1 Saˬmeuˬlaˆ 2:22 - Akha

²² Nymˬ-mˇ poˆ jawˇ, Eˇliˆ tsawˇ mawˬ mawˬ dui dui laˇ taˬ-euˬ meh. Aˬ yawꞈ-euˬ aˬ li deuˬ Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ luꞈ-eu gaˇ kawˆ hawˇ-eu, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ gaˇ mˇ luꞈ-eu zaˬ miˬ zaˬ deuˬ nehˬ-ehˇ yuꞈ taꞈ gaˇ keuˆ ni aˬ yawꞈ maꞈ dehꞈ cawˆ taˬ-euˬ gaˇ kawˆ-ahˇ, Eˇliˆ maˬ tsehˆ leˇ ni ya gaˬ luꞈ-eu meh.

1 Saˬmeuˬlaˆ 2:22 Σταυροειδείς Αναφορές

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

Aˇ dahˬ 37:2

Yaˬkoˆ-euˬ nymˇ jiˇ gaˇ kawˆ heu loꞈ-ehˇ jaˆ-eu meh. Yoˇsehˆ tseˇ shiꞈ kʼoꞈ kʼawˆ laˇ-awˇ zaˬ guˬ pyeuꞈ laˇ ngeh, aˬ yawꞈ aˬ da-euˬ ma nyiˇ Ziˇlaˬpaˬ hawˇ-eu Biˇlaˬhaˇ-euˬ aˬ li deuˬ nehˬ-ehˇ, ciꞈ myehꞈ hawˇ-eu yawˇ bo bo-ehˇ jawˇ-euˬ meh. Aˬ yawꞈ-euˬ aˇ doˆ deuˬ kʼaˇ mˇ-eu maˬ muiˬ-eu jeˬ dawˬ tawˆ luꞈ, aˬ yawꞈ-euˬ aˬ da-ahˇ aˬ yawꞈ tsaꞈ gaˬ-euˬ meh.

Doˆ-iˇ 38:8

Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ gaˇ mˇ-eu zaˬ miˬ zaˬ deuˬ-euˬ kʼaw teuꞈ ba la deuˬ yuˇ uiˬ-awˇ, guiˬ shuiˇ sehˇ byehˇ hawˇ-eu kʼoeˇ-euˬ aˬ kuiˇ jahˇ-euˬ meh.

Yeˬsaˬgeˬlaˇ 22:26

Piˇ ma deuˬ ngaˬ-euˬ zahˇ dawˬ kʼoꞈ dawˬ-ahˇ puiˬ-awˇ, yaw muiˬ yaw shawˇ jeˬ-ahˇ yaw zeu maˬ baw-a. Yaw muiˬ yaw shawˇ jeˬ hawˇ-eu maˬ muiˬ maˬ shawˇ-eu jeˬ aˬ yawꞈ maꞈ maˬ tseˇ paˆ mehˬ nehˬ-a. Jawˇ nah-ahˇ maˬ lah maˬ daw-a. Aˬ yawꞈ maꞈ kʼoeˇ loꞈ-ehˇ jahˇ-eu baˬ da neh, miˇ kʼahˬ zaˬ deuˬ ngaˬ-ahˇ yaw zeu maˬ baw-a.

1 Saˬmeuˬlaˆ 2:23

Kʼoeˇ miˇ neh, aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ aˬ jeˬ miˇ neh teu loꞈ-ehˇ mˇ luꞈ te. Aˬ yawꞈ gʼaˬ yawꞈ yawˬ ha neh kʼaˇ mˇ dzeuˇ-euˬ iˬ baˇ ngaˬ-ahˇ ehˇ doˆ nehˬ laꞈ-awˬ.

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.

1 Saˬmeuˬlaˆ 8:1

Saˬmeuˬlaˆ tsawˇ mawˬ mawˬ laˇ ngeh, aˬ yawꞈ-euˬ a li deuˬ-ahˇ Iˇsaˬleˬlaˆ miˇ kʼahˬ laꞈ kʼoeˇ yaˇ kʼaˬ daˇ-eu tsawˇ haˬ deuˬ bi geuꞈ-euˬ meh.