaceuq 2:2

SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Doˆ-iˇ 1:21

Zaˬ miˬ zaˬ kʼoeˇ nyiˬ gʼaˬ Miˬyehˇ-ahˇ yaw zeu baw-eu miˇ neh, aˬ yawꞈ nyaꞈ-ahˇ kʼawꞈ zaˬ gʼawˬ mya ni Miˬyehˇ bi jawˇ le-euˬ meh.

Yeˬsaˬgeˬlaˇ 34:23

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ tehꞈ-ehˇ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-ahˇ bo-eu yawˇ bo-eu yaw sahˇ bi geuꞈ ma.

Bawˇtsahˬ 25:13

Aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-aˬ, aˬ myah luꞈ piˇ ma ya geuꞈ tehꞈ-a. Aˬ jeˬ miˇ neh ehˇ naˇ, miˬyehˇ nui taw nui gʼaˬ-ahˇ uˬ duˬ tahˬ-eu jeˬ-ahˇ aˬ yawꞈ muiˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ iˬ baˇ pyehˬ nehˬ ni aˬ yawꞈ mˇ-euˬ meh.”

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

1 Saˬmeuˬlaˆ 10:10

Sawˇluˆ hawˇ-eu aˬ yawꞈ-euˬ zaˬ kʼaˆ Giˇbyoˬ meuˬ-ahˇ le keuˆ ngeh, Miˬyehˇ gʼaˇ duˬ ngehˬ dah-eu deuˬ-ahˇ tahˬ puˬ-euˬ meh. Miˬyehˇ-euˬ yaw sahˇ Sawˇluˆ-ahˇ ja pyuˬ ni uˆ lahˇ le-awˇ, aˬ yawꞈ maꞈ nehˬ-ehˇ aˬ yawꞈ cehˆ gawꞈ leˇ-awˇ, gaˇ nyeh nyeh-awˇ guˇ-euˬ meh.

1 Saˬmeuˬlaˆ 10:9

Saˬmeuˬlaˆ jawˇ gaˇ neh Sawˇluˆ doˆ-iˇ ngeh, Miˬyehˇ neh Sawˇluˆ-euˬ nui ma-ahˇ yawˬ jeˬ yawˬ bi paˇ laˇ-euˬ meh. Saˬmeuˬlaˆ neh Sawˇluˆ-ahˇ kʼaˇ ehˇ nehˬ-euˬ yawˬ jeˬ na luꞈ, kʼoeˇ ngeh nah laꞈ kʼoeˇ pyeuꞈ laˇ-euˬ meh.

1 Saˬmeuˬlaˆ 12:3

Nymˬ-mˇ ngaˇ heu gaˇ yawꞈ luꞈ-eu ma. Ngaˬ neh mˇ lehˬ taˬ-euˬ tiˬ jeˬ paˬ jaˆ naˇ, Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ mehˬ shi nymˬ-mˇ ehˇ doˆ-awˬ. Aˬ cawˬ-euˬ mawˇ neˇ hawˇ-eu aˬ cawˬ-euˬ mahˬ tahˬ laˆ-ahˇ ngaˬ neh yuˇ geuꞈ taˬ-euˬ jaˆ ta loˇ. Ngaˬ neh aˬ cawˬ-ahˇ myawꞈ dzaˬ kʼaˆ dzaˬ-euˬ jaˆ ta loˇ. Aˬ cawˬ neh laꞈ nmꞈ nmꞈ nehˬ laꞈ-euˬ jeˬ-ahˇ ngaˬ neh ha geuꞈ-euˬ jaˆ ta loˇ. Heu loꞈ-ehˇ gʼeh-eu jeˬ ngaˬ neh mˇ taˬ-euˬ jaˆ naˇ, ngaˬ neh kʼaˇ yuˇ-euˬ jeˬ ngaˇ biꞈ kʼoꞈ ma.”

1 Saˬmeuˬlaˆ 16:13

Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

1 Saˬmeuˬlaˆ 2:36

Nawˬ-euˬ zaˬ nawˬ-euˬ uˆ deuˬ laꞈ kʼoeˇ maˬ shiˇ-ehˇ kʼaˇ dehꞈ yaꞈ-euˬ deuˬ piˇ ma kʼoeˇ gʼaˬ jawˇ gaˇ le-awˇ, pyuˇ hawˇ-eu dzaˬ dzaˬ dawˇ dawˇ ya shaˇ leˇ gaˇ keuˆ tehꞈ-a. ‘Nga maꞈ maˬ ya mehꞈ sehꞈ-eu gʼaˇ duˬ, nawˬ-ahˇ caw mˇ paˬ-ehˇ gʼeh-eu gaˇ jaˆ naˇ bi mˇ laꞈ-awˬ’ lehˇ, piˇ ma kʼoeˇ gʼaˬ-ahˇ aˬ yawꞈ maꞈ ya shaˇ leˇ tehꞈ-a.”

