1 Saˬmeuˬlaˆ 2:15 - Akha

¹⁵ Kʼoeˇ uˬ taꞈ, lawˇ-eu tsawˇ haˬ kʼoeˇ gʼaˬ shaˬ tsuˇ yuˇ doˆ-awˇ miˬ dzaˬ-ahˇ dzah puiˆ-awˇ maˬ ya lawˇ mi naˆ-ehˇ, piˇ ma-euˬ gʼaˬ zaˬ oe-awˇ, “Piˇ ma shaˬ jiˇ yaw jaꞈ maˬ geuꞈ mawꞈ nya jeˇ. Yaw jmˬ tehꞈ-ehˇ geuꞈ ma jeˇ” lehˇ ehˇ le-eu meh.

1 Saˬmeuˬlaˆ 2:15 Σταυροειδείς Αναφορές

Doˆ-iˇ 12:9

Shaˬ jiˇ kʼoeˇ-ahˇ yaw jmˬ-ehˇ maˬ ehˇ, caꞈ jaꞈ-awˇ neh maˬ ehˇ, maˬ ya dzaˬ-a. Ehˇ kʼawꞈ, uˬ duˬ, aˬ kuiˇ aˬ laꞈ hawˇ-eu tsahˬ nahˬ uˇ jiˇ dawˬ tawˆ luꞈ ahˇ leˇ-ehˇ, mawˇ lah ehˇ tehˬ ba-awˇ ya dzaˬ meh.

Uˬ duˬ 3:16

Sahˬpaˬ Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ lawˇ nehˬ-eu gʼaˇ duˬ, heu deuˬ dawˬ tawˆ luꞈ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ dzah puiˆ-awˇ ya lawˇ meh. Shaˬ tsuˇ dawˬ tawˆ luꞈ, Sahˬpaˬ Miˬyehˇ-euˬ pyeuꞈ-eu meh.

Lormav 16:18

Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu tsawˇ haˬ deuˬ-aˬ, aˬ dui-euˬ Sahˬpaˬ Yeˬsuˇ Ka li-euˬ gaˇ mˇ-eu maˬ ngeuˇ-a. Yawˬ ha-euˬ uˬ maˆ gʼaˇ duˬ shaˇ noeˬ-awˇ mehˇ shuiˇ shuiˇ-eu laꞈ kʼoeˇ iˬ baˇ maˬ ahˇ-eu tsawˇ haˬ deuˬ-ahˇ sheuˬ bahˬ-eu meh.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

Yuˇdaˆ 1:12

Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.

1 Saˬmeuˬlaˆ 2:14

shaˬ jiˇ puꞈ taˬ-euˬ oeˬ lahˬ-ahˇ shaˬ yoꞈ kʼoeˇ neh kawˆ-awˇ, kʼaˇ tsi doˆ-euˬ shaˬ jiˇ deuˬ piˇ ma gʼaˇ duˬ yuˇ-eu meh. Shiˇloˬ meuˬ-ahˇ kʼaˇ lawˇ kʼaˇ shehˇ laˇ-euˬ Iˇsaˬleˬlaˆ tsawˇ haˬ deuˬ-ahˇ, kʼoeˇ loꞈ-ehˇ jahˇ nehˬ-eu meh.

1 Saˬmeuˬlaˆ 2:16

Lawˇ-eu tsawˇ haˬ kʼoeˇ gʼaˬ ehˇ-eu, “Aˬ dui yaw tsaˬ yaw dawˇ dawˇ-ehˇ jahˇ kaˇ-euˇ. Shaˬ tsuˇ jeˬ huˬ dzah puiˆ-awˇ lawˇ gʼaˬ miˇ tsa, nawˇ kʼaˇ geuꞈ mawꞈ-eu loꞈ-ehˇ yuˇ-awˬ.” Ehˇ kʼawꞈ, piˇ ma-euˬ gʼaˬ zaˬ kʼoeˇ gʼaˬ ehˇ-eu, “Toˆ-ehˇ maˬ geuꞈ. Nymˬ-mˇ mi naˆ-ehˇ biꞈ laꞈ-awˬ. Maˬ biꞈ laꞈ naˇ ceh doˆ geuꞈ ma.”