1 Saˬmeuˬlaˆ 19:4 - Akha

⁴ Yawˇnaˆshaˬ-aˬ, aˬ yawꞈ-euˬ aˬ da Sawˇluˆ-ahˇ Daˬbiˇ gʼaˇ duˬ shaˇ ju-eu laꞈ kʼoeˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, nawˬ-euˬ zaˬ kʼaˆ Daˬbiˇ kʼoeˇ taˆ nawˇ yaw lehˬ jeˬ taˬ mˇ nehˬ laꞈ. Nawˬ-euˬ kʼoeˇ taˆ aˬ yawꞈ neh mˇ taˬ-euˬ yaw lehˬ tiˬ jeˬ-iˬ maˬ jaˆ-a. Kʼoeˇ uˬ taꞈ, aˬ yawꞈ neh kʼaˇ mˇ-euˬ yawˬ jeˬ na luꞈ, nawˬ-ahˇ caw ba-eu jeˬ tehꞈ-ehˇ pyeuꞈ-eu meh.

1 Saˬmeuˬlaˆ 19:4 Σταυροειδείς Αναφορές

Aˇ dahˬ 42:22

Luˇbeˬ ehˇ-eu, “Aˬ li-ahˇ taˬ laˆ tahˬ taˬ laˆ naˇ lehˇ naw maꞈ-ahˇ ngaˇ ehˇ nehˬ kʼawꞈ, naw maꞈ maˬ naˇ haˬ-a. Nymˬ-mˇ poˆ jawˇ-aˬ, aˬ yawꞈ-ahˇ laˆ sehꞈ-euˬ loꞈ-ehˇ aˬ dui paˇ ya daˬ poˆ-eu keuˆ laˇ taˬ-euˬ nga.”

Aˇ dahˬ 9:6

Tsawˇ haˬ zaˬ-ahˇ, Miˬyehˇ-ahˇ duˇ ni beh taˬ-euˬ meh. Kʼoeˇ miˇ neh, tsawˇ haˬ-ahˇ sehꞈ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ sehꞈ gaˇ paˇ ya daˬ tehꞈ-a.

2 Laˬsaˬbaˬ 6:22

Tsawˇ haˬ tiˬ gʼaˬ aˬ cawˬ-ahˇ mˇ lehˬ laˆ lehˬ-euˬ meh lehˇ dehˬ lehꞈ gaˇ ya daˬ-awˇ, aˬ yawꞈ iˬ baˇ maˬ ahˇ lehˇ bi kamˬ-eu gʼaˇ duˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu nawˬ-euˬ lawˇ duˬ-ahˇ sheuˬ keuˆ laꞈ ngeh,

Jaceuq 35:12

Maˬlehˬgaˇyaw lehˬciˬpi-awˇ, kʼahˬnaꞈ-ahˇdehˬahˇlaꞈ-euˬmeh.

Jaceuq 59:4

Sahˬpaˬ Miˬyehˇ-oˇ, ngaˇ yaw lehˬ jeˬ mˇ taˬ-euˬ maˬ jaˆ gaˇ, ngaˬ-ahˇ laˆ cawˆ-eu lehˇ aˬ yawꞈ lehˬ hmˬ luꞈ meh.

Dawqdaq 17:13

Yawˬ muiˬ jeˬ-ahˇ yaw doeˇ jahˇ kʼoꞈ-eu deuˬ-euˬ nymˇ jiˇ laꞈ kʼoeˇ yaw haiˬ jeˬ keuˆ le-eu maˬ tsehˆ leˇ-a.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

1 Gawˇliˬtu 8:12

Naw maꞈ kʼoeˇ loꞈ-ehˇ mˇ ngeh, aˬ yuiꞈ aˬ nyiˇ Ka li zaˬ deuˬ-ahˇ mˇ lehˬ-awˇ, gʼaˬ baˬ-eu aˬ yawꞈ maꞈ-euˬ siˬ nya-eu nui ma-ahˇ laˆ naˇ nehˬ-eu laꞈ kʼoeˇ, Ka li-ahˇ mˇ lehˬ gaˇ duˇ-eu meh.

1 Yoˇhaˬ 3:15

Yawˬ ha-euˬ cawˬ pyeuꞈ-eu Ka li zaˬ deuˬ-ahˇ bye-eu tsawˇ haˬ-aˬ, aˬ cawˬ-ahˇ sehꞈ gaˇ duˇ-eu meh. Aˬ cawˬ-ahˇ sehꞈ-eu tsawˇ haˬ-aˬ, yawˬ ha laꞈ kʼoeˇ mˬ maˬ maˬ byaˆ zaˇ ziˆ dehꞈ-eu jeˬ-ahˇ maˬ za nya-a lehˇ naw maꞈ siˬ nya meh.

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.

1 Saˬmeuˬlaˆ 20:32

Yawˇnaˆshaˬ ehˇ-eu, “Aˬ yawꞈ aˬ jeˬ mˇ taˬ-euˬ jaˆ-eu miˇ neh, aˬ yawꞈ-ahˇ ya sehꞈ ta.”

1 Saˬmeuˬlaˆ 22:14

Aˬhiˇmaˬlehˇ ehˇ-eu, “Daˬbiˇ-aˬ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, nawˬ-ahˇ saˇ jaˇ ziꞈ dui dui-eu tiˬ gʼaˬ meh. Aˬ yawꞈ-aˬ, nawˬ-euˬ aˬ zaˬ pyeuꞈ-awˇ, nawˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu uˬ taꞈ, sahˬ paˬ-euˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ yaw zeu baw dui dui-eu meh.