1 Saˬmeuˬlaˆ 25:28

Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.

1 Saˬmeuˬlaˆ 3:1

Eˇliˆ neh mehˬ nehˬ tsoˆ nehˬ-euˬ loꞈ-ehˇ, Sahˬpaˬ Miˬyehˇ-euˬ gaˇ-ahˇ Saˬmeuˬlaˆ mˇ luꞈ-eu aˇ nah aˇ yamˬ kʼoeˇ yamˬ laꞈ kʼoeˇ, Sahˬpaˬ Miˬyehˇ neh bi tsaꞈ le-euˬ dawˬ-ahˇ yaw kʼaˆ-ehˇ maˬ ya gaˬ-ehˇ, Sahˬpaˬ Miˬyehˇ neh pah mehˬ nehˬ-euˬ jeˬ-ahˇ kʼawꞈ yaw kʼaˆ-ehˇ maˬ ya mawˇ ni pyeuꞈ-iˇ-euˬ meh.

1 Saˬmeuˬlaˆ 7:9

Saˬmeuˬlaˆ yawˇ zaˬ tiˬ mawˇ sehꞈ-awˇ, mawˇ lah-ehˇ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ bi caw ba-eu gʼaˇ duˬ Sahˬpaˬ Miˬyehˇ-ahˇ aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-euˬ meh.

1 Saˬmeuˬlaˆ 8:3

Aˬ nyaꞈ nmˇ-aˬ, aˬ da-ahˇ maˬ dzaw geuꞈ-ehˇ, pyuˇ za laˇ ni tehꞈ-ehˇ gaˇ mˇ-awˇ, aˬ cawˬ neh laꞈ nmꞈ nmꞈ nehˬ-euˬ pyuˇ yuˇ dzaˬ-eu laꞈ kʼoeˇ, dawˇ coe ni yaˇ kʼaˬ maˬ daˇ-a.

1 Saˬmeuˬlaˆ 9:12

Zaˬ miˬ aˬ buˇ zaˬ guˬ kʼoeˇ deuˬ ehˇ-eu, “Jawˇ meh. Naw nyaꞈ laˇ-eu mehˬ hu keuˆ ni jawˇ luꞈ-a siˬ. Yaw kawˇ-ehˇ le-awˬ. Iˬ nah meuˬ-ahˇ jawˇ-eu tsawˇ haˬ deuˬ gawˬ duˇ-ahˇ jaˆ-eu lawˇ duˬ-ahˇ le-awˇ, lawˇ-eu shehˇ-eu jeˬ mˇ-eu aˇ nah pyeuꞈ-eu miˇ neh, uˬ soe tseuˆ tseuˆ hawˇ-eu aˬ yawꞈ meuˬ-ahˇ laˇ keuˆ-euˬ tehꞈ-a siˬ.

1 Saˬmeuˬlaˆ 9:13

Naw nyaꞈ meuˬ-ahˇ le uˇ ngeh, gawˬ duˇ-ahˇ laˆ dawˆ taˬ-euˬ dzaˬ byawˇ dzaˬ leˇ-eu lehˇ aˬ yawꞈ maˬ le mi naˆ-ehˇ, aˬ yawꞈ-ahˇ ya mawˇ tehꞈ-a. Aˬ yawꞈ maˬ le keuˆ kʼoeˇ keuˆ ni, tiˬ gʼaˬ-iˬ maˬ dzaˬ maˬ dawˇ ni dawˬ luꞈ tehꞈ-a. Aˬ jeˬ miˇ neh ehˇ naˇ, lawˇ-eu shehˇ-eu jeˬ-ahˇ aˬ yawꞈ dawˬ ngehˬ ya gʼeh nehˬ-eu meh. Kʼoeˇ sawˇ miˇ tsa hawˇ-eu, kuˇ taˬ-euˬ tsawˇ haˬ deuˬ dzaˬ dahˬ dawˇ dahˬ beh-eu meh. Nymˬ-mˇ yaw kawˇ-ehˇ le gʼeh leꞈ-awˬ. Naw nyaꞈ aˬ yawꞈ-ahˇ ja pyuˬ ni ya tahˬ puˬ tehꞈ-a.